Yona 1:5 - Ebaibul

⁵ Tobul ŋikametok ameeli, kiworou ŋolokile neni ka akuj keŋ. Kimasasi ikes ŋiboro anameeli nanam ikotere towowoku ameeli. Nai keberakin sek Yona alomar neni esibit akai anameeli neni ajotoo iŋes nooi.

Yona 1:5 Iomraidhean Croise

1 Ŋirw. 18:26

Aŋun, apotu ikes kipakasi emoŋ ŋolo ainio ikes, ido kitemokis. Tonyarata ikes ekiro a Baal ŋinapei taparacu akitodol kidiŋ apaaran. Tocela ikes ebasi, “Okoe Baal toboŋokinoe isua!” Nai mam etoil aponi kirarae, mam ŋini abu toboŋok ikes. Nai apotu torubakis idoŋaete irimete namuroet ŋina adukito ikes.

Yob 2:4

Toboŋok nai Satan Ekapolon tema, “Mati kibula ituŋanan ŋaokot! Epedorete ŋituŋa akijal ibore daadaŋ ŋini eyakatar aŋuna ka aiunia akiyar kec.

Ŋikiru. 107:25

anerae abu Ekapolon kirworik, ido abu ekuwuam ŋolo apolon tokut, kisyakis ŋikaguragurae a ŋakipi ŋulu apolok atakanun.

Ŋikiru. 148:8

Kipuro Ekapolon iyes akimilya ka ŋakako, ekwok ŋolo ka akiru ka ŋidouwon, ta ekuwuam ŋolo agogoŋon ŋolo iwuapit ŋuna alimu Ekapolon.

Ekal. 3:6

eyai apaki ŋina iwarunere ka eyai apaki ŋina ecakarere; eyai apaki ŋina iyokiyere ejok ka eyai apaki ŋina imasarere nariet;

Isa. 45:20

Tocunakinos, ido potu kaapei, tocunakinos, ido potu iyes ŋituŋa kaŋ ŋulu irae ŋipiya anakwapin. Emamukatar ŋituŋa ŋulu iwokito ŋakujo aosou, ŋituŋa ŋulu iwokito ŋakujo ŋuna erae ŋakito, ido erubakinito ikes ilipete neni a akuj a ŋina nyepedori aiun.

Yer. 2:28

Nai ai eyakasi ŋakujo kus ŋuna ipotu iyes kitiyaut aŋuna kus? Kimyekisi ikes potu kepedorete ikes aiun iyes apaki ŋina iyakatar iyes locan, anerae iyakatar iyes ŋakujo ŋuna alalak ŋuna etya ŋitaunio ŋulu iyakatar iyes, okoe ŋituŋa a Yudaya.

Osea 7:14

Nyekegworokinete ikes ayoŋ a ŋitai kec, nai iwololoete alokitaadae kec, ecunakin ikes iitanito ŋikinyom ka epiini, akaŋero ikes ayoŋ.

Yona 1:14

Kiworout ikes neni ke Ekapolon temasi, “Ikilipit iyoŋ okoe Ekapolon, ikilipit iyoŋ nyikimyek isua ikitwaki aŋuna ka akiyar a ekile alo; nabo nyikimarak isua natwanare a ekile a lo a ŋolo nyesecit aneni kosi. Anerae acamit kon etiyakinotor nu.”

Yona 1:16

Kitopoloosi ŋikilyok ŋul Ekapolon akilo, inakis iŋes amuronot, ido kikoŋo daŋ neni keŋ.

Yona 1:6

Bu ekapolon ameeli neni a Yona kiŋit iŋes tema, “Nyo ijotoo iyoŋ kona? Tonyou, tonyara akuj kon! Ŋarukwa ikiŋarakini iŋes iwon, nyikitwaka.”

Mat. 25:5

Todidi ekeitan, tosodi togeut ŋapesur akilura tojotooros.

Mat. 26:43

Ani eboŋuni iŋes nabo, toryamu ikes eriŋa ejotoete, anerae abu tokuruwo ikes akikieny.

Mat. 26:45

Toboŋu neni a ŋikasyomak keŋ tolimok ikes tema, “Eriŋa iyes ijotoete ka ieŋunito a? Kiŋolikisi, adol esaa ŋolo ipotokinere Lokoku a Ituŋanan nakan a ŋikasecak.

Ŋitic. 27:38

Ani kimwoko ikes, kimasasi ŋaganoi kiŋa, ikotere tookiar ameeli.

Ŋikat. 16:19

Kimyek Delila Samuson tojotoor anakejen keŋ, tosodi tonyarau ekile epei, kitobanya ŋaeneta a ŋitim a Samuson ŋunakanikaarei. Togeu Samuson apalagag, todaun agogoŋu aneni keŋ.

1 Sam. 24:3

Todolu Saul neni ayakasi ŋanokin a ŋamesekin ŋuna ayakasi epeiwae erot; tori Saul naturukan ŋina ayai nen akiŋarakin. Apaki ŋin, eboiyete Daudi ka ŋikajiok ŋulu arukitotor iŋes anaturukan a ŋin alotooma jik aneni alwanan.