Yos. 10:1 - Ebaibul

¹ Abu Adonisedek erwosit a Yerusalem kiira atemar kebu Yosua kikama Ai, tomunya ibore daadaŋ kaapei ka erwosit keŋ, lopite ŋolopei keris kitiyakinia Yeriko. Abu nabo kiira atemar aruwor Ŋigibeoni ka Ŋisirael ŋipei ka erukito.

Yos. 10:1 Iomraidhean Croise

Akisy. 14:18

Yau Melekisedek ŋolo arae erwosit ŋolo a Salem ŋamugati ka epiini; arae daŋ Melekisedek esacaradoti ŋolo ka Akuj a ŋina alokidiama nooi.

Ŋibur. 7:1

Arae Melekisedek erwosit ŋolo ke etaun a ŋolo a Salem, torae daŋ esacaradoti ŋolo ka Akuj a ŋina alokidiama nooi. Ani eboŋuni Aburaam alojiye a ŋolo elounia ŋirwosi ŋiomwon, kiryamun iŋes ka Melekisedek ŋolo abu kiterereŋ iŋes.

Yos. 10:3

Tosodi Adonisedek kiyakiya ŋituŋa neni a ŋirwosi a ŋikan atemar potu toiata iŋes. Ŋirwosi ŋul ikes lu: Oam ŋolo a Eburon, Piram ŋolo a Yarimus, Yapia ŋolo a Lakis ka Debir ŋolo a Egilon.

Yos. 6:21

Apotu ikes tolemut ŋileŋia kec toaryata ŋituŋa daadaŋ alotaun, ŋikilyok ka ŋaberu, ŋisorok ka ŋimojoŋi. Toara daŋ ŋaatuk ka ŋamesekin ta ŋisigirya.

Yos. 8:2

Itemokino iyoŋ torem Ai lopite ŋolopei ibunio iyoŋ toremyo Yeriko kaapei ka erwosit keŋ. Ikicamakin iyes ayaar ŋiboro ka ŋibaren ŋulu iremunete alo Ai, tourumikisi etaun alowae a ŋolo alokaku.”

Yos. 8:21

Ani iŋolikinete Yosua ka Ŋisirael daadaŋ atemar kikamasi etaun ŋajorei kec ŋuna aurumikinito nen ka iŋolikinete apuru eremit kidiama, toboŋo ikes kisiiryakis ŋikilyok ŋulu ka Ai.

Yos. 9:3

Nai ani iirarete ŋituŋa ŋulu ke etaun a Gibeon, ŋuna keris Yosua kitiyak lotaunio a Yeriko ka Ai,