Yos. 1:9 - Ebaibul

⁹ Tokona nai, ekeciki ayoŋ iyoŋ; togogoŋ ka totitiny. kiurya nyikikadanak, anerae ayoŋ Ekapolon Akuj kon, ikirukit ayoŋ ka iyoŋ aneni ilosi daadaŋ.”

Yos. 1:9 Iomraidhean Croise

Akisy. 28:15

Toyenu nu ebe ikiruki ayoŋ ka iyoŋ, ekeyokit ayoŋ iyoŋ aneni daadaŋ ilosi iyoŋ, ido ekenyakuni iyoŋ nakwap na, anerae nyakaesikini ayoŋ iyoŋ mati ketiyak ŋuna adau akiikin iyoŋ.”

Akisy. 39:2

Arukito Ekapolon kaapei ka Yosepu, kituruwo Ekapolon iŋes ŋolo alosi etic keŋ kiŋaren ejok, itiyae kai a ekapolon keŋ a Potipar a Ejipitanoit.

Akisy. 39:3

Ani eyenuni ekapolon a Yosepu atemar erukito Ekapolon kaapei ka Yosepu, ido elosi etic a Yosepu daadaŋ ejok,

2 Sam. 13:28

Kicik Abusalom ŋiketiyak keŋ tema, “Kiirasi! Ani emerakin Aminon nooi kedau akimat epiini, apaki ŋina akalimokinia ayoŋ iyes ebe, ‘Toara Aminon,’ emaikina iyes toara iŋes. Nyikuryaketa, meere mono ayoŋ abala iyes toara a?”

1 Ŋakiro a ŋirwa 28:20

Tema nabo Daudi neni a Solomon alokoku keŋ, “Togogoŋior ka totitinyor, kitiya etic. Nyikuryaniar, kori nyicamu ikikadakini, anerae irukito iyoŋ ke Ekapolon Akuj kaŋ. Nyikimyekini iŋes iyoŋ, mati jik kirikakin etic daadaŋ ŋolo ka Akai ke Ekapolon.

2 Ŋakiro a ŋirwa 15:7

Nai ani eruwor iyes, totitinyikisi, nyijamakis ŋuna itiyaete iyes, anerae ikiinakinio iyes eropit anakiro a ŋuna itiyaete iyes.”

Ŋikiru. 46:7

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 43:5

Nyikuryaketa, anerae ikirukit ayoŋ ka iyes, ayauni ayoŋ ŋiletok kus alo Kide ka akacununi ayoŋ iyes alo To.

Isa. 8:12

“Nyituko akitiya ŋadi kaapei ka ŋituŋa ka nyiker ŋakiro ŋuna ekerito ikes, kori nyikuryaniar nooi.

Dan. 10:19

Tema iŋes neni kaŋ, “Nyikuryaniar, irae iyoŋ ituŋanan ŋini ikimina Akuj nooi, mam ŋace etakanunete neni kon. Togogoŋior ka totitinyor!” Ani irworikini iŋes neni kaŋ, abu ayoŋ ogogoŋior otema, “Kirworik Ekapolon kaŋ, anerae ikitogogoŋ iyoŋ ayoŋ.”

Agai 2:4

nai tokona ebala, ‘Okoe, Serubabel totitinyik iyoŋ, Okoe esacaradoti ŋolo Apolon nooi Yosua, lokoku a Yeosadak, totitinyik, iyes ŋituŋa daadaŋ ŋulu ka akwap, totitinyikisi, ido kitiyata, anerae ikirukit ayoŋ ka iyes;

Agai 2:5

ikwapei abunio ayoŋ ekeikinia iyes apaki ŋina iponiata iyes alo Ijipit. Erubakinit Etau kaŋ eyai neni kus. Nyikuryaketa!’

Ŋitic. 4:19

Nai toboŋokis Petero ka Yoana temasi, “Totubutu iyes ŋilopeyek ŋuna iyookino alokiŋaren Akuj--akiwuap ŋakiro kus kori ŋuna ka Akuj.

