Yona 3:5 - Ebaibul

⁵ Tonupa ŋituŋa a Ninepe Akuj, ido totubut atemar emaikina kiredakis daadaŋ akiron ka tonapa ŋiguniyae, anyoun aneni a ŋulu itopolooritae ka ŋulu nyitopolooritae.

Yona 3:5 Iomraidhean Croise

2 Ŋirw. 19:1

Ani iirari Esekia ŋakiro ŋun, tocilicili ŋilowi keŋ tonap ŋiguniyae, tolot Kai ke Ekapolon.

2 Ŋakiro a ŋirwa 20:3

Tobul Yeosapat, toseu alotau keŋ akiŋit Ekapolon ŋakiro; tolimu atemar torono ŋituŋa a Yudaya daadaŋ.

Esir 8:21

Abu nai ayoŋ olimu atemar kiredakinae akiron anaŋolol Aapa, emika ŋawat kosi alokiŋaren Akuj kosi ibore ŋini ecamito ka eŋita iŋes ikiyok isua analosit kosi kaapei ka ŋidwe kosi ka a ŋuna a ŋiboro a daadaŋ ŋulu ikiyakar isua,

Esta 4:1

Ani eyenuni Moridekai ŋuna keponi totubunoe daadaŋ, tocilicili ŋilowi keŋ, tonap ŋiguniyae, kipunupunakin ekuron, ido tolot kidiŋ etaun iwololoe nooi, enomorito ŋakiro.

Awos. 33:6

Aŋun, apotu Ŋisirael tolacasi ŋinapito ŋulu asiritotor, ameun anapaki a ŋina ayakatar ikes lomoru ŋolo enyaritae Oreb, kori Sinai.

Yer. 31:34

Nyerubakinete nabo ikes itatamasi make, kori elimonokinete ŋuluce ebe, ‘Toyenete Ekapolon,’ anerae akayenunete ikes daadaŋ ayoŋ, ameun alotuŋa a ŋulucaryo tari ŋulu itopolooritae, anerae esyoni ayoŋ ŋasecisya kec, nyatamu nabo ŋasecisya kec jik.”

Yer. 36:9

Alokaru a ŋolo a ŋikan elap ŋolo a ŋikanikaomwon ipukat erwosit Yeoiakim lokoku a Yosia ŋolo a Yudaya, apotu ŋituŋa ŋulu eboiyete alo Yerusalem ka ŋituŋa daadaŋ ŋulu aponito Yerusalem alotaunio a Yudaya kiseraut akiredakin akiron alokiŋaren Ekapolon.

Yer. 42:1

Apotu nai ŋikarikok daadaŋ ŋulu a ŋajorei ka Yoanan lokoku a Karea, Asaria lokoku a Osaia ka ŋituŋa daadaŋ ameun a ŋulucaryo tari ŋulu etopolooritae toloto

Yer. 42:8

Tonyarau nai Yeremia Yoanan lokoku a Karea ka ŋikarikok a ŋajoresyo daadaŋ ŋulu arukito ka iŋes ka ŋituŋa daadaŋ ameun a ŋulucaryo tari ŋulu itopolooritae,

Dan. 9:3

Abu nai ayoŋ ewar Ekapolon Akuj ewarit aboŋokinet, abu etiya ŋun, anakilip, anadyekitoi, anakiredakin akiron, ananapit ŋiguniyae ka akipurupura ekuron.

Yoel 1:14

Tolimutu akoloŋit ŋina asegan, ŋina iredakiniata akiron; Tonyarautu atukot ŋina italeuno. Tonyarautu ŋikasikou ka ŋituŋa daadaŋ ŋulu iboiyete anakwap kus ipotu Kai ke Ekapolon Akuj kus, kikaloikisi Ekapolon.

Yona 3:7

Kiyakiya akirot lotuŋa a Ninepe ebe, “Anatubunet ke erwosit ka ŋulu ipukatotor iŋes, nyecamakinitae ituŋanan, etyaŋ, ŋaatuk kori ŋakinei iirete idio ibore; nyecamakinitae kimuja, todaka, kori tomata.

Mat. 12:41

Akoloŋit ŋina ka atubokino, enyounete ŋituŋa ŋulu a Ninepe atubokin iyes, anerae apotu ikes tokiwa ŋakecesecisya iirarete ŋakiro a Yona; nai eyai ne ŋolo epol akilo Yona.

Luk. 11:32

Akoloŋit ŋina ka atubokino, enyounete ŋituŋa ŋulu a Ninepe akitub ŋakiro ŋuna ka anyamet a na; anerae apotu ikes tokiwa ŋasecisya iirarete alimonokin ŋina a Yona; nai akalimokini ayoŋ iyes atemar, eyai nege ŋini epol akilo tari Yona!

Ŋitic. 27:25

Aŋun, ŋikilyok, toena ŋitai! Anerae anupit ayoŋ ŋakiro ŋuna ka Akuj atemar ikokinete nenipei akalimokinitere ayoŋ.

Ŋitic. 8:10

Topupo ŋituŋa daadaŋ iŋes ameun alocaryo tari narwonita ebasi, “Erae ekile lo apedor ŋina ka Akuj ŋina enyaritae ‘Apedor ŋina Apolon.’ ”

Ŋibur. 11:1

Anupit iŋes ayenut kire atemar erae ŋakiro ŋuna ikigeno iwon ŋuna a kire, anupit iŋes amamukau ka aŋayaŋayat aloboro a ŋulu nyikite iwon.

Ŋibur. 11:7

Anupit iŋes eirarya Noa ŋakiro ŋuna ecikya Akuj iŋes aŋuna a ŋakiro a ŋuna eriŋa nyetakanuna. Abu iŋes kiira ŋakiro ŋuna ka Akuj, toduk ataker ŋina abunio iŋes ka ekeekal toiunotor. Aŋakiro a ŋun, aponi totubokinae akwap daadaŋ, nai abu Noa toryamu aneni ka Akuj akiyookino, anerae anupit iŋes.

Akis. 11:3

Eyakuuni ayoŋ ŋikadwarak kaŋ ŋuluarei enapito ŋiguniyae, elimonokinete ikes ŋakiro ŋuna ka Akuj alorwa a ŋulu ka apeiliput a ŋamiae ŋaarei ka ŋatomonikanikapei.”