Yos. 10:40 - Ebaibul

⁴⁰ Abu Yosua toreu akwap ŋin daadaŋ. Toreu ŋirwosi ŋulu aya nakwap ŋina a ŋikamukumukui ka ŋulu aya nadipoe a ŋikamukumukui alowae a ŋolo alo Kide ka To ta ŋulu aya naloŋisat lowae ŋolo alo Kwap. Mam ituŋanan ŋini abu iŋes toesik eyari, aponi ŋituŋa daadaŋ toarae lopite ŋolo sek alimunitor Ekapolon ŋolo erae Akuj a Ŋisirael.

Yos. 10:40 Iomraidhean Croise

1 Ŋirw. 15:29

Aruwaor iŋes erwosit bon, abu toar ŋituŋa a ekal a Yeroboam daadaŋ. Mam ituŋanan a Yeroboam abu iŋes kimyek eyari, nai abu tomunya daadaŋ, ikwapei alimokinitere anakirot ke Ekapolon a ŋina alimuni Aija eketiyan ke Ekapolon ŋolo alo Silo.

Neem. 9:24

Aŋun, apotu ŋiletok kec tolomasi nakwap ŋin kituruwosi ŋina kec, ido ibu iyoŋ kilou alokiŋaren kec ŋituŋa ŋulu eboiyete anakwap a ŋin ikes Ŋikanaani, ibu iyoŋ ikiwuak Ŋikanaani napedor kec kaapei ka ŋirwosi ta ŋituŋa ka akwap a ŋin, ikotere itiyaete Ŋikanaani neni a Ŋisirael ŋuna italakarito Ŋisirael.

Ŋikiru. 9:17

Elosete ŋulu aronok daadaŋ nakibois a ŋikatwak, elosete ŋituŋa daadaŋ ŋulu eŋerito Akuj nen.

Awos. 34:12

Toceito icamunosi ka ŋituŋa ŋulu iboiyete anakwap a ŋina ilosete iyes, epedorete ŋituŋa ŋul aruwor aloketait aneni kus.

Ekim. 13:17

Abu Moses kiyakiya ŋikilyok ŋul akireb akwap a Kanaan, tolimok ikes tema, “Kitipeiyosi ama tooma Negeb, kitipeiyosi nakwap ŋina a ŋikamukumukui,

Ŋikis. 1:7

Togeutu tokona nabo awosit, toloto nakwap ŋina a ŋikamukumukui ŋina a Ŋiamori ka nakiboisyo nu ŋuna idunyasi ka akwap a Ŋiamori. Araba, akwap ŋina a ŋikamukumukui, Sepela, Negeb ka nakwap ŋina alodiyete anam ka nakwap ŋina a Ŋikanaani ka Lebanon todolo tari naŋolol ŋina apolon nooi ŋina enyaritae Eupurate.

Ŋikis. 2:34

Apaki ŋin, aponi iwon kikamarae ŋitaunio keŋ daadaŋ ka alotooma ŋolotaun, aponi iwon tomunyarae ŋikilyok, ŋaberu ka ŋidwe. Nyimyekina iwon ituŋanan keŋ ipei daŋ eyari.

Ŋikis. 7:24

Ipotokini Ekapolon ŋirwosi kec neni kus, ido itoŋopiyarete iyes ŋirorwa kec anakwap, mam ŋini ikitijikini iyes, imunyarete iyes ikes daadaŋ.

Yos. 10:35

Akoloŋit ŋin kikamasi ikes etaun tomunyasi a ekileŋ ŋituŋa daadaŋ ŋulu aya nen, lopite ŋolopei aris kemunyariata ŋituŋa a Lakis.

Yos. 10:37

Kikamasi ikes etaun tomunyasi a ekileŋ ŋituŋa daadaŋ kaapei ka erwosit kec. Tari ŋitaunio ŋulucicik ŋulu aapiyete a nen, aponi kikamarae, tomunyarae ŋituŋa daadaŋ lopite ŋolopei aris kitiyakinere lotaun Egilon. Abu Yosua nyelakak idiotuŋanan ebucar.

Yos. 10:39

Kikama Yosua etaun ka erwosit keŋ kaapei ka ŋitaunio ŋulucicik ŋulu aapiyete a nen. Toara ŋituŋa daadaŋ a nen a ekileŋ, nyelakak idiotuŋanan ebucar. Abu Yosua kitiyak Debir ŋuna abu iŋes kitiya lotaun Eburon ka lotaun Libina ka erwosit keŋ.

Yos. 11:16

Kikama Yosua akwap ŋin daadaŋ, akwap ŋina a ŋikamukumukui, ŋadipoe a ŋikamukumukui, Kuju ka Kwap, kikama akwap a Gosen daadaŋ ka aloŋisat ŋina alo Kwap ka Araba.

Yos. 12:8

Aponi tokorae akwap ŋina a ŋikamukumukui, ŋina ka adipo, ŋina a ŋakadipaalae, ŋina a ŋadipoe a ŋikamukumukui, ŋina analoŋisat ka ŋina alowae a ŋolo alo Kwap. Arae ŋakwapin ŋun eboiyoto sek Ŋiitaiti, Ŋiamori, Ŋikanaani, Ŋiperisi, Ŋiipi ka Ŋiyebusi.) Ŋirwosi ŋulu aponi kilounae ikes lu:

Yos. 18:21

Ŋitaunio ŋulu akorakinitae ŋituŋa a Benjamin a ŋatekerin kec ikes lu: Yeriko, Bes-Ogila, Emek-Kesis,

Yos. 6:17

Emunyaryo iwon etaun lo kaapei ka ibore daadaŋ ŋini eyai tooma keŋ aŋuna ke Ekapolon. Raab bon amalaat kaapei ka ŋituŋa keŋ ikes eesikinio aŋuna abunio iŋes kiwua ŋirototin yok ŋulu eyakitae iwon ne.

Yos. 8:2

Itemokino iyoŋ torem Ai lopite ŋolopei ibunio iyoŋ toremyo Yeriko kaapei ka erwosit keŋ. Ikicamakin iyes ayaar ŋiboro ka ŋibaren ŋulu iremunete alo Ai, tourumikisi etaun alowae a ŋolo alokaku.”

Yos. 8:27

Ŋibaren bon ka ŋiboro apotu Ŋisirael yaasi ikwapei ecikitor Ekapolon Yosua.

Yos. 9:24

Toboŋokis ikes Yosua temasi, “Aponi isua kitiyae ŋun ekapolon, anerae ikipotu kire eirasi atemar eciki koloŋ Ekapolon ŋolo erae Akuj kus Moses eketiyan keŋ ainakin iyes akwap daadaŋ, tosodo toara ŋituŋa daadaŋ ŋulu elomito nen. Ikipotu isua etiyata ŋun aŋuna abunio itobulyo nooi, tocamunae aiun akiyar kosi.