Yona 1:9 - Ebaibul

⁹ Toboŋok Yona tema, “Arae ayoŋ Eburaniyat, etopoloorit ayoŋ Ekapolon Akuj ŋina eyai nakuj, ŋina abu tosub anam ka akwap.”

Yona 1:9 Iomraidhean Croise

Akisy. 1:10

Tolimok Akuj neni aonon alokwap “Akwap” ka tolimok neni ecunanakina ŋakipi “Ŋanamyo”, toanyu Akuj atemar ajokak ŋun.

Akisy. 14:13

Bu etuŋanan epei ŋolo kebucun alojie a ŋol, tolimok Aburam ŋolo arae Eburaniyat ŋakiro a ejie. Alomit Aburam diyete ŋikuyono ŋulu a Mamure a ŋolo arae Emorait, torae daŋ lokaato a Esikol ka Aner; ariito ŋuluarei ŋul ka Aburam.

Akisy. 24:7

Akuj ŋina erae nakuj ŋina keŋ, iŋes abu okoyau ayoŋ alokal a papa kaŋ ka anakibois a ŋina ekedounere ayoŋ; abu daŋ kirwor ka kikoŋ neni kaŋ tema, ‘Ainakini ayoŋ akwap na neni a ŋiletok kon.’ Iyakiyari Akuj emalaika keŋ ama eriŋa iyoŋ nyedolo ama, ido ani ilosi iyoŋ, iyau aberu aŋuna alokoku kaŋ aina.

Akisy. 39:14

tonyarau ŋituŋa ŋulu a ekal keŋ tema neni kec, “Kiirasi, ayau lokile kaŋ Eyudayat neni yok akitoŋo iwon. Abu iŋes tolomu tooma akiryamakin ka ayoŋ, ido abu ayoŋ eworou nooi;

2 Ŋirw. 17:25

Apaki ŋina alomiata ikes nen, apotu nyemitakis akilipenen neni ke Ekapolon, ido abu Ekapolon kiyakik ikes ŋiŋatunyo ŋulu apotu toara ŋituŋa ŋul ŋice.

2 Ŋirw. 17:28

Bu nai esacaradoti epei ŋolo sek arikoritae, toboŋu kiboikin lotaun Besel, kitatam ŋituŋa akilipenen neni ke Ekapolon.

Esir 1:2

“Ebala erwosit Kirus ŋolo a Perisia ebe: ‘Adau Ekapolon Akuj ŋina anakuj ainakin ayoŋ akipuka ŋakwapin daadaŋ anakwap, ido akaseu ayoŋ adukokin aŋuna keŋ Akai Yerusalem nakwap a Yudaya.

Esir 5:11

Apotu ikes toboŋokis temasi, ‘Ikirae isua ŋiketiyak ŋulu ka Akuj a ŋina anakuj ka anakwap, ido edukio nabo isua Akai ŋina koloŋ adukio ŋikaru ŋulu alalak ŋulu alunyar, Akai ŋina abu erwosit a Isirael ŋolo arwon toduk kirikak.

Neem. 1:4

Ani eirari ayoŋ ŋakiro ŋun, abu eboikin, egwor, eyaloloŋ ŋirwa ŋulu alalak eredakinit akiron ka elipi alokiŋaren Akuj ŋina anakuj.

Neem. 2:4

Abu nai erwosit ekeŋit ayoŋ tema, “Nyo tokona iŋita iyoŋ?” Aŋun, abu ayoŋ elip neni ka Akuj a ŋina anakuj.

Neem. 9:6

Tolimu nai Esira tema, “Iyoŋ bon irae Ekapolon, iyoŋ isubuni kidiama, iyoŋ isubuni nakuj ka ŋasuban daadaŋ ŋulu eya kidiama, iyoŋ isubuni akwap ka ŋiboro daadaŋ ŋulu eyakasi nakwap, ŋanamyo ka ŋisubuna daadaŋ ŋulu eya tooma kec. Iyoŋ iinakini akiyar neni kec a daadaŋ, ido ilipete neni kon ŋisubuna ŋulu eya kidiama.

Yob 1:9

Toboŋok nai Satan Ekapolon tema, “Nyekerit Yob Akuj ikoŋin.

Ŋikiru. 136:26

Tolakaros neni ka Akuj a ŋina anakuj, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Awos. 1:15

Tema erwosit a Ijipit neni Sipira ka Pua Ŋaburaniyae ŋuna esidoete ŋaberu,

Awos. 2:13

Ani elosi iŋes kiŋa akoloŋit ŋina atupakini ŋin, kiŋolik Ŋiburaniyae ŋiarei ejiete, kiŋit Moses ŋolo adyakarit tema, “Irae iyoŋ Eburaniyat, kaanukiro idicya iyoŋ ituŋanan kon pei?”

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Ŋitic. 14:15

“A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.

Ŋitic. 27:23

Anerae bien nakwaare, abu emalaika ŋolo ka Akuj a ŋina arae ayoŋ ŋolo keŋ ka ŋina elipi ayoŋ, bu neni kaŋ,

Ŋipil. 3:5

Aponi ekeleŋeri ayoŋ akoloŋit ŋina a ŋakanikauni kelunyar akidouno kaŋ. Arae ayoŋ Esiraelit ŋolo anateker a Benjamin, ŋolo arae Eburaniyat kire. Alotooma akiwuapit Ŋikisila ŋulu a Ŋiyudayan, arae ayoŋ Eparisayot

Akis. 11:13

Anapaki a ŋinapei a ŋin, toyakaun amaran ŋina ka akwap ŋina aronon; abu atutubet apei alotooma ŋunatomon ŋuna ke etaun a ŋolo apolon toritakin, totwaka ŋituŋa ŋalipyo ŋakanikaarei. Tobul ŋituŋa ŋuluce, kipuro apedor ŋina ka Akuj a ŋina anakuj.

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”

Akis. 16:11

Kiceno ikes ekiro ŋolo ka Akuj a ŋina eyai nakuj aŋuna ka aryeba ka ŋajemei kec. Nai apotu nyekiwa ŋipitesyo kec ŋulu aronok.