Ŋikis. 1:21

Kiirasi, adau Ekapolon Akuj kus ainakin iyes akwap; kitipeiyosi kituruwosi akwap ŋin ŋina kus, ikwapei adaunia Ekapolon Akuj atapapaa kus akiikin iyes, nyikuryaketa, kori nyikikadak.”

Ŋikis. 20:1

Ani ilosete iyes lojie akitijikin ŋimoe kus, ido kiŋolikis atemar elalak ŋaŋolei kec, ŋagaari kec ŋuna iritae a ŋaŋolei ka ŋasigarya a ŋimoe kus akilo ŋuna kus, nyikuryaketa aŋuna kec, anerae irukito iyes ka Ekapolon Akuj kus ŋolo ikitipeunio iyes anakwap a Ijipit.

Ŋikis. 31:23

Tolimok nai Ekapolon Yosua lokoku a Nun ŋakiro nu tema, “Togogoŋ ka totitiny, anerae iyai iyoŋ Ŋisirael nakwap ŋina abu ayoŋ eik ikes, ikiruki ayoŋ ka iyoŋ.”

Ŋikis. 31:28

Tocun neni kaŋ ŋikasikou daadaŋ ŋulu a ŋikabilae kus ka ŋikapolokinitok ŋituŋa kus, ikotere ayoŋ alimuni ŋakiro nu epupete ikes, onyarau nakuj ka nakwap kisuudata ŋakiro ŋuna a eŋerenu kec.

Yos. 1:10

Kiserak nai Yosua ŋikarikok a ŋituŋa ŋakiro tema,

Yos. 1:17

Ikiwuapi isua ŋakiro kon lopite ŋolo ikiponia ewuapyata ŋuna a Moses. Ŋuna bon ikigasi isua iŋes atemar bu Ekapolon ŋolo erae Akuj kon toruko ka iyoŋ lopite ŋolo arukitotor ka Moses.

Yos. 1:18

Ituŋanan daadaŋ ŋini eŋeri ŋakiro kon, kori nyiwuapi ŋuna ilimu iyoŋ, earyo, nai togogoŋior iyoŋ ka totitinyor.”

Yos. 10:25

Tolimok Yosua ikes tema, “Nyikuryaka, kori nyikikadak. Togogoŋioto ka totitinyoto, anerae itiyakini Ekapolon ŋakiro nupei nu neni a ŋimoe kus daadaŋ a ŋulu itijikinete iyes.”

Yos. 10:8

Tolimok Ekapolon Yosua tema, “Nyiker ikes. Adau ayoŋ akipotokin ikes neni kon. Mam ipei daŋ alokidiŋ kec ŋini epedori awoikin iyoŋ.”

Yos. 3:7

Kirwor nai Ekapolon neni a Yosua tema, “Akoloŋit na, esyakini ayoŋ akitopoloor iyoŋ alokiŋaren Ŋisirael daadaŋ, ikotere toyenuniata ikes atemar ikiruki ayoŋ ka iyoŋ lopite ŋolo abunio orukioto ka Moses.

Yos. 6:27

Aŋun, arukito Ekapolon ka Yosua ka abu arwonu keŋ kielakin akwap ŋin daadaŋ.

Yos. 8:1

Tolimok Ekapolon Yosua tema, “Nyikuryaniar, kori nyikibul; toriko ŋikajiok toloto lotaun Ai. Adau ayoŋ akipotokin nakan kon erwosit ŋolo ka Ai kaapei ka ŋituŋa keŋ ka etaun keŋ ta akwap keŋ.

Ŋikat. 6:14

Tolimok nai Ekapolon Gideon tema, “Tolot a agogoŋu kon a ŋina etiron tolaku Ŋisirael anapedor a Ŋimidian, ayoŋ ekeyakiya iyoŋ akitiya ŋun.”

1 Sam. 10:7

Ani nai etakanunete ŋakiro ŋun neni kon, kitiya ŋuna ikilimokini iyoŋ Akuj akitiya, anerae eyai Akuj kaapei ka iyoŋ.