Yona 1:3 - Ebaibul

³ Nai abu Yona tonyou tolot Tarisis erae ŋolo eŋerit ŋuna abala Ekapolon. Aŋun, abu totiyaiyar Yopa, toryamu ameeli ŋina alosi Tarisis, totac ŋisiliŋa ŋuludoket, toloma tooma keŋ, ikotere erukorete Tarisis ka ŋituŋa ŋulu alosete inaa, anerae aŋerit iŋes akiwuap acamit ke Ekapolon.

Yona 1:3 Iomraidhean Croise

Akisy. 3:8

Akoloŋit ŋin eboŋ ipilipiliuni ekuwuam ŋolo alilimon, kiirasi ikes Ekapolon Akuj elosi alomanikor, toŋopa ekile ka aberu keŋ aneni ke Ekapolon Akuj, toduka alokidiŋ ŋikito ŋulu a emanikor.

Akisy. 4:16

Torotok Kain alokiŋaren Ekapolon, tolot akiboi Nod, nakwap ŋina ayai Kide Eden.

1 Ŋirw. 19:3

Kitubulo ŋun Eliya, ido tosi aiun akiyar keŋ. Ani edoli iŋes Beeriseba, nakwap ŋina a Yudaya, kimyek eketiyan keŋ a nen.

1 Ŋirw. 19:9

Alomoru a ŋol, abu iŋes tolot naturukan, toper nen nakwaare. Kiŋit nai Ekapolon iŋes a nen tema, “Nyo itiyae iyoŋ a ne Eliya?”

2 Ŋakiro a ŋirwa 2:15

Aŋun ekapolon kaŋ, kiyakikinae isua ŋulu ikirae ŋiketiyak kon ŋamuja nu ŋuna idau iyoŋ akiikin isua, ŋaganoi, ŋikinyom ŋulu ikote erau, epiini ka akimyet.

2 Ŋakiro a ŋirwa 2:16

Etubunio isua ŋakito daadaŋ ŋuna icamit iyoŋ alo Lebanon, yaunae neni kon eeniyanara. Iwokunete ŋakipi a anam ŋakito ŋun tari Yopa, ido ya iyoŋ ikes a nen tari Yerusalem.”

2 Ŋakiro a ŋirwa 9:21

Ayakar erwosit ŋameeli ŋuna aloseneneete Tarisis kaapei ka ŋuna a Iram. Alotooma ŋikaru ŋiuni, ayaununeete apei yaunet ŋameeli ŋun alo Tarisis egolid, esilipa, ŋikyal a ŋitome, ŋicomin ka ŋikyeny ŋulu ebusak.

Esir 3:7

Aŋun, apotu ikes inakis ŋisiliŋa neni a ŋikadukok ka neni a ŋikecak ŋabaoi, inanakis ŋamuja, ŋimaten ka ŋamyeta neni a ŋisidonianika Ŋitironi, ikotere eyaunete ŋakito ŋuna a Cedar alo Lebanon nanam tari Yopa, lopite ŋolo alimokinitor ikes erwosit Kirus ŋolo a Perisia.

Yob 1:12

Tolimok Ekapolon Satan tema, “Iyookino, ŋiboro daadaŋ ŋulu eyakar iŋes eyakasi napedor kon, nai ipei bore bon, nyitiya aronis adio nakuwan keŋ.” Abu nai Satan torotok alokiŋaren Ekapolon.

Yob 2:7

Abu nai Satan torotok alokiŋaren Ekapolon, kitiya ŋuna ka asiilyo neni a Yob kitolomu ŋajemei anakuwan a daadaŋ, ŋinapei anenidapal a ŋakejen tari kidiama akou.

Ŋikiru. 107:23

Apotu ŋituŋa ŋul ŋice toloto nanam edokito ŋameeli; apotu ikes toruworos ŋimucurus ananamyo.

Isa. 2:16

inyasuni Ekapolon ŋameeli daadaŋ ŋuna a Tarisis ka ŋiboro ŋulu ebusak daadaŋ ŋulu itiyaunitae.

Isa. 23:1

Ŋakiro ŋuna adwarit Ekapolon aŋuna a ŋituŋa a Tiro ikes nu: Kiwololoto iyes ŋituŋa ŋulu imeto ŋameeli ŋuna a Tarisis, anerae enyasun akibois kus, edoŋ emam akai ka emam neni elomarere nakwap. aponi tolimokinae ikes ŋun eboŋunete alo Kupuro.

Isa. 23:10

Toboŋosi nakwap kus, okoe iyes ŋameeli a Tarisis, nyeriŋa nabo nege erae edoket a anam.

Isa. 23:6

Todoka anam toloto Tarisis; okoe iyes ŋituŋa ŋulu iboiyete alodiyete anam, kiwololoto.

