Yos. 1:4 - Ebaibul

⁴ Ameun analoŋisat alowae a ŋolo alo Kwap, akitodol lomoru Lebanon alowae a ŋolo alo Kuju, tari Kide naŋolol ŋina apolon ŋina enyaritae Eupurate, akwap a Ŋiitaiti daadaŋ, kigyer anam ŋina apolon Mediteranian alowae a ŋolo alo To.

Yos. 1:4 Iomraidhean Croise

1 Ŋirw. 10:29

Agyelununuyo ŋagaari a Ijipit a ŋicekelya a ŋulu a esilipa a ŋamiae a ŋakanikapei, ido agyelununuyo ŋaŋolei a ŋicekelya a ŋulu a esilipa a amiat ka ŋatomonikan. Agyelanarete ŋimucurus a erwosit ŋaŋolei ŋun ka ŋagaari ŋun lorwosi ŋulu a Ŋiitaiti ka ŋulu ka Aram.

1 Ŋirw. 4:21

Arae Solomon apolokinit ŋakwapin ŋun daadaŋ anyoun anaŋolol a ŋina enyaritae Eupurate akitodol nakwap ŋina a Ŋipilistin, kiropo lokukor ŋolo a Ijipit. Atacete ŋakwapin ŋun ocur neni Solomon ka etiyanakinete ŋakwapin ŋun Solomon ŋirwa ŋulu a akiyar keŋ daadaŋ.

1 Ŋakiro a ŋirwa 18:3

Abu daŋ Daudi kitijik erwosit ŋolo anyaritae Adadeser ŋolo a Soba, todoiyo ejie tari Amas, apaki ŋina alosyo Adadeser akikamar ŋakiboisyo ŋuna ayakasi diyete aŋolol ŋina enyaritae Eupurate.

1 Ŋakiro a ŋirwa 5:9

Alowae a ŋolo alo Kide, apotu ikes toloma akisyakin aneni isyakinia aloŋisat ŋina emyaarit tari naŋolol Eupurate. Alomete ikes nen, anerae kepotu ŋibaren kec topitut nooi alo Gilead.

Esir 4:20

Ayakar Yerusalem ŋirwosi ŋulu agogoŋok ŋulu epukato akwap daadaŋ ŋina alokekwaye aŋolol Eupurate, ido alemenakinio ikes ocur ka etacit ŋolo alemununyete ŋituŋa aloboro a ŋulu ayakatar ikes, kori a ŋulu agyelanarete.

Awos. 23:31

Ewuakini ayoŋ ekukoru a akwap kus akisyakin a Nanam a ŋina Areŋan tari Nanam a Ŋipilistin, ido kikobar analoŋisat tari naŋolol Eupurate. Akajalakini ayoŋ iyes ŋituŋa ŋulu iboiyete anakwap a ŋin, ido iritarete iyes ikes toloto alokiŋaren kus.

Ŋikis. 1:7

Togeutu tokona nabo awosit, toloto nakwap ŋina a ŋikamukumukui ŋina a Ŋiamori ka nakiboisyo nu ŋuna idunyasi ka akwap a Ŋiamori. Araba, akwap ŋina a ŋikamukumukui, Sepela, Negeb ka nakwap ŋina alodiyete anam ka nakwap ŋina a Ŋikanaani ka Lebanon todolo tari naŋolol ŋina apolon nooi ŋina enyaritae Eupurate.

Ŋikis. 11:24

Akibois daadaŋ ŋina idolete iyes eruwor ŋina kus, egeuni akwap kus analoŋisat todol tari Lebanon ka ameun anaŋolol Eupurate todol tari nanam ŋina alo To.

Ŋikis. 3:25

Kimyekinae ayoŋ otubor ekekwaye eŋolik akwap ŋina ajokan ŋina alokekwaye Yorodan, akwap ŋina ajokan ŋin ŋina a ŋikamukumukui ka Lebanon.”

Akis. 9:14

Tolimok etoil ŋol emalaika ŋolo a ŋikanikapei ŋolo ayakar arupepe tema, “Tolacak ŋimalaikan ŋuluomwon ŋulu eenitae anaŋolol a ŋina apolon a ŋina enyaritae Eupurate.”