Yos. 1:8 - Ebaibul

⁸ Kiricakinite asyomenen apaki ŋina ilipyata iyes ŋuna igiritae lokitaabo ŋolo a Ŋikisila, toruwor ikes itami iyoŋ apaaran ka akuwar, ikotere imukekini akiwuapit ŋuna daadaŋ igiritae lokitaabo ŋol. Alopite a ŋol, erereŋior erot kon, topedo akitiya ŋuna ilosikinit.

Yos. 1:8 Iomraidhean Croise

Akisy. 24:63

Ataboŋ apei, toloma Isaka kiŋa akirimor nariet, ani eŋoleŋolekini iŋes, kiŋolik ŋikaala eponito.

2 Ŋakiro a ŋirwa 26:5

Abu iŋes kitiyanak Akuj anakikinyomit alorwa a ŋulu a Sakariya a ŋolo abu kitatam iŋes akitopoloorit Akuj; ŋirwa daadaŋ ŋulu etiyanakinia iŋes Ekapolon, abu Akuj kiterereŋ iŋes.

Ŋikiru. 119:11

Ericit ayoŋ nooi akirot kon alotau kaŋ, ikotere ayoŋ nyasec aneni kon.

Ŋikiru. 119:15

Atamatamae ayoŋ ŋuna a ŋikisila kon, amitakinit akiwuapit ŋuna ibala iyoŋ.

Ŋikiru. 119:97

Okoe ayoŋ amina nooi ŋikisila kon, atamatamae ayoŋ ikes apaaran jwii,

Ŋikiru. 119:99

Ayakar ayoŋ apiiryanut ŋina iloit ŋina a ŋiketatamak kaŋ a daadaŋ, anerae atamatamae ayoŋ ŋakiro ŋuna itubunit iyoŋ.

Ŋikiru. 19:14

Kimyek ŋakiro ŋuna erworo ayoŋ ka ŋuna eomomoe etau kaŋ toruworos ŋuna icamit iyoŋ, okoe Ekapolon, ekaiunan kaŋ ka ekalakunan kaŋ.

Ŋikiru. 40:10

Nyemunoni ayoŋ ŋakiro ŋuna ka aiuno kon alotau kaŋ; erworo ayoŋ ŋuna ka akikinyoma kon ka ŋuna ka aiuno kon. Nyimunono ayoŋ ŋakiro ŋuna ka amina kon a ŋina nyiryaŋiryaŋa ka ŋuna ka akikinyoma kon anatukot a ŋituŋa a ŋulu ecunakina akilip.

Ŋakit. 3:1

Ikaakoku, nyikimuryakis ŋakiro ŋuna eketatami ayoŋ iyoŋ, totamunite alotau kon ŋakiciketa kaŋ;

Isa. 59:21

Alimu Ekapolon ebe, “Erae na acamunet kaŋ ka ikes. Ameun tokona tari ŋikaru ka ŋikaru, etau kaŋ ŋolo eyai neni kus ka ŋakiro kaŋ ŋuna ewuak ayoŋ nakituka kus, nyiyotorete anakituka kus, kori anakituka a ŋidwe kus, kori anakituka a ŋidwe kec.”

Mat. 12:35

Ituŋanan ŋini ajokan elimuni ŋuna ajokak ŋuna eyakasi lotau keŋ ka ituŋanan ŋini aronon elimuni ŋuna aronok ŋuna eyakasi lotau keŋ.

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Mat. 7:21

“Meere ŋinituŋanan ebala ayoŋ ‘Ekapolon, Ekapolon,’ elomari Napukan ŋina anakuj, nai ŋini itiyae ŋuna ecamit Papa kaŋ ŋolo anakuj iŋes kitiya.

Mat. 7:24

“Aŋun, ituŋanan daadaŋ ŋini iirari ŋakaakiro kitiya, ikwaanikin ka ituŋanan ŋini aoson ŋini adukokini akai keŋ nataaba.

Luk. 11:28

Tolimok Yesu iŋes tema, “Kire iyookino, nai erereŋ nooi ŋulu iirarete ŋakiro ŋuna ka Akuj, ido kiwuapa!”

