Yona 1:17 - Ebaibul

¹⁷ Nai keris Ekapolon kitemok ekolya ŋolo ti apolon nooi akilikor Yona. Kiriya Yona anakook a ekolya ŋapaarasya ŋauni ka ŋakuwarisya ŋauni.

Yona 1:17 Iomraidhean Croise

Akisy. 1:21

Tosub Akuj ŋityaŋ ŋulu apolok ŋulu eya nanamyo ka ŋisubuna ŋulu elyato anakipi, ŋulutyaŋ a ŋikabilae kec; ka ŋulukyeny ŋulu a ŋabebenuk a ŋikabilae kec. Toanyu Akuj atemar ejokak ŋun.

Yona 2:10

Tosodi Ekapolon tolimok ekolya alyakar Yona lokipetot, tolyakak nai ekolya Yona neni aonon.

Yona 4:6

Kitemok Ekapolon Akuj elogilog, kimuko Yona, ikotere nyekadanak iŋes. Tolakar Yona nooi aŋuna a elogilog a ŋol.

Abak. 3:2

Okoe Ekapolon, adau ayoŋ akiirar ŋuna ka arwonu kon, ido aumokinit ayoŋ aŋuna a ŋiticisyo kon. Kitiya tokona nabo alorwa kosi ŋun, kisileereu tokona nabo ŋiticisyo kon ŋul. Toyakaunor akisyon, tari anapaki a ŋina iŋoitor.

Mat. 12:40

Ikwaŋinapei eriyator Yona anakook ke ekolya a ŋolo apolon ŋapaarasya ŋauni ka ŋakuwarisya ŋauni, Lokoku a Ituŋanan daŋ iriyae ŋapaarasya ka ŋakuwarisya ŋauni alotooma ŋalup.

Mat. 16:4

Eroko nooi ŋituŋa a ŋirwa a lu nyekerito tari ŋina erae Akuj! Iwarito akitoodikinet ŋina ailiilon! Nai emam akitoodikinet ace ŋina ailiilon ŋina itoodikinio ikes mati ŋina ke ekadwaran a Yona.” Torotok nai Yesu toesik ikes.

Luk. 11:30

Ikwaŋinapei koloŋ araakar ekadwaran Yona akitoodikinet lotuŋa ŋulu alo Ninepe, eruwor Lokoku a Ituŋanan daŋ akitoodikinet lotuŋa ŋulu ka anyamet a na.