Yos. 1:17 - Ebaibul

¹⁷ Ikiwuapi isua ŋakiro kon lopite ŋolo ikiponia ewuapyata ŋuna a Moses. Ŋuna bon ikigasi isua iŋes atemar bu Ekapolon ŋolo erae Akuj kon toruko ka iyoŋ lopite ŋolo arukitotor ka Moses.

Yos. 1:17 Iomraidhean Croise

2 Sam. 14:17

Ayoŋ tokona aketiyan kon abala, ‘Kisieŋarae ayoŋ anakirot a ŋina ilimuni iyoŋ, ekapolon kaŋ erwosit, ikoni iyoŋ emalaika anatyakatyak ŋakiro ŋuna ajokak ka ŋuna aronok. Elipi toyai Ekapolon Akuj kon kaapei ka iyoŋ.’”

1 Ŋirw. 1:37

Lopite ŋolo pei ayakatar Ekapolon ka ekapolon kaŋ erwosit, elipi toyai iŋes ka Solomon, kitopoloo nooi apukan keŋ kilo ŋina a ekapolon kaŋ a erwosit a Daudi.”

1 Ŋakiro a ŋirwa 28:20

Tema nabo Daudi neni a Solomon alokoku keŋ, “Togogoŋior ka totitinyor, kitiya etic. Nyikuryaniar, kori nyicamu ikikadakini, anerae irukito iyoŋ ke Ekapolon Akuj kaŋ. Nyikimyekini iŋes iyoŋ, mati jik kirikakin etic daadaŋ ŋolo ka Akai ke Ekapolon.

Ŋikiru. 20:1

Elipi atemar itoboŋok iyoŋ Ekapolon ŋakiro kon apaki ŋina iyakar locan; elipi ikiyok iyoŋ Akuj a Yakob.

Ŋikiru. 20:4

Elipi atemar ikiinak iŋes iyoŋ ŋuna ecamit etau kon, kisiyook ŋuna daadaŋ iye iyoŋ akitiya.

Ŋikiru. 20:9

Okoe Ekapolon, inak erwosit akiloun, toboŋokinoe isua ikinyarao iyoŋ.

Ekim. 27:18

Aŋun tolimok Ekapolon Moses tema, “Tonyarau Yosua lokoku a Nun, ekile ŋolo eyai etau ŋolo ka Akuj, tosodi kidokok ŋakan kon nakou keŋ,

Ekim. 27:20

Inak iŋes apolou kon ace, ikotere atukot a Ŋisirael daadaŋ iwuapi ŋuna elimuni iŋes.

Mat. 21:9

Tocalut ŋasepico a ŋituŋa ŋuna ayakasi kiŋaren Yesu ka ŋulu ewuapito iŋes ebasi, “Osanna Lokoku a Daudi! Erereŋ ŋolo ebunit alokiro ke Ekapolon! Osanna toyai kidiama nooi!”

Ŋikis. 34:9

Kilelebun etau ŋolo ka aosou neni a Yosua a lokoku a Nun, anerae abu Moses kidokok ŋakan keŋ neni keŋ ka apotu Ŋisirael kiwuapa ŋakiro keŋ itiyaete lopite ŋolo ecikitor Ekapolon Moses.

Yos. 1:16

Toboŋokis ikes Yosua temasi, “Ikitiyae isua ŋuna ilimu iyoŋ daadaŋ, nabo ikilosi neni daadaŋ ikiyaki iyoŋ isua.

Yos. 1:18

Ituŋanan daadaŋ ŋini eŋeri ŋakiro kon, kori nyiwuapi ŋuna ilimu iyoŋ, earyo, nai togogoŋior iyoŋ ka totitinyor.”

Yos. 1:5

Emam ituŋanan ŋini epedori akiloun iyoŋ eriŋa iyari. Ikiruki ayoŋ ka iyoŋ lopite ŋolopei sek ikirukitor ka Moses. Nyatyakar jik ayoŋ aneni kon, kori nyakaŋeri jik ayoŋ iyoŋ.

Yos. 1:9

Tokona nai, ekeciki ayoŋ iyoŋ; togogoŋ ka totitiny. kiurya nyikikadanak, anerae ayoŋ Ekapolon Akuj kon, ikirukit ayoŋ ka iyoŋ aneni ilosi daadaŋ.”

Yos. 4:14

Akoloŋit ŋin, abu Ekapolon Akuj kituruwo Yosua ekarwon alokiŋaren Ŋisirael daadaŋ, tokera ikes iŋes ŋirwa daadaŋ ŋulu ayarya Yosua, tokera lopite ŋolopei sek kekeritotor Moses.

1 Sam. 17:37

Tema Daudi, “Akaiuni ayoŋ Ekapolon anakan a Epilistait a ŋol lopite ŋolo abunio okoiunia ayoŋ alomoyo a eŋatuny ka alomoyo a etyaŋ ece a ŋolo adedeŋan.” Aŋun, tema Saul neni a Daudi, “Ape, toyai Ekapolon kaapei ka iyoŋ.”

1 Sam. 20:13

Nai ani kecamit papa kaŋ akitiya aronis neni kon, itemokino Ekapolon kitiya aronis neni a Yonasan daŋ; nooi adepar erae pa kakalimok ayoŋ iyoŋ ŋakiro a papa kaŋ, eketisi iyoŋ tolot emam ŋace. Elipa toyai Ekapolon kaapei ka iyoŋ, lopite ŋolo ayakar kaapei ka papa kaŋ.