Yos. 10:25 - Ebaibul

²⁵ Tolimok Yosua ikes tema, “Nyikuryaka, kori nyikikadak. Togogoŋioto ka totitinyoto, anerae itiyakini Ekapolon ŋakiro nupei nu neni a ŋimoe kus daadaŋ a ŋulu itijikinete iyes.”

Yos. 10:25 Iomraidhean Croise

Ŋikiru. 63:9

Nai ikes ŋulu iwarito alemar akiyar kaŋ, elomarete nakibois a ŋikatwak;

Ŋikiru. 77:11

Emaikina ayoŋ otamu ŋiticisyo kon, okoe Ekapolon; ee, emaikina ayoŋ otamu ŋakiro kon ŋuna ka aumokin ŋuna koloŋ ibu iyoŋ kitiya.

Ŋirom. 8:37

Nai alotooma ŋakiro ŋun daadaŋ, ikiloit iwon tari ŋikelounak aŋuna a ŋolo abu ikiminak iwon.

2 Ŋikor. 1:10

Erae iŋes abu itoiu isua anatwanare a ŋina ikoni ŋin ka ikiuni iŋes isua nabo; ikiwuakinit isua akigeno kosi neni keŋ: ikiuni iŋes isua nabo.

Ŋiep. 6:10

Ŋuna isidiyete, togogoŋioto anakimorina kus ka Ekapolon alotooma acamun iŋes ikitogogoŋ iyes ka agogoŋu keŋ a ŋina apolon.

Ŋikis. 7:19

totamunito ŋakikatanakineta ŋuna apolok, ŋuna ipotu iyes kiŋolikis a ŋakonyen kus, totamunito ŋakujuwuanisya ŋaumonokineta ka apedor keŋ ŋina etiron ta agogoŋu keŋ ŋina abunio Ekapolon Akuj kus ikiyaunia iyes alo Ijipit. Itiyae Ekapolon Akuj kus ŋunapei neni a ŋituŋa a daadaŋ a ŋulu ikuryaka iyes aŋuna kec.

Yos. 1:6

Togogoŋior, nabo totitinyor, anerae iyoŋ isikamari ŋituŋa lu akwap ŋina abu ayoŋ ekoŋ ainakin atapapaa kec.

Yos. 1:9

Tokona nai, ekeciki ayoŋ iyoŋ; togogoŋ ka totitiny. kiurya nyikikadanak, anerae ayoŋ Ekapolon Akuj kon, ikirukit ayoŋ ka iyoŋ aneni ilosi daadaŋ.”

Yos. 10:8

Tolimok Ekapolon Yosua tema, “Nyiker ikes. Adau ayoŋ akipotokin ikes neni kon. Mam ipei daŋ alokidiŋ kec ŋini epedori awoikin iyoŋ.”

1 Sam. 17:37

Tema Daudi, “Akaiuni ayoŋ Ekapolon anakan a Epilistait a ŋol lopite ŋolo abunio okoiunia ayoŋ alomoyo a eŋatuny ka alomoyo a etyaŋ ece a ŋolo adedeŋan.” Aŋun, tema Saul neni a Daudi, “Ape, toyai Ekapolon kaapei ka iyoŋ.”