Yos. 1:7 - Ebaibul

⁷ Togogoŋior iyoŋ erae agogoŋior ka totitinyor nooi, kimukekinite akiwuapit Ŋikisila daadaŋ ŋulu abu eketiyan kaŋ Moses ikicikak iyoŋ. Nyijamak tari epei a Ŋikisila a ŋul, ikotere ani neni ilosi daadaŋ, topedo akitiya ŋuna ilosikinit.

Yos. 1:7 Iomraidhean Croise

1 Ŋirw. 2:2

“Aapuu ayoŋ anyoun anakwap ana lopite ŋolo enyoununuyoto ŋituŋa daadaŋ. Togogoŋ, totitiny ka

1 Ŋirw. 2:3

kiwuap ŋuna ikicik Ekapolon Akuj kon, tolosi alorotin keŋ ka kiwuap ŋikisila keŋ, ŋakiciketa keŋ ka ŋuna etubunit iŋes ka ŋakiteyenikineta keŋ, lopite ŋolo igiritere Lokisila a Moses, ikotere nai irereŋier iyoŋ anakiro a daadaŋ a ŋuna itiyae iyoŋ ka aneni daadaŋ ilosi iyoŋ.

2 Ŋirw. 22:2

Abu iŋes kitiya ŋakiro ŋuna etalakarito Ekapolon ka ewuapit ŋipitesyo daadaŋ ŋulu a Daudi a papaa keŋ. Abu Yosia nyimyek akitiya ŋuna eyookino alokiŋaren Ekapolon.

1 Ŋakiro a ŋirwa 22:13

Ipedori nai akilounun daadaŋ erae kiwuap ejok ŋitalyo ka ŋikisila ŋulu abu Ekapolon inak Moses aŋuna a Ŋisirael. Togogoŋior ka tomukyaniar. Nyikuryaniar, kori nyicamu ikikadanakini.

2 Ŋakiro a ŋirwa 15:7

Nai ani eruwor iyes, totitinyikisi, nyijamakis ŋuna itiyaete iyes, anerae ikiinakinio iyes eropit anakiro a ŋuna itiyaete iyes.”

2 Ŋakiro a ŋirwa 26:5

Abu iŋes kitiyanak Akuj anakikinyomit alorwa a ŋulu a Sakariya a ŋolo abu kitatam iŋes akitopoloorit Akuj; ŋirwa daadaŋ ŋulu etiyanakinia iŋes Ekapolon, abu Akuj kiterereŋ iŋes.

Yob 1:8

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ŋini ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok.”

Ŋikiru. 80:19

Okoe Ekapolon Akuj ŋina a ŋajoresyo, kinyakunae isua; kisyoni isua ikotere isua ikiiun.

Ŋakit. 4:27

Nyitiyae ŋuna iyookino ka ŋuna aronok, torubak itiyae ŋuna iyookino bon.

Ŋakit. 8:20

Ewuapit ayoŋ ŋuna ka akiyookino, ewuapit ayoŋ ŋuna a kire,

Dan. 10:19

Tema iŋes neni kaŋ, “Nyikuryaniar, irae iyoŋ ituŋanan ŋini ikimina Akuj nooi, mam ŋace etakanunete neni kon. Togogoŋior ka totitinyor!” Ani irworikini iŋes neni kaŋ, abu ayoŋ ogogoŋior otema, “Kirworik Ekapolon kaŋ, anerae ikitogogoŋ iyoŋ ayoŋ.”

Ekim. 27:23

tosodi kidokok Moses ŋakan keŋ nakou a Yosua, ido tolimok iŋes ŋuna emaikina kitiya lopite ŋolo alimokinitor Ekapolon iŋes.

Ŋikis. 11:8

Kiwuapa nai ŋakiciketa daadaŋ ŋuna ekecik ayoŋ iyes akiwuap nakoloŋit na, ikotere iryamuniata agogoŋu ŋinalomaret ka ŋinakikamaret akwap ŋina ilosete iyes akiboiyo alokekwaye Yorodan

Ŋikis. 12:32

Emaikina iyes kiwuapa ejok ŋakiro daadaŋ ŋuna ekecik ayoŋ iyes akitiya, nyiyatakis akirot adio nakiro ŋun, kori nyilemasi adio.

Ŋikis. 28:14

ka erae pa kimyekis iyes akiwuap ŋakiro keŋ erae pa kimyekis iyes akitiya ŋuna iyookino alokiŋaren Ekapolon erae pa kilipa ka kitiyanakis ŋakujo ŋace.’ ”

Ŋikis. 29:8

Aponi iwon kikamarae akwap kec, ido okorakisi ŋituŋa a ekabila a Ruben ka ŋituŋa a ekabila a Gad ta atutubet apei a ŋituŋa a ekabila a Manase toruwor ŋina kec.

Ŋikis. 29:9

Aŋun, kiwuapa ejok ŋakiro ŋuna ka acamunet, ikotere itiyaete a aosou ŋakiro daadaŋ.

Ŋikis. 31:7

Abu nai Moses tonyarau Yosua, tolimok iŋes ŋakiro nu epupete Ŋisirael daadaŋ tema, “Togogoŋ ka totitiny, anerae iyoŋ ilosete ka ŋituŋa lu nakwap ŋina abu Ekapolon kikoŋ neni atapapaa kec atemar einakini ikes, ido iyoŋ isikamari ikes akwap ŋin toruwor ŋina kec.

Ŋikis. 4:2

Nyemaikina iyes kiyatakis ŋakiro ŋadi nakiro ŋuna ekecik ayoŋ iyes, kori tolemasi ŋakiro ŋadi anakiro a ŋun, nai kiwuapa ŋakiciketa a Ekapolon Akuj kus, ŋuna tokona ekeciki ayoŋ iyes.

Ŋikis. 5:32

Aŋun, emaikina iyes pa iŋayaŋayato, kitiya lopite ŋolo adaunia Ekapolon Akuj kus alimun, nyimyekis akitiya ŋuna iyookino alokiŋaren Ekapolon.

Yos. 1:1

Ekaku ketwana Moses eketiyan ŋolo ke Ekapolon, kirwor Ekapolon neni a Yosua a lokoku a Nun, a ŋolo sek eŋarakinit Moses tema,

Yos. 1:8

Kiricakinite asyomenen apaki ŋina ilipyata iyes ŋuna igiritae lokitaabo ŋolo a Ŋikisila, toruwor ikes itami iyoŋ apaaran ka akuwar, ikotere imukekini akiwuapit ŋuna daadaŋ igiritae lokitaabo ŋol. Alopite a ŋol, erereŋior erot kon, topedo akitiya ŋuna ilosikinit.

Yos. 1:9

Tokona nai, ekeciki ayoŋ iyoŋ; togogoŋ ka totitiny. kiurya nyikikadanak, anerae ayoŋ Ekapolon Akuj kon, ikirukit ayoŋ ka iyoŋ aneni ilosi daadaŋ.”

Yos. 11:15

Arae epite ŋolopei sek ecikitor Ekapolon Moses eketiyan keŋ, abunio Moses kicikia Yosua, tosodi Yosua kitiyak ŋun. Nyeesikina iŋes akitiya idiobore daadaŋ ŋini ecikit Ekapolon Moses.

Yos. 23:6

Aŋun, totitiny iyes anakiwuapit ŋakiro daadaŋ ŋuna igiritae lokitaabo ŋolo a Ŋikisila a Moses, kiwuapa ŋakiro ŋun ikotere nyigetakis, kitiyata ŋuna nyeriyan;