Yos. 1:6 - Ebaibul

⁶ Togogoŋior, nabo totitinyor, anerae iyoŋ isikamari ŋituŋa lu akwap ŋina abu ayoŋ ekoŋ ainakin atapapaa kec.

Yos. 1:6 Iomraidhean Croise

Akisy. 12:7

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.

Akisy. 26:3

Kiboikin nakwap ŋin, ikiruki iwon, ido eketerereŋi ayoŋ iyoŋ, anerae aŋuna kon ka aŋuna a ŋiletok kon, akainakini akwap na daadaŋ, ido esiyookini akikoŋiet kaŋ ŋina abu ekoŋ neni a papa kon Aburaam.

2 Sam. 10:12

Togogoŋior, ido totitinyior eŋarakisi ŋituŋa yok, oiutu ŋitaunio ŋulu ka Akuj yok, elipa Ekapolon kitiya ŋuna ejokak aneni keŋ.”

1 Ŋirw. 2:2

“Aapuu ayoŋ anyoun anakwap ana lopite ŋolo enyoununuyoto ŋituŋa daadaŋ. Togogoŋ, totitiny ka

1 Ŋakiro a ŋirwa 22:13

Ipedori nai akilounun daadaŋ erae kiwuap ejok ŋitalyo ka ŋikisila ŋulu abu Ekapolon inak Moses aŋuna a Ŋisirael. Togogoŋior ka tomukyaniar. Nyikuryaniar, kori nyicamu ikikadanakini.

1 Ŋakiro a ŋirwa 28:10

Totamatama tokona, anerae adau Ekapolon aseun iyoŋ adukokin Akai keŋ ikwapei akibois ŋina asegan.Togogoŋior, ido kitiya etic.”

1 Ŋakiro a ŋirwa 28:20

Tema nabo Daudi neni a Solomon alokoku keŋ, “Togogoŋior ka totitinyor, kitiya etic. Nyikuryaniar, kori nyicamu ikikadakini, anerae irukito iyoŋ ke Ekapolon Akuj kaŋ. Nyikimyekini iŋes iyoŋ, mati jik kirikakin etic daadaŋ ŋolo ka Akai ke Ekapolon.

2 Ŋakiro a ŋirwa 15:7

Nai ani eruwor iyes, totitinyikisi, nyijamakis ŋuna itiyaete iyes, anerae ikiinakinio iyes eropit anakiro a ŋuna itiyaete iyes.”

2 Ŋakiro a ŋirwa 20:11

Kiŋolik tokona epite ŋolo eponitotor ikes akitiya ŋuna aronok neni kosi, kitiyatetei bo isua ŋuna ajokak neni kec, anerae eponito ikes ademar isua akwap na ŋina ibu iyoŋ ikiinak isua toruwor ŋina kosi.

2 Ŋakiro a ŋirwa 20:7

Pa mono ibu iyoŋ Akuj kosi kirita alokiŋaren Ŋisirael ŋituŋa ŋulu eboiyete anakwap a na, ido inak akwap na neni a ŋiletok alokone kon Aburaam toruwor ŋina kec ŋikaru ka ŋikaru a?

Ŋikiru. 27:14

Kidar Ekapolon! Togogoŋ ka kimyek etau kon tomukyaan, kidar Ekapolon!

Dan. 10:19

Tema iŋes neni kaŋ, “Nyikuryaniar, irae iyoŋ ituŋanan ŋini ikimina Akuj nooi, mam ŋace etakanunete neni kon. Togogoŋior ka totitinyor!” Ani irworikini iŋes neni kaŋ, abu ayoŋ ogogoŋior otema, “Kirworik Ekapolon kaŋ, anerae ikitogogoŋ iyoŋ ayoŋ.”

Agai 2:4

nai tokona ebala, ‘Okoe, Serubabel totitinyik iyoŋ, Okoe esacaradoti ŋolo Apolon nooi Yosua, lokoku a Yeosadak, totitinyik, iyes ŋituŋa daadaŋ ŋulu ka akwap, totitinyikisi, ido kitiyata, anerae ikirukit ayoŋ ka iyes;

Sakar 8:9

“Totitinyokiata! Ipupete tokona iyes ŋakiro ŋunapei apotu ŋikadwarak kirworo apaki ŋina esyakinere adukokin nabo Akai ŋina ka Akuj.

Ekim. 26:53

“Ŋituŋa ŋul ikes ekorakinio akwap toruwor ŋina kec, iwuapitae ŋirorwa ŋulu imarunitae.

Ekim. 33:53

Ikamarete iyes akwap ŋin, ido kiboikinos nen, anerae akainak ayoŋ iyes akwap ŋin toruwor ŋina kus.

1 Ŋikor. 16:13

Totenito, kicata ananupit, totitiny ka togogoŋ!

Ŋiep. 6:10

Ŋuna isidiyete, togogoŋioto anakimorina kus ka Ekapolon alotooma acamun iŋes ikitogogoŋ iyes ka agogoŋu keŋ a ŋina apolon.

