Yos. 10:8 - Ebaibul

⁸ Tolimok Ekapolon Yosua tema, “Nyiker ikes. Adau ayoŋ akipotokin ikes neni kon. Mam ipei daŋ alokidiŋ kec ŋini epedori awoikin iyoŋ.”

Yos. 10:8 Iomraidhean Croise

1 Ŋirw. 20:13

Apaki ŋin, bu ekadwaran neni ka Aab a erwosit a Isirael tema neni keŋ, “Ebala Ekapolon ebe, ‘Ite iyoŋ ŋasigarya ŋuna alalak nu a? Ekemyekini ayoŋ iyoŋ kilou ikes nakoloŋit na, ido iyenuni iyoŋ atemar arae ayoŋ Ekapolon.’ ”

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

Ŋikis. 3:2

Kirwor Ekapolon neni kaŋ tema, “Nyikuryaniar aŋuna keŋ, anerae adau ayoŋ akipotokin iŋes neni kon kaapei ka ŋituŋa keŋ ta akwap keŋ. Kitiya neni keŋ lopite ŋolo ibunio iyoŋ kitiyaa neni a erwosit Sikon a ŋolo a Ŋiamori a ŋolo epukat alo Esibon.”

Ŋikis. 7:24

Ipotokini Ekapolon ŋirwosi kec neni kus, ido itoŋopiyarete iyes ŋirorwa kec anakwap, mam ŋini ikitijikini iyes, imunyarete iyes ikes daadaŋ.

Yos. 10:25

Tolimok Yosua ikes tema, “Nyikuryaka, kori nyikikadak. Togogoŋioto ka totitinyoto, anerae itiyakini Ekapolon ŋakiro nupei nu neni a ŋimoe kus daadaŋ a ŋulu itijikinete iyes.”

Yos. 10:9

Toloto Yosua ka ŋasigarya keŋ akuwar kya ameun alo Giligal kituumikis Ŋiamori kitijioto.

Yos. 11:6

Tolimok nai Ekapolon Yosua tema, “Nyikibul aŋuna kec, anerae moi taparacu ŋisaae lu peilu, epotokini ayoŋ ikes neni a Ŋisirael tomunyarae. Tosodi nai iyoŋ totubutubu ŋamori ŋuna a ŋakejen a ŋaŋolei, ido kicunyak ŋagaari kec.”

Yos. 8:1

Tolimok Ekapolon Yosua tema, “Nyikuryaniar, kori nyikibul; toriko ŋikajiok toloto lotaun Ai. Adau ayoŋ akipotokin nakan kon erwosit ŋolo ka Ai kaapei ka ŋituŋa keŋ ka etaun keŋ ta akwap keŋ.

Ŋikat. 6:16

Tolimok Ekapolon iŋes tema, “Ikiruki ayoŋ ka iyoŋ, ido iari iyoŋ Ŋimidian, iari iyoŋ ikes daadaŋ.”

Ŋikat. 7:9

Akoloŋit ŋinapei ŋin nakwaare, abu Ekapolon tolimok Gideon tema, “Tonyou, tolot kitijik Ŋimidian anakibois kec, anerae adau ayoŋ akipotokin ikes napedor kon.

1 Sam. 17:47

Eyenunete daŋ ŋituŋa lu ŋulu ecunakina ne atemar meere ekileŋ ka akwara eiununia Ekapolon ŋituŋa; anerae erae ejie lo ŋolo ke Ekapolon, ido ikiinakini iŋes iyes napedor kosi.”