Isa. 60:9

Kire jik, ekewarete ayoŋ ŋituŋa ŋulu iboiyete alodiyete anam; iŋarenunete ŋameeli ŋuna a Tarisis, eyaunete ikes ŋidwe kus ŋulusapa aneni alwanan, eyaunete ikes esilipa ka egolid kec aŋuna ka akitopoloor ekiro a Ekapolon, Akuj kus ŋina asegan ŋina a Isirael, anerae ikitopoloo iŋes iyes.

Yer. 10:9

Erae ŋakujo ŋun esilipa ŋolo ityekunitae alo Tarisis, erae egolid ŋolo alo Upas. Erae ŋikaramak ŋitorubei eramunito, erae ikes etic a ŋulu ityekete ŋiboro a egolid; erae ŋilowi kec ŋulupusiyek ka ŋulu kipura-areŋak ŋituŋa ŋulu eyenete akitiya ŋiboro ikes etiyaunete ŋilowi ŋul.

Esek. 2:8

“Nai iyoŋ lokoku a ituŋanan, kiira ŋakiro ŋuna erworo ayoŋ neni kon, nyiŋer ŋakiro kaŋ ikwa ekal ŋolo a ŋeron ŋol. Toŋaam kimuj ibore ŋini akainakini ayoŋ iyoŋ.”

Esek. 27:12

“Apotu ŋituŋa a Tarisis kicurutata kaapei ka ŋituŋa kon, anerae ibarit iyoŋ ŋiboro nooi; apotu ikes yaasi ŋiboro kon ikiinakis iyoŋ esilipa, ŋasuwa, ŋasuwa ŋuna enyaritae tin ka ŋasuwa ŋuna apotyok.

Esek. 3:14

Abu nai Etau ŋolo ka Akuj ekekyaa ayoŋ kidiama okoya a nen, abu ayoŋ onyunyur ka abu etau kaŋ toŋo aŋuna eketiŋakinitor Ekapolon ayoŋ ŋuna acamit iŋes.

Yona 1:10

Kitubulo ŋun ŋikilyok nooi kiŋita Yona temasi, “Anukiro nu ŋuna itiya iyoŋ?” Eŋisete ikes ŋun kedaut ayenun atemar eemit Yona aneni ke Ekapolon. Anerae aris sek iŋes kelimoki ikes ŋun.

Yona 4:2

Kilip Yona neni ka Akuj tema, “Okoe Ekapolon, meere mono ŋakiro nu alimunit ayoŋ eriŋa ayai nakwap kaŋ a? Meere mono ikes apotu eketodokis ayoŋ Tarisis ekiŋaren a? Anerae ayeni ayoŋ atemar irae iyoŋ Akuj ŋina ka ajokis, ŋina esyonon, ŋina nyiŋoi atipei, ŋina epol arimao ka ŋina epatana akimyekin akisican.

Luk. 9:62

Tolimok Yesu iŋes tema, “Ituŋanan daadaŋ ŋini ani ketikaki ŋakeekan lomeleku, torubak nabo iŋoliyanari kaku, nyitemokino aŋuna ka Apukan ka Akuj.”

Ŋitic. 15:38

Nai atami Paulo atemar pa etemokino ikes arukor ka ituŋanan ŋini abu toboŋo toesik ikes alo Pampilia, ŋini abu nyerukosi ka ikes lotic.

Ŋitic. 26:19

“Aŋun, erwosit Agripa, abu ayoŋ nyawou akiwuap atakanikinet ŋina anakuj.

Ŋitic. 9:36

Ayai Yoppa akanupan ŋina anyaritae Tabisa. (Anyaritae ekiro keŋ a Ŋagirik Dorka, iŋes atemar “Agete.”) Etiyae iŋes ŋuna ajokak akiŋaranakin ŋikulyak.

Ŋitic. 9:38

Keris ŋikasyomak kiirasi atemar ayai Petero Yoppa, ido aŋuna aapiya Lidda alo Yoppa, kiyakiyasi ikes ŋikilyok ŋiarei akimaima iŋes temasi, “Okoe, kiwonyu neni kosi atipei.”

Ŋitic. 9:42

Toyenunae ŋakiro nu alo Yoppa daadaŋ, tonupa ŋituŋa ŋulu alalak Ekapolon.

Ŋitic. 9:43

Kiriya Petero ŋirwa ŋulu alalak alo Yoppa, iboi aneni a Simoni, a ŋolo emanyimanyi ŋilowi a ŋityaŋ.

1 Ŋikor. 9:16

Nyapedori ayoŋ akituro aŋuna alimonokinia Ŋakiro ŋuna Ajokak. Anerae ekecikak Akuj ayoŋ alimonokin ŋakiro ŋun. Erokyarosi aneni kaŋ erae pa kalimonok Ŋakiro ŋuna Ajokak!

2 Ŋites. 1:9

Eryamunete ikes akisicanio ŋina ka akinyasuno a ŋina nyesaluni; etyakaryo ikes aneni ke Ekapolon ka nyiŋolikinete ikes apolou ka apedor keŋ.

Yos. 19:46

Mejarikon, Rakon ka akibois ŋina iteosi ka Yopa.