Yoel 3:9 - Ebaibul

⁹ “Kiserata ŋakiro nu nakwapin: Kitemonokinos aŋuna ke ejie, kisimukekisi ŋikajiok. Tolimokisi ŋasigarya daadaŋ toapuut, tolimokisi kikomaut.

Yoel 3:9 Iomraidhean Croise

Ŋikiru. 96:10

Tolimokisi ŋakwapin daadaŋ ebe, “Erae Ekapolon Erwosit! esubunitae akwap egogoŋ nooi, emam ŋini epedori akisiyotokin; etubokini Ekapolon ŋituŋa alotooma akiyookino.”

Isa. 34:1

Okoe ŋituŋa a ŋakwapin, toapuutu kiirasi, okoe ŋituŋa topupokisi! Emaikina akwap kiira ka ŋinibore daadaŋ eyai nakwap; emaikina akwap kiira ka ŋinibore daadaŋ ŋini elomununui alokwap.

Yer. 31:10

Iyes ŋituŋa a ŋakwapin, kiirasi ŋakiro a Ekapolon, tolimosi ŋakiro ŋun anakwapin a ŋuna alodiyete anam, anakwapin a ŋuna alwanak. Temasi iyes, “Ecunakini nabo Ŋisirael ŋolo sek eelari ikes, iyoki ikes lopite ŋolo iyokiyo ekeyokon ŋamesekin keŋ.

Yer. 50:2

“Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Yer. 51:11

“Kipenasi ŋikaleŋeleŋe, tosubakisi ŋaupala kus! Etonyou Ekapolon ŋitai a ŋirwosi a Medes, anerae elosikinit iŋes akinyasun Babilon. Erae ŋin akinyaŋa ŋina ebunit aneni ke Ekapolon, akinyaŋ Akai ka Akuj.

Yer. 51:27

Kikiasi abendera anakwap, tokutakisi amomwara a amesek alokidiŋ ŋakwapin, kitemokisi ŋituŋa a ŋakwapin aŋuna ka akitijikin Babilon, tonyarautu aŋuna keŋ ŋituŋa a ŋapukasinei a nu: Ararat, Mini ka Asikenas. Toseutu aŋuna keŋ ekarikon a ŋajorei; tocunutu aŋuna keŋ ŋaŋolei ŋuna alalak ŋuna etya emaase.

Yer. 6:4

Etemarete ikes, “Kitemonokinos aŋuna ka akirem Yerusalem, tonyoutu, oremo iŋes kidiŋ apaaran.” Nai etemarete ikes, “Okoe, keŋeli iwon, anerae awaiyasi ŋitolimon ŋulu ka ataboŋ!

Esek. 38:17

“Alimu Ekapolon Akuj atemar, meere mono iyoŋ erworo ayoŋ ŋakiro kon paaran aneni a ŋiketiyak kaŋ a ŋikadwarak alo Isirael a? Apotu ikes ŋirwa ŋul todwara ŋakiro alotooma ŋikaru ŋulu alalak, tolimut atemar akayauni ayoŋ iyoŋ akirem Ŋisirael.

Esek. 38:7

“Totenite ka torubak itenit, iyoŋ ka ŋulu daadaŋ iriitotor iyoŋ ŋulu ecunakina nawaetin kon, emaikina iyoŋ kiŋarenik ikes ejio.

Mika 3:5

Ŋakiro ŋuna irworo Ekapolon ikes nu, “Amodiyanakis ŋikadwarak ŋituŋa kaŋ, anerae iiyanakinete ikes ekisil neni a ŋulu isimujete ikes, nai iiyanakinete ejie neni a ŋulu nyisimujete ikes.

Agai 2:7

Eiŋiiŋakini ayoŋ ŋakwapin daadaŋ, ikotere ebari a ŋakwapin a daadaŋ ebuni, ido elelebik ayoŋ akibuses Kai na.

Sakar 14:2

anerae acunakini ayoŋ ŋakwapin daadaŋ kimana Yerusalem kitijioto, ikamarete ikes Yerusalem, toŋatasi ŋiboro anakais ka toreikis ŋaberu akiryamakin ka ikes, erikoryo atutubet aŋituna apei alotaun, nai idoŋete ŋituŋa ŋuluce lotaun.

Sakar 14:3

Ebuni nai Ekapolon alosit akitijiore ŋakwapin ŋun, lopite ŋolo sek abunio iŋes akitijio ŋimoe keŋ.