Yona 2:2 - Ebaibul

² Tema, “Abu ayoŋ alocan kaŋ ekaloik Ekapolon, ido abu iŋes toboŋok akigworo kaŋ; alotooma akibois a ŋikatwak, abu ayoŋ ekalou acamit ekeŋarakin, ibu iyoŋ kiira etoil kaŋ.

Yona 2:2 Iomraidhean Croise

2 Ŋakiro a ŋirwa 33:12

Ani eyakaun Manase locan ŋul, abu kiwar ajokis ŋina a Ekapolon Akuj keŋ, kitiditeun bon nooi aneni ka Akuj atapapaa keŋ.

Ŋikiru. 116:3

Apotu ŋirotin ŋulu ka atwanare okorapuwasi ayoŋ, abu ekabule ŋolo ka alomar nakibois a ŋikatwak min neni kaŋ; apotu ŋican ka akiyaloloŋ eketapapanut ayoŋ.

Ŋikiru. 120:1

Alotooma ŋican kaŋ, abu ekaloik Ekapolon, ikotere iŋes akaboŋokini ayoŋ. Abu otema,

Ŋikiru. 16:10

anerae nyikimyekini iyoŋ ayoŋ anakibois a ŋikatwak, kori nyicamakini iyoŋ eketiyan kon ŋolo seuna ebosi.

Ŋikiru. 22:24

Nyimyekina iŋes ŋituŋa ŋulu isicanitae, kori nyeŋero iŋes amitakin ŋican kec; nyewouna iŋes akiŋarakin ŋini daadaŋ esicanitae. nai abu kiira akigoro kec aŋuna ka akiŋarakino.

Ŋikiru. 34:6

Abu ayoŋ alocan kaŋ ekaloik Ekapolon, ido abu Ekapolon kiira akigworo kaŋ, abu okoiu ayoŋ alocan kaŋ a daadaŋ.

Ŋikiru. 4:1

Okoe Akuj akaiunan kaŋ, toboŋokinoe ayoŋ akanyarae iyoŋ. Ibu iyoŋ ikiŋarak ayoŋ apaki ŋina ayakar locan, torimaanikinae ayoŋ tokona, kiira akilip kaŋ.

Ŋikiru. 61:2

Akanyarit ayoŋ iyoŋ alwana alore, akanyarit aŋuna apapanunia ayoŋ nooi; yaarae ayoŋ neni ayakaun aiuna,

Ŋikiru. 65:2

Okoe Akuj iyoŋ iboŋonokini akilip kosi, neni kon iŋes epote ŋituŋa daadaŋ akipuro iyoŋ.

Ŋikiru. 86:13

anerae epol nooi aŋuna kaŋ amina kon ŋina nyiryaŋiryaŋa; idau iyoŋ alakun ayoŋ anakibois a ŋikatwak.

Isa. 14:9

Elakara akibois a ŋikatwak alokwap akijaar ikes ŋini elosi nen, etonyou akibois ŋin ŋitai a ŋikatwak akimal ŋulu elosete nen, akimal ikes daadaŋ ŋulu arae ŋikepukak anakwap; etonyou akibois ŋin alokicoloŋo kec daadaŋ ŋulu arae ŋirwosi a ŋakwapin.”

Aum. 3:55

“Okoe Ekapolon, abu ayoŋ ekalou neni kon apaki ŋina asiporitor kwap akipany;

Esek. 26:20

apaki ŋin nai ekewuakinia ayoŋ iyoŋ nakibois a ŋikatwak, kimorikinos ka ŋituŋa ŋulu koloŋ sek kiboiyete anakwap. Ekemyekini ayoŋ iyoŋ kiboi anakibois a ŋin a ŋina erubakini emunaara ŋikaru ka ŋikaru, irubakini iyoŋ Tiro iyai nen ka ŋulu adaut atwakare, ikotere todaun ituŋanan iboikin tooma kon, kori nyimin nabo jik neni eyakasi ŋituŋa ŋulu eyarete.

Esek. 31:14

“‘Ameun nai tokona tari momit, mam ŋikito ŋulu elomunete aneni eya ŋakipi ŋulu eoyaketa, kori edoli aoyau kec lodouwon, mam ŋikito ŋulu emasete ŋakipi a ŋinapaki ŋulu eoyaketa ikwa ŋol. Emaikina tokona ŋikito daadaŋ toyakaun apaki ŋina etwakyata ikwa etwakyata ŋituŋa, emaikina tolomasi kwap toloto nakibois a ŋikatwak.’

Mat. 12:40

Ikwaŋinapei eriyator Yona anakook ke ekolya a ŋolo apolon ŋapaarasya ŋauni ka ŋakuwarisya ŋauni, Lokoku a Ituŋanan daŋ iriyae ŋapaarasya ka ŋakuwarisya ŋauni alotooma ŋalup.

Luk. 11:10

Anerae ŋinituŋanan iŋita, einakinio; ŋini iwarit, eryamuni; ka ŋini ikoŋikoŋi, eŋaaryo.

Luk. 22:44

Kilip iŋes imukekinit toryeba nooi alotau, kikokis ŋakinyinyir keŋ edoete kwap ŋaokot.]

Ŋitic. 2:27

anerae nyikimyekini iyoŋ ayoŋ anakibois a ŋikatwak, kori nyicamakini iyoŋ eketiyan kon ŋoloseuna ebosi.

Ŋibur. 5:7

Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.

1 Sam. 1:16

Nyikite ayoŋ aketiyan kon esibit arae aberu ŋinakoŋinait, elipi ayoŋ ŋinapeita a ne erworo ŋuna ka akiyaloloŋ kaŋ, eyaloloŋi ayai locan ŋulu apolok.”

1 Sam. 30:6

Toyakaun Daudi locan ŋulu apolok nooi, anerae apotu ŋikajiok ŋulu arukito ka iŋes tolimut atemar ikicaki iŋes a ŋamoru. Arae ŋun aŋuna aŋoitotor ŋituŋa ŋul nooi aŋuna a ŋidwe kec a ŋulusapa ka ŋulupesur. Nai abu Akuj Ekapolon a Daudi inak iŋes atitinyu.