Yos. 12:1 - Ebaibul

¹ Ŋirorwa a ŋirwosi a ŋakwapin a ŋuna apotu Ŋisirael kilout, kituruwosi ŋuna kec alowae a ŋolo alo Kide Yorodan ameun anayonae Arinon akitodol lomoru Erimon kaapei ka akadipaalat ŋina a Yorodan daadaŋ ŋina alo Kide ikes lu:

Yos. 12:1 Iomraidhean Croise

1 Ŋirw. 4:19

Geber lokoku a Uri, iŋes epukat Gilead (akwap ŋina a Sikonaa erwosit, a Ŋiamori ka akwap ŋina a Og a erwosit a Basan). Ekapolon epei bon epukat akwap ŋina a Yuda.

Ŋikiru. 133:3

Ikwaanikin ka ŋakopi ŋuna alomoru a ŋolo enyaritae Erimon, ŋuna eleleuneneete lomukur ŋulu a Sion, anerae nen iŋes adau Ekapolon akiikin ŋarereŋisyo keŋ, adau iŋes akiikin nen akiyar ŋina a ŋikaru ka ŋikaru.

Ŋikiru. 136:21

Abu iŋes inak ŋakwapin a ŋirwosi a ŋul toruwor ŋuna a ŋituŋa a ŋice, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 89:12

Iyoŋ ibu tosub akwap alowae a ŋolo alo Kuju ka alowae a ŋolo alo Kwap; ipurosi iyoŋ ka alelyanu emoru ŋolo a Tabor ka Erimon lopite ŋolo eotor ŋituŋa neni kon.

Isa. 16:2

Etubonorosi ŋituŋa a Moab alodoketa a aŋolol Arinon, etubonorosi ikes esibito ŋikyeny eporete car, etubonorosi ikes esibito ŋicwi ŋulu ealar alokai.

Ekim. 21:13

Towotokis a nen tolomiyasi yaye Arinon, naloŋisat ŋina egeuni alokukoruu a Ŋiamoni, erae Arinon ekukoru a Ŋimoabi; kitoro Ŋisirael kidiŋ Ŋimoabi ka Ŋiamori.

Ekim. 21:21

Kiyakiyasi nai Ŋisirael ŋituŋa neni a erwosit Sikon, erwosit a Ŋiamori, ebasi,

Ekim. 21:24

Apotu Ŋisirael toara ka kikamasi akwap keŋ ameun anayonae Arinon tari nayonae Yabok akitodol lokukoru a akwap a Ŋiamoni, atyono akitub ekukoru a Ŋiamoni, anerae ayakatar Ŋiamoni ŋasigarya ŋuna ajiok nooi.

Ekim. 32:19

Nyikikorakinio isua akwap kaapei ka ikes alokekwaye Yorodan, anerae aryamun isua akorakinet kosi alowae a lo Yorodan, alowae a ŋolo alo Kide.”

Ekim. 32:32

Ikilosi isua nakwap a Kanaan ikiŋarenikinit Ekapolon ka ikitenit aŋuna ke ejie, nai akwap ŋina ikiryamuni isua erae ŋina kosi, idoŋi erae ŋina kosi alowae a lo aŋolol Yorodan.”

Ekim. 32:33

Abu Moses inak ŋituŋa a ekabila a Gad ka ŋulu a ekabila a Ruben ta ŋulu a atutubet a apei a ŋina a ekabila a Manase alokoku a Yosepu akwap ŋina sek epukat erwosit Sikon ŋolo a Ŋiamori ka akwap ŋina sek epukat Og ŋolo a Basan; abu Moses inak ikes akwap ŋin ka ŋitaunio a akwap a ŋin ta ŋakiboisyo ŋuna edunyito nen.

Ŋikis. 2:24

“Toloto kiŋaren anawosit kus, todoka ayonae Arinon. Toyenutu atemar, adau ayoŋ akipotokin iyes erwosit Sikon Eamorait ŋolo a Esibon kaapei ka akwap keŋ. Togeikisi akikamar akwap keŋ, kitijikisi iŋes.

Ŋikis. 2:32

Aŋun, ani ebuni Sikon akitijikin iwon, abu iŋes bu kaapei ka ŋituŋa keŋ daadaŋ akitijikin iwon alo Yaas,

Ŋikis. 3:1

Apaki ŋina ikitipeyorya iwon emetae erot ŋolo eteni Basan, abu erwosit Og ŋolo a Basan bu akitijikin iwon, abu iŋes bu kaapei ka ŋituŋa keŋ daadaŋ akitijikin iwon alo Ederei.

Ŋikis. 4:44

Erae lu ŋikisila ŋulu abu Moses inak Ŋisirael.

Ŋikis. 4:46

eriŋa eya ekekwaye Yorodan nakadipaalat ŋina iteosi ka Bes-Peor, anakwap a erwosit Sikon a ŋolo a Ŋiamori, a ŋolo epukat alo Esibon, a ŋolo abu Moses ka Ŋisirael kilout apaki ŋina aponiata alo Ijipit.

Ŋikis. 4:48

Apotu Ŋisirael kikamasi akwap ŋin daadaŋ ameun alo Areor alotaun a ŋolo eyai diyete ayonae Arinon tari lomoru Sirion (iŋes Erimon)

Yos. 1:15

akitodol ŋina isieŋunia Ekapolon ŋituŋa kus kaapei ka iyes, kitolom ikes daŋ nakwap ŋina einakinit Akuj Ekapolon kus ikes. Ani isiboikini Akuj ŋatekerin a Isirael daadaŋ, toboŋut nai iyes kiboikinos nalup kus ŋuna abu Moses eketiyan ŋolo ke Ekapolon itotyakak iyes alo Kide aŋolol Yorodan.”

Yos. 11:17

Toar Yosua ŋirwosi ŋul daadaŋ ka kikama ŋakwapin kec ŋinapei alomoru Alak a ŋolo idiri Seir akitodol neni enyaritae Baaligad neni a akadipaalat a Lebanon a ŋina anakeju a emoru a ŋolo enyaritae Erimon.

Yos. 11:3

Kiyakiya daŋ ŋituŋa neni a Ŋikanaani a ŋulu alomito Kide ka To aŋolol Yorodan ka neni a Ŋiamori, neni a Ŋiitaiti, neni a Ŋiperisi ka neni a Ŋiyebusi a ŋulu alomito nakwap ŋina a ŋikamukumukui ta Ŋiipi ŋulu alomito nakeju a emoru Erimon nakwap ŋina enyaritae Misipa.

Yos. 13:8

Aris sek keryamut ŋikabilae a Ruben ka Gad ta atutubet apei a ekabila a Manase akwap ŋina atyakakini Moses ŋolo arae eketiyan a Ekapolon ikes alo Kide Yorodan.

Yos. 22:4

Aŋuna nai tokona, adaunia Ekapolon ŋolo erae Akuj kus akisieŋar ŋikaitotoi kus ejie lopite ŋolo eikinitor iŋes ikes, toboŋosi nai tokona nakwap kus ŋina abu Moses eketiyan a Ekapolon ikiinaki iyes alo Kide, alokekwaye Yorodan.

Ŋikat. 11:18

Apotu nai Ŋisirael towotokis a nen kitoro naloŋisat, kiloda ayaaye akwap a Edom ka akwap a Moab todolo Kide akwap a Moab, ido toloma ekekwaye ayonae Arinon. Nyelomara ikes nakwap a Moab, arae Arinon ekukoru a akwap a Moab.