Yos. 11:15 - Ebaibul

¹⁵ Arae epite ŋolopei sek ecikitor Ekapolon Moses eketiyan keŋ, abunio Moses kicikia Yosua, tosodi Yosua kitiyak ŋun. Nyeesikina iŋes akitiya idiobore daadaŋ ŋini ecikit Ekapolon Moses.

Yos. 11:15 Iomraidhean Croise

2 Ŋakiro a ŋirwa 30:12

Alo Yudaya daŋ, abu Akuj inak ŋituŋa acamun ke epeitau anakimorikina akitiya ŋuna alimunito erwosit ka ŋikapolok anakirot a ŋina ke Ekapolon.

Ekim. 33:50

Abu Ekapolon kirwor neni a Moses anadipoe a ŋuna a Moab alodiyete Yorodan aneni iteosi ka Yeriko tema,

Ekim. 33:52

emaikina iyes kiritasi ŋituŋa ŋulu iboiyete anakwap a ŋina ilosete iyes ka kinyasut ŋitorubei ŋulu icieto ikes, kinyasut ŋitorubei a ŋakujo kec ŋulu icietae a ŋamoru ka ŋulu itiyatae a ŋasuwa ka tomunaasi ŋakiboisyo kec ŋuna eya nenimukur.

Mat. 23:23

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Ilemianakinete iyes Akuj alemikinet apei anatomon a ŋikito a ŋulu itoboboete akimuj. Nai nyiricakinito iyes ŋakitatameta ŋuna apolok ŋuna a ŋikisila, ikwa akitiya ŋuna iyookino, akisyon, ka anupit.

Luk. 11:42

“Ekaŋ iyes Ŋiparisayon! Ilemyanakinete iyes Akuj alemikinet apei anatomon a ŋikito a ŋulu itoboboete akimuj, nai ijamakinito iyes ŋakiro ŋuna iriyan ŋuna ka Akuj ka amina keŋ. Itemokino iyes akitiya nu tomam ajamakinit ŋunace.

Ŋitic. 20:20

Iyenete iyes atemar abu ayoŋ nyemunon idiobore ŋini eyai epoida aneni kus, abu okolimonok ka eketatamik anatukon ka alorerya kus.

Ŋitic. 20:27

Anerae nyimunono ayoŋ akiserakin iyes ŋuna daadaŋ ecamit Akuj.

Ŋikis. 12:32

Emaikina iyes kiwuapa ejok ŋakiro daadaŋ ŋuna ekecik ayoŋ iyes akitiya, nyiyatakis akirot adio nakiro ŋun, kori nyilemasi adio.

Ŋikis. 31:3

elosi Ekapolon elope adokar ekekwaye Yorodan ikiŋarenik iyes, emunyari iŋes ŋituŋa a ŋakwapin a ŋun alokiŋaren kus ka iritarete iyes ikes. Edokari Yosua daŋ ekekwaye ikiŋarenik iyes, lopite ŋolo abunio Ekapolon kiikinia.

Ŋikis. 31:5

Ikiinakini Ekapolon ikes iyes ka itiyaete iyes neni kec lopite ŋolo ekecikia ayoŋ iyes.

Ŋikis. 31:7

Abu nai Moses tonyarau Yosua, tolimok iŋes ŋakiro nu epupete Ŋisirael daadaŋ tema, “Togogoŋ ka totitiny, anerae iyoŋ ilosete ka ŋituŋa lu nakwap ŋina abu Ekapolon kikoŋ neni atapapaa kec atemar einakini ikes, ido iyoŋ isikamari ikes akwap ŋin toruwor ŋina kec.

Ŋikis. 4:2

Nyemaikina iyes kiyatakis ŋakiro ŋadi nakiro ŋuna ekecik ayoŋ iyes, kori tolemasi ŋakiro ŋadi anakiro a ŋun, nai kiwuapa ŋakiciketa a Ekapolon Akuj kus, ŋuna tokona ekeciki ayoŋ iyes.

Ŋikis. 4:5

Kiirasi, lopite ŋolo ekecikia ayoŋ Ekapolon Akuj kaŋ, eketatami ayoŋ iyes tokona ŋikisila ka ŋakiro ŋuna etubunitoe, ikotere iyes iwuapete ŋun anakwap a ŋina eapi iyes alomar ka akiboikin.

Ŋikis. 7:2

ka ani ikipotokini iyes Ekapolon Akuj kus ikes, ido kilout iyes ikes, emaikina iyes tomunyasi ikes jik. Nyicamunosi ka ikes ka nyisyonioto ikes.

Yos. 1:7

Togogoŋior iyoŋ erae agogoŋior ka totitinyor nooi, kimukekinite akiwuapit Ŋikisila daadaŋ ŋulu abu eketiyan kaŋ Moses ikicikak iyoŋ. Nyijamak tari epei a Ŋikisila a ŋul, ikotere ani neni ilosi daadaŋ, topedo akitiya ŋuna ilosikinit.

Yos. 11:12

Abu Yosua tomunya ŋitaunio ŋul kaapei ka ŋirwosi kec, toar a ekileŋ ŋituŋa daadaŋ, lopite ŋolo kicikitor Moses ŋolo arae eketiyan a Ekapolon iŋes.

Yos. 11:14

Apotu Ŋisirael taŋatasi ŋiboro daadaŋ ka ŋibaren alotaunio a ŋul. Nai toara ikes a ekileŋ ŋituŋa daadaŋ nyeesikis tari ipei eyari.

Yos. 11:16

Kikama Yosua akwap ŋin daadaŋ, akwap ŋina a ŋikamukumukui, ŋadipoe a ŋikamukumukui, Kuju ka Kwap, kikama akwap a Gosen daadaŋ ka aloŋisat ŋina alo Kwap ka Araba.

1 Sam. 15:11

“Akakadakis ayoŋ ŋakiro ŋuna abunio eturuworya Saul erwosit, anerae akaŋer iŋes ayoŋ ka nyiwuapa iŋes ŋuna ecikit ayoŋ iŋes.” Toŋo Samuel nooi, kigwor neni ke Ekapolon akuwar kia.