Yoa. 13:17

Ani kiyenete iyes nu, irereŋ iyes erae kitiyata nu.

Yoa. 14:21

“Ŋini ecamunit ŋakiciketa kaŋ, kiricakinite, iŋes akamina ayoŋ. Ŋini akamina ayoŋ, iŋes eminakini Papa kaŋ; aminakini ayoŋ daŋ iŋes ka esileereun neni keŋ.”

Ŋiep. 4:29

Nyirworosi ŋakiro ŋuna awanak, nai kirworos ŋuna eŋarakinak, ŋuna epedorete akiŋarakin ŋituŋa alotooma ŋuna iitanito ikes, ikotere yaut ŋarereŋisyo lotuŋa ŋulu ikipupete iyes.

Ŋikis. 29:8

Aponi iwon kikamarae akwap kec, ido okorakisi ŋituŋa a ekabila a Ruben ka ŋituŋa a ekabila a Gad ta atutubet apei a ŋituŋa a ekabila a Manase toruwor ŋina kec.

Ŋikis. 29:9

Aŋun, kiwuapa ejok ŋakiro ŋuna ka acamunet, ikotere itiyaete a aosou ŋakiro daadaŋ.

Ŋikis. 30:14

Mam, eapiyete ŋakiro ŋun aneni kus, eyakasi nakituka kus ka lotai kus, ikotere iyes iricakinete ikes.

Ŋikis. 31:11

apaki ŋina eponiata Ŋisirael daadaŋ kiŋaren Ekapolon Akuj kus nakibois ŋina eseuni iŋes, emaikina iyes tosyoma ŋikisila ŋul alokiŋaren Ŋisirael daadaŋ epupete ikes.

Ŋikis. 31:24

Ani kedau Moses akigir lokitaabo ŋakiro daadaŋ ŋuna a ŋikisila a ŋul,

Ŋikis. 5:1

Tonyarau Moses Ŋisirael daadaŋ, tosodi tolimok ikes tema, “Okoe Ŋisirael kiirasi ŋakiro ŋuna etubunitoe ka ŋikisila ŋulu akalimokini ayoŋ iyes nakoloŋit na, emaikina iyes toyenut ka kiwuapa ejok inakina.

Ŋikis. 5:29

Okoe kerae ca toyakatar ikes atametait ŋina ikoni ŋin, ŋina ka amina ayoŋ ka akiwuapit ŋakiciketa kaŋ daadaŋ jwi jwi, ikotere ejokyata ŋakiro aŋuna kec ka aŋuna a ŋidwe kec ŋikaru ka ŋikaru!

Ŋikis. 5:32

Aŋun, emaikina iyes pa iŋayaŋayato, kitiya lopite ŋolo adaunia Ekapolon Akuj kus alimun, nyimyekis akitiya ŋuna iyookino alokiŋaren Ekapolon.

Ŋikol. 3:16

Kimyekisi ŋakiro a Kristo anapedor ka anaosou kec kiboiyoto alotai kus; kitatamas ka tolimonokinos ŋun make anaosou a daadaŋ. Toeos Ŋieosyo a Daudi, ŋieosyo ŋulu ipurore Yesu ta ŋieosyo ŋulu ke Etau; toeikisi ka alakara neni ka Akuj alotai kus.

Yos. 1:7

Togogoŋior iyoŋ erae agogoŋior ka totitinyor nooi, kimukekinite akiwuapit Ŋikisila daadaŋ ŋulu abu eketiyan kaŋ Moses ikicikak iyoŋ. Nyijamak tari epei a Ŋikisila a ŋul, ikotere ani neni ilosi daadaŋ, topedo akitiya ŋuna ilosikinit.

Yos. 8:34

Kedaun ŋun, tosyomak Yosua ŋituŋa Ŋikisila daadaŋ, tosyomak tari ŋarereŋisyo ka ŋilam, lopite ŋolo igiritere lokitaabo a Ŋikisila.

Akis. 22:14

Erereŋ ŋulu ilotarito ŋilowi kec, ikotere toryamut apedor ŋina nyamet arait ŋina ke ekitoe a ŋolo ka akiyar ka kitoro lopidiŋ elomarete lotaun ŋolo apolon.