Yoel 3:19 - Ebaibul

¹⁹ “Eruwor Ijipit ereŋorot, eruwor Edom ereŋorot ŋolo erae aloŋisat itiyakin ŋun aŋuna ka aryenyeo kec a ŋina apotu ikes kitiyata lotuŋa a Yudaya, akwap ŋina aponiata ikes toaryata ŋituŋa ŋulu amam aronis itiyato.

Yoel 3:19 Iomraidhean Croise

Ŋikiru. 137:7

Okoe Ekapolon, totamunite ŋuna apotu Ŋiedomi kitiyata akoloŋit ŋina ekamarere Yerusalem. Totamunite epite ŋolo erworotor ikes ebasi, “Toritakisi kwap, toritaasi jik todol nakisyakineta ka arwatata keŋ!”

Isa. 11:14

Nai iuwuarosi ikes kwap lowae ŋolo alo To toremo Ŋipilistin, eŋatarete ikes kaapei ŋiboro a ŋituŋa a ŋulu alo Kide. Eremete ikes ka kilout ŋituŋa a Edom ka Moab, iwuapete ŋituŋa ka Amon ŋakiro kec

Isa. 11:15

Itooni Ekapolon ecileta ŋolo ka anam a Ijipit, iyakuuni Ekapolon ekuwuam ŋolo amwanan nooi kitoon aŋolol Eupurate, ido etyakatyakae iŋes aŋolol ŋin toruwor ŋayona ŋakanikaarei, iwuakini nen erot ŋolo epedorya ituŋanan atuboror elosi a ŋakejen.

Yer. 49:17

“Aŋuna a ŋican a ŋulu epote Edom, eruwor Edom akwap ŋina einakini ŋituŋa ekabule, ituŋanan daadaŋ ŋini itori diyete keŋ ebuli ka ijutujutakini aŋuna a ŋican a ŋulu etiyakin nen.

Yer. 51:35

Etemarete ŋituŋa a Sion, ‘Ikilipi kinyaŋarae ŋican kosi aneni a Babilon.’ Etemarete ŋituŋa a Yerusalem, ‘Ikilipi kinyaŋarae ŋaokot a ŋituŋa a Babilon.’

Aum. 4:21

Tolelyana ka tolakaros iyes ŋituŋa ke Edom ka ŋituŋa ŋulu iboiyete alo Us. Imerakinosi iyes, ilosete ilerete iteriterosi.

Obad. 1:1

Erae nu ŋakiro ŋuna abu Obadia todwar, ŋuna abu Ekapolon ŋolo Etiron kirwor aŋuna ke Edom; adaun isua akiirar ŋakiro aneni ka Akuj, ido eyakiyar ekiyakia nakwapin alimokin ŋakwapin ebe, “Tonyoutu! Emana akwap ke Edom, etijioto!”

Abak. 2:17

Idaut iyes ayepakin kwap ŋamon ŋuna a Lebanon; iyes daŋ ikiyepakinio kwap. Ipotu iyes toara ŋityaŋ a Lebanon, iyes daŋ, ikiryetarete ŋityaŋ. Itiyakin ŋakiro ŋun aŋuna idauniata iyes akiar ŋuluce ka aŋuna ka aryenyeo kus neni a ŋituŋa a akwap ka lotaunio kec.

Sakar 10:10

Enyakuni ayoŋ ikes nakwap kec, enyakuni ayoŋ ikes alo Ijipit ka Asiriya, esiboik ikes nakwap kec. Esiboikini ayoŋ ikes Gilead ka Lebanon daŋ ilelebunosi ŋituŋa kaŋ nakwap kec daadaŋ.

2 Ŋites. 1:6

Itiyakini Akuj ŋuna iyookino: iteryamuni ŋican ŋituŋa ŋulu ikiteryamunito iyes ŋican