Yos. 1:16 - Ebaibul

¹⁶ Toboŋokis ikes Yosua temasi, “Ikitiyae isua ŋuna ilimu iyoŋ daadaŋ, nabo ikilosi neni daadaŋ ikiyaki iyoŋ isua.

Yos. 1:16 Iomraidhean Croise

Esir 10:4

Kitiyata ŋun, anerae erae etic kus, ikiriit isua ka iyes, togogoŋioto, kitiyata ŋun.”

Ekim. 32:25

Tolimokis nai ŋituŋa a ekabila a Ruben ka ŋulu a Gad Moses temasi, “Isua ŋiketiyak kon, ikitiyae lopite ŋolo ilimunio iyoŋ ekapolon kosi.

Ekim. 32:31

Toboŋokis ŋituŋa a ekabila a Ruben ka ŋulu a Gad temasi, “Ikwapei adaunia Ekapolon akirwor neni kon, ikitiyae isua ŋiketiyak kon ŋuna alimu iŋes.

Ŋikis. 34:9

Kilelebun etau ŋolo ka aosou neni a Yosua a lokoku a Nun, anerae abu Moses kidokok ŋakan keŋ neni keŋ ka apotu Ŋisirael kiwuapa ŋakiro keŋ itiyaete lopite ŋolo ecikitor Ekapolon Moses.

Ŋikis. 5:27

Tolot diyete Ekapolon, iyoŋ elope kiira daadaŋ ŋuna elimuni Ekapolon Akuj kosi; tosodi ikilimok iyoŋ isua ŋuna daadaŋ, ikilimokini Ekapolon Akuj yok iyoŋ, ido iiraryo isua ka itiyao ŋuna elimuni iŋes.”

Tito 3:1

Tolimok ŋituŋa kon atemar itemokino ikes ekerito ŋikepukak ka ŋikapolok, toruworos ŋulu epupete ŋakiro, ŋulu imuit akitiya ŋuna ajokak alopitesyo a daadaŋ.

Yos. 1:15

akitodol ŋina isieŋunia Ekapolon ŋituŋa kus kaapei ka iyes, kitolom ikes daŋ nakwap ŋina einakinit Akuj Ekapolon kus ikes. Ani isiboikini Akuj ŋatekerin a Isirael daadaŋ, toboŋut nai iyes kiboikinos nalup kus ŋuna abu Moses eketiyan ŋolo ke Ekapolon itotyakak iyes alo Kide aŋolol Yorodan.”

Yos. 1:17

Ikiwuapi isua ŋakiro kon lopite ŋolo ikiponia ewuapyata ŋuna a Moses. Ŋuna bon ikigasi isua iŋes atemar bu Ekapolon ŋolo erae Akuj kon toruko ka iyoŋ lopite ŋolo arukitotor ka Moses.