Yos. 10:3 - Ebaibul

³ Tosodi Adonisedek kiyakiya ŋituŋa neni a ŋirwosi a ŋikan atemar potu toiata iŋes. Ŋirwosi ŋul ikes lu: Oam ŋolo a Eburon, Piram ŋolo a Yarimus, Yapia ŋolo a Lakis ka Debir ŋolo a Egilon.

Yos. 10:3 Iomraidhean Croise

Akisy. 23:2

Ekaku, totwana Sara alo Kirias-Araba (iŋes Eburon) anakwap a ŋina a Kanaan. Kiyaloloŋ Aburaam ka kigwor aŋuna a Sara.

Akisy. 37:14

Tolimok Isirael Yosepu tema, “Ape tokona toanyu kiboiyete ŋikaitotoi kon ejok kaapei ka ŋakinei; ido kinyaku ŋakiro neni kaŋ.” Kiyaki Isirael iŋes anakadipaalat a ŋina ke Eburon; tolot Yosepu tari Sekem,

2 Sam. 2:11

Abu Daudi kipuka ŋituŋa a Yudaya alo Eburon ŋikaru ŋikanikaarei ka ŋilapyo ŋikanikapei.

2 Ŋirw. 18:14

Abu Esekia kiyakiya akirot neni a Senakerib a ŋolo ayai lotaun Lakis tema, “Adyakarit ayoŋ. Ekelipit iyoŋ toboŋo nyikirem ayoŋ. Edaŋidaŋi ayoŋ etacit daadaŋ ŋolo ca ikitubokini iyoŋ ayoŋ.” Abu erwosit ka Asiriya totubok Esekia alemun ŋitalantae ŋamiae ŋauni ŋulu ke esilipa ka ŋitalantae ŋatomoniuni ŋulu ke egolid.

2 Ŋirw. 18:17

Kiyakiya erwosit ŋolo ka Asiriya neni ke Esekia a ŋolo ayai Yerusalem ŋikapolok ŋulu a ŋasigarya keŋ ŋiuni, ŋolo apolokinit daadaŋ ka ŋolo ewuapit ŋol ta ŋolo apol alojie. Arukito ikes ka ŋasigarya ŋuna alalak nooi ŋuna arukorete ka ikes alotaun Lakis. Potu ikes tari Yerusalem, towua anadoketa aŋuna ka abwal a ŋina ayai neni amukur, lorukude ŋolo alosi neni adonyere ŋilowi.

2 Ŋakiro a ŋirwa 11:9

Adoraim, Lakis, Aseka,

Yer. 34:7

apaki ŋina etijioto ŋasigarya a Babilon ŋituŋa a Yerusalem ka ŋitaunio a Yudaya daadaŋ ŋulu edoŋito, Lakis ka Aseka, anerae ŋitaunio ŋul bon alo Yudaya edoŋito aŋuna adukitere ŋaduketa ŋunajiet.

Mika 1:13

Iyes ŋulu iboiyete alo Lakis, toenikisi ŋagaari naŋolei, anerae iyes ipotu kisyakis akisec, kiteseca Yerusalem. Iyes ŋituŋa a Lakis apotu kiteseca Ŋisirael.

Ekim. 13:22

Aŋun apotu ikes kitipeiyosi Negeb, todolo Eburon, Aiman ka Sesai ta Talimai. Arae Ŋianaki ikes eboiyete a nen. (Kedukyo Eburon ŋikaru ŋikanikaarei eriŋa nyeduko Soan alo Ijipit.)

Yos. 10:1

Abu Adonisedek erwosit a Yerusalem kiira atemar kebu Yosua kikama Ai, tomunya ibore daadaŋ kaapei ka erwosit keŋ, lopite ŋolopei keris kitiyakinia Yeriko. Abu nabo kiira atemar aruwor Ŋigibeoni ka Ŋisirael ŋipei ka erukito.

Yos. 10:23

Aponi toŋaarae aturukan, torikunoe kiŋa erwosit a Yerusalem, erwosit a Eburon, erwosit a Yarimus ka erwosit a Lakis ta erwosit a Egilon.

Yos. 10:34

Ani kirikakin akikamar Lakis, abu Yosua ka Ŋisirael daadaŋ tolunyaros, kirikaut etaun Egilon toremo.

Yos. 10:5

Apotu nai ŋirwosi ŋulukan ŋulu a Ŋiamori tocunakis ŋajorei kec. Arae ŋirwosi ŋul lu: Erwosit a Yerusalem, erwosit a Eburon, erwosit a Yarimus ka erwosit a Lakis ta erwosit a Egilon. Torukosi ikes ka ŋajorei kec, kirikaut Gibeon kitijioto.

Yos. 14:15

Ekiŋaren sek, arae ekiro ŋolo anyaritere Eburon Kirias-Ariba. Arae Ariba ekile ŋolo aoi tobutur nooi aneni Ŋianakim a daadaŋ. Abu nai akwap kieŋu jik ejie.

Yos. 15:54

Umita, Kirias-Ariba (iŋes Eburon) ka Sior. Arae ŋul a nen ŋitaunio ŋikanikaomwon ka ŋirerya kec.

Yos. 15:63

Nai apotu ŋituŋa a Yuda nyiritasi Ŋiyebusi ŋulu alomito Yerusalem ka arubakis Ŋiyebusi eyakasi Yerusalem erukito ka ŋituŋa a Yuda tari tokona.

Yos. 18:28

Sela, Aelep etaun a Ŋiyebusi (iŋes Yerusalem), Gibea ka Kirias-Yearim. Arae ŋul ŋitaunio ŋitomon ka ŋiomwon ka ŋirerya kec. Arae ŋin akwap a ŋituŋa a Benjamin a ŋatekerin kec.