Yona 1:2 - Ebaibul

² “Tonyou atipei, tolot Ninepe, lotaun ŋol ŋolo apolon nooi, kisera itoroniyarit ŋituŋa keŋ, anerae eŋolik ayoŋ aronis kec.”

Yona 1:2 Iomraidhean Croise

Akisy. 10:11

Alo Sinar, abu Nimirod tolot Asiriya, todukok ŋitaunio lu nen: Ninepe, Reobosir ka Kala;

2 Ŋirw. 19:36

Aŋun abu Senakerib kiela ŋajorei keŋ, toboŋosi. Toboŋo Senakerib Ninepe kiboi a nen.

2 Ŋakiro a ŋirwa 28:9

Nai ayai Samaria ekadwaran ŋolo ke Ekapolon ŋolo anyaritae Oded. Abu iŋes toloma kiŋa etaun akisiryam ŋasigarya ŋuna aboŋunete alojie. Tema neni kec, “Aŋuna aŋoikinitor Ekapolon ŋolo erae Akuj atapapaa kus ŋituŋa a Yudaya, abu itojalak iyes ŋituŋa a Yudaya, nai iara iyes ikes nooi ka anyunyura, ido eira Akuj ŋakiro ŋun.

Esir 9:6

otema, “Okoe Akuj kaŋ, ekerumito ayoŋ ŋileec nooi ka nyacamit akikeun ereet kaŋ neni kon Akuj kaŋ, anerae alalata ŋasecisya kosi nooi ka adolu ekaile kidiama.

Isa. 37:37

Abu nai erwosit Senakerib ŋolo ka Asiriya tolot, toboŋo lore keŋ, kiboi alo Ninepe.

Isa. 58:1

Alimu Ekapolon ebe, “Tocelutu nooi, nyililiŋiyasi! Tocelutu a ŋitoilon a ŋulu apolok esibit arupepe erwo. Tolimokisi ŋituŋa kaŋ ŋakiro ŋuna akaŋeryoto ayoŋ, tolimokisi ŋiletok a Yakob ŋasecisya kec.

Yer. 20:9

Ani katema ayoŋ ebe, “Nyalimuni nabo ayoŋ Ekapolon, kori nyeruwori nabo ayoŋ alimit ekiro keŋ,” aryamuni ayoŋ atemar emwana akirot kon alotooma kaŋ, ikwaan ka akim ŋina emwana pe ŋina egolokino tooma ŋakoyo kaŋ. akaup ayoŋ akidaŋidaŋ iŋes, nyapedorit akililiŋiyar,

Esek. 2:7

Emaikina iyoŋ kirwor ŋakiro kaŋ neni kec, kecamito akiirar, kori pa kecamito akiirar; anerae erae ikes ekal ŋolo aŋeron.

Osea 7:2

Nai nyeyenete ikes atemar atamunit ayoŋ aronis kec daadaŋ. Irikaunito ŋasecisya kec ikes, ido ileerete ikes aneni kaŋ, anerae eyakasi ikes kiŋaren kaŋ.

Yona 3:2

“Tonyou, tolot Ninepe, lotaun ŋol ŋolo apolon nooi, kisera neni a ŋituŋa keŋ ŋakiro ŋuna akalimok ayoŋ iyoŋ.”

Yona 3:3

Tonyou Yona tolot Ninepe ikwapei alimokinitor Ekapolon iŋes. Arae Ninepe etaun ŋolo apol nooi, ŋolo ilosi ŋirwa ŋiuni akirimokin, alomar alowae ke epei tari ŋoloce.

Yona 4:11

Nyemaikina nai ayoŋ esyoni Ninepe, etaun ŋolo apolon ŋolo eyakar ŋidwe ŋulu edeparito ŋalipyo amiat ka ŋatomoniarei ŋulu nyeyenete ŋuna iyookino ka ŋuna nyiyookino a? Nabo toya ŋityaŋ ŋulu alalak a daŋ a?”

Mika 3:8

Nai, ani eruwor ayoŋ, ekelelebikinitae apedor, ekelelebikinitae etau ŋolo ke Ekapolon, ekelelebikinitae akiyookino ka agogoŋu, ikotere olimokinia ŋituŋa a Yakob ŋadyakanareta kec, olimokinia ŋituŋa a Isirael asecit kec.

Naum 1:1

Erae nu ŋakiro ŋuna abu Akuj kisileereu aŋuna ke etaun a Ninepe, ŋakiro ŋuna abu Naum ŋolo abunit alo Elikos toanyu anakiruja, ido kigir.

Naum 3:19

Mam epite ŋolo ikitojokunere iyoŋ anawananu kon, erae awananu kon ŋina ikiari iyoŋ. Ŋituŋa daadaŋ ŋulu iirarete atemar enyasun Ninepe, eramakinete ŋakan elakara, anerae mam ituŋanan ibu iyoŋ nyisican anadedeŋu kon a ŋina nyesaluni.

Mat. 10:18

Ikirikoryo iyes kiŋaren ŋikepukak ka ŋirwosi aŋuna kaŋ, ikotere toruworos iyes ŋisuudae kaŋ alokiŋaren kec ka alokiŋaren ŋituŋa ŋulu nyerae Ŋiyudayan.

Mat. 12:41

Akoloŋit ŋina ka atubokino, enyounete ŋituŋa ŋulu a Ninepe atubokin iyes, anerae apotu ikes tokiwa ŋakecesecisya iirarete ŋakiro a Yona; nai eyai ne ŋolo epol akilo Yona.

Yak. 5:4

Emam nyetaca iyes eropit ŋolo a ŋiketiyak lomanikorin kus. Topupokisi ŋakiro ŋuna iburaata ikes! Adol akigworo a ŋulu elemete ŋimanikorin kus neni ka Akuj, Ekapolon ŋolo etiron.

Akis. 18:5

Anerae alalata ŋasecisya keŋ, edyatakin adol tari nakuj, etamunit daŋ Akuj ŋiticisyo keŋ ŋulu aronok.