Yos. 11:6 - Ebaibul

⁶ Tolimok nai Ekapolon Yosua tema, “Nyikibul aŋuna kec, anerae moi taparacu ŋisaae lu peilu, epotokini ayoŋ ikes neni a Ŋisirael tomunyarae. Tosodi nai iyoŋ totubutubu ŋamori ŋuna a ŋakejen a ŋaŋolei, ido kicunyak ŋagaari kec.”

Yos. 11:6 Iomraidhean Croise

2 Sam. 8:4

Abu Daudi kikama aneni ka Adadeser ŋikilyok aliput ka ŋamiae ŋakanikaarei ŋulu adokito ŋaŋolei ka ŋulu alosete a ŋakejen ŋalipyo ŋatomoniarei. Kiŋwal Daudi ŋaŋolei kec ŋuna erito ŋagaari, toŋedeŋede ŋamori a ŋakejen kec; kimyek ŋuna iriyarete ŋagaari amiat bon.

2 Ŋirw. 6:16

Toboŋok Elisa iŋes tema, “Nyikibul, elalak ŋulu ikiriit ka iwon akilo ŋulu eriito ka ikes.”

2 Ŋakiro a ŋirwa 20:16

Totiyaaros moi taparacu kitijikis ikes. Itipeunete ikes alorot a ŋolo a Sis, ido iryamunete iyes ikes anasalunet a akadipaalat eriŋa nyedoluno naloŋisat ŋina a Yeruel.

Ŋikiru. 46:10

Ebala Akuj, “Tojoŋoto ejie, toyenutu atemar arae ayoŋ Akuj; eketopolooritae ayoŋ anakwapin eketopolooritae ayoŋ anakwap.”

Ŋikiru. 46:11

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Ŋikiru. 46:9

Itasalununui iŋes ŋijiesyo anakwap; ebilibili ŋakausinei a ŋikaleŋeleŋe, kimasana ŋakwaaras, ido kicuny ŋaupala.

Ŋakit. 20:7

Iboi ituŋanan ŋini iyookino anakiyar a ŋina emam ŋuna itoroniyaritere, ido eryamunete ŋidwe a ituŋanan a ŋin ŋarereŋisyo ekaku a ikauruunan kec.

Isa. 30:16

ido tolimut temasi, “Mam, nyikiemi isua ikidokit ŋaŋolei.” Aŋun iemete iyes! ido temasi nabo, “Ikiemi isua edokitae ŋaŋolei ŋuna apiranak.” Aŋun, ikiwuapete iyes ŋimoe kus ekerete akilo iyes!

Isa. 31:1

Ekaŋ iyes ŋulu itiyaanorosi Ijipit aŋuna ka aryamun akiŋarakino ka iyes ŋulu iyarikinito naŋolei ka ikinyomito ŋagaari ŋuna iritae a ŋaŋolei, anerae elalak; iyes ŋulu ikinyomito neni a ŋikametok ŋaŋolei, anerae egogoŋ ikes, iyes ŋulu nyikinyomito Akuj ŋina asegan ŋina a Isirael, kori nyiŋisenenete Ekapolon ŋakiro ŋuna emaikina kitiyata.

Esek. 39:9

“Akoloŋit ŋin, elomarete ŋituŋa a Isirael ŋulu iboiyete alotaunio kiŋa ŋitaunio, kisitiyata ŋiboro ŋulujiet erae ŋakito ŋuna inokyo. Inokete ikes ŋiupala ŋulucicik ka ŋuna apolok, ŋakausinei a ŋikaleŋeleŋe ka ŋikaleŋeleŋe, ŋabiroi ŋuna ejiere ka ŋakwaaras. inokete ikes ŋiboro ŋul ŋikaru ŋikanikaarei.

Osea 14:3

Nyepedori Asiriya aiun isua, nyikime nabo isua ŋaŋolei, nyeriŋa nabo isua ikitemari neni a ŋiboro a ŋulu ikitiyauni isua a ŋakan kosi ebe, ‘Ŋakujo kosi.’ ”

Naum 2:13

Ebala Ekapolon ŋolo a ŋajoresyo neni kon Ninepe, “Akaremokino ayoŋ iyoŋ, ido ecunyakini ayoŋ ŋagaari kon ŋuna iritae a ŋaŋolei topuruut, earyo alojie ŋasigarya kon, alemari ayoŋ ŋiboro daadaŋ ŋulu ibu iyoŋ tolema aneni a ŋulucetuŋa ka nyiiraryo nabo ŋitoilon a ŋikiyakia kon.”

Ŋikis. 7:16

Imunyarete iyes ŋituŋa daadaŋ ŋulu ikipotok Ekapolon iyes, nyisyoniyete iyes ikes nyitiyanakis ŋakujo kec, anerae eruwor ŋun ibore ŋini ikiteŋeri iyes akiwuap ŋakiro ŋuna ka Akuj.

Yos. 10:8

Tolimok Ekapolon Yosua tema, “Nyiker ikes. Adau ayoŋ akipotokin ikes neni kon. Mam ipei daŋ alokidiŋ kec ŋini epedori awoikin iyoŋ.”

Yos. 11:5

Kiryamuryamunos ŋirwosi ŋul daadaŋ neni acamunito ikes akiryamun, tocunakis ŋajorei kec toruwor apei, kiboikinos diyete ŋakipi ŋuna ka ayonae a ŋina enyaritae Merom aŋuna ka akitijiore Ŋisirael.

Yos. 11:7

Abu nai Yosua ka ŋasigarya keŋ daadaŋ kituumikis ŋajorei ŋun kisiiryakis anakipi a Merom.

Yos. 11:9

Kitiyak Yosua neni kec lopite ŋolo alimokinitor Ekapolon iŋes. Totubutubu ŋamori ŋuna a ŋakejen a ŋaŋolei kec, kicunyak ŋagaari kec.

Yos. 3:5

Tolimok nai Yosua ŋituŋa tema, “Kitesegas, kitaleunos, anerae itiyae moi taparacu Ekapolon ŋaumonokineta neni kus.”

Ŋikat. 20:28

ido arae Pineas lokoku ke Eleasar a ŋolo erae lokoku ka Aron iŋes etiyae etic ŋolo ka akidarit Asaduku alorwa a ŋul), kiŋita nai Ŋisirael Ekapolon temasi, “Elosyo ba isua nabo akitijiore ŋiyeneta kosi ŋituŋa a ekabila a Benjamin, kori imyekinio?” Toboŋok Ekapolon ikes tema, “Apesi, kitijikis ikes, anerae moi taparacu epotokini ayoŋ ikes napedor kus.”

Ŋikat. 7:9

Akoloŋit ŋinapei ŋin nakwaare, abu Ekapolon tolimok Gideon tema, “Tonyou, tolot kitijik Ŋimidian anakibois kec, anerae adau ayoŋ akipotokin ikes napedor kon.

1 Sam. 11:9

Temasi ikes neni a ŋituŋa a ŋulu eyakuunitae alo Yabes, “Apesi tolimokisi ŋituŋa ŋulu alo Yabes-Gilead ebe, ‘Ikiunio iyes moi taparacu apaki ŋina emwanunia akoloŋ.’” Ani epote ŋikiyakia ŋul, elimokinete ŋituŋa a Yabes ŋakiro ŋun, tolelyana nooi ŋituŋa a Yabes.