Ŋikis. 1:21

Kiirasi, adau Ekapolon Akuj kus ainakin iyes akwap; kitipeiyosi kituruwosi akwap ŋin ŋina kus, ikwapei adaunia Ekapolon Akuj atapapaa kus akiikin iyes, nyikuryaketa, kori nyikikadak.”

Ŋikis. 1:8

Kiirasi akainak ayoŋ iyes akwap ŋin, toloto kikamasi akwap ŋin kituruwosi ŋina kus, akwap ŋina abu ayoŋ ekoŋ ainakin atapapaa kus Aburaam, Isaka ka Yakob ka neni a ŋiletok kec ekaku kec.”

Ŋikis. 11:8

Kiwuapa nai ŋakiciketa daadaŋ ŋuna ekecik ayoŋ iyes akiwuap nakoloŋit na, ikotere iryamuniata agogoŋu ŋinalomaret ka ŋinakikamaret akwap ŋina ilosete iyes akiboiyo alokekwaye Yorodan

Ŋikis. 31:23

Tolimok nai Ekapolon Yosua lokoku a Nun ŋakiro nu tema, “Togogoŋ ka totitiny, anerae iyai iyoŋ Ŋisirael nakwap ŋina abu ayoŋ eik ikes, ikiruki ayoŋ ka iyoŋ.”

2 Tim. 2:1

Ani iyoŋ lokoku kaŋ, toruwor ŋolo igogoŋ anajokis a ŋina erae ŋina yok alotooma akimorikina ka Yesu Kristo.

Yos. 1:18

Ituŋanan daadaŋ ŋini eŋeri ŋakiro kon, kori nyiwuapi ŋuna ilimu iyoŋ, earyo, nai togogoŋior iyoŋ ka totitinyor.”

Yos. 1:7

Togogoŋior iyoŋ erae agogoŋior ka totitinyor nooi, kimukekinite akiwuapit Ŋikisila daadaŋ ŋulu abu eketiyan kaŋ Moses ikicikak iyoŋ. Nyijamak tari epei a Ŋikisila a ŋul, ikotere ani neni ilosi daadaŋ, topedo akitiya ŋuna ilosikinit.

Yos. 1:9

Tokona nai, ekeciki ayoŋ iyoŋ; togogoŋ ka totitiny. kiurya nyikikadanak, anerae ayoŋ Ekapolon Akuj kon, ikirukit ayoŋ ka iyoŋ aneni ilosi daadaŋ.”

Yos. 10:25

Tolimok Yosua ikes tema, “Nyikuryaka, kori nyikikadak. Togogoŋioto ka totitinyoto, anerae itiyakini Ekapolon ŋakiro nupei nu neni a ŋimoe kus daadaŋ a ŋulu itijikinete iyes.”

Yos. 13:6

Tari ŋituŋa daadaŋ ŋulu elomito nakwap ŋina a ŋikamukumukui ameun alo Lebanon akitodol Misirepos-Maim ka ŋituŋa a Sidon daadaŋ, ayoŋ elope iŋes abwaŋi ikes alokiŋaren Ŋisirael. Itemokino iyoŋ tokorak Ŋisirael akwap ŋin toruwor ŋina kec ikwaŋina adaunia ayoŋ akicik iyoŋ.

Yos. 18:3

Kiŋit Yosua Ŋisirael tema, “Tari ori irubakinito iyes ijamakinito alosit akikamari akwap ŋina adau Ekapolon ŋolo arae Akuj atapapaa kus ainakin iyes?

Yos. 21:43

Epite ŋol iŋes ainakinia Ekapolon Ŋisirael daadaŋ akwap ŋina abu iŋes kiik anakikoŋiet keŋ ainakin neni atapapaa kec. Apotu Ŋisirael kikamasi akwap ŋin kiboikinos nen.

Yos. 5:6

Arae ŋun aŋuna awosyata Ŋisirael analoŋisat ŋikaru ŋatomoniomwon tari ŋina amunyaror anyamet daadaŋ ŋina a ŋikilyok a ŋulu apedorito ejie a ŋulu sek awotunete alo Ijipit. Apotu ŋikilyok ŋul daadaŋ tomunyaros, anerae apotu toŋero akiwuap ŋakiro ŋuna a Ekapolon Akuj. Aŋun abu Ekapolon Akuj kikoŋ atemar nyiŋolikinete ikes akwap ŋina koloŋ ekoŋit iŋes neni atapapaa kec ainakin iwon. Erae akwap ŋin ŋina eleleata ŋakile ka akimyet ŋina ka ao.

1 Sam. 4:9

Totitinyokiata, iyes Ŋipilistin, ikotere nyikiruwor ŋipi a Ŋiburaniyae lopite ŋolo sek araakatar ikes ŋipi yok. Toruworos ŋikilyok ŋulu ititiny, ido tojioto.”