Yoel 2:28 - Ebaibul

²⁸ “Ekaku, eyakikini ayoŋ Etau kaŋ lotuŋa daadaŋ. Edwarete ŋikusidwe ŋulusapa ka ŋulupesur, irujaete ŋikasikou kus, ka eanyunete ŋikusisorok ŋatakanikineta.

Yoel 2:28 Iomraidhean Croise

Ŋakit. 1:23

Tocamutu akimyekin ŋuna abala ayoŋ iyes kimyekisi; akabukokini ayoŋ iyes ŋatameta kaŋ; eketuruwori ayoŋ iyes ŋulu iyenunete ŋakiro kaŋ.

Isa. 32:15

akitodol akoloŋit ŋina iyakuunia Akuj etau alokidiama neni yok, ido eruwor aloŋisat akibois ŋina eya ŋimanikorin ŋulu araak ŋaraito ka ikwaanikin emanikor ŋolo araan ŋol ka amoni.

Isa. 40:5

Ekaku aŋun, itoodiunio nai apolou a Ekapolon ka iŋolikinete ŋituŋa daadaŋ kaapei, anerae adau Ekapolon alimun ŋun.”

Isa. 44:3

anerae emyekini ayoŋ ŋakipi pena nakwap ŋina eyakar akure ka epete ŋaŋololin nakwap ŋina aonon; abukuni ayoŋ etau kaŋ neni a ŋiletok kus ka arereŋu kaŋ neni a ŋidwe kus.

Isa. 49:26

Etanyami ayoŋ ŋulu ikisicanito iyes ŋawat kec a ŋilopeyek, emerakinosi ikes a ŋaokot kec pei lopite ŋolo emeratar a epiini. Eyenunete nai ŋituŋa daadaŋ atemar arae ayoŋ Ekapolon Ekaiunan kus ka Ekalakunan kus Ekapolon ŋolo etiron ŋolo a Yakob.

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 54:13

Itatami Ekapolon ŋituŋa kon daadaŋ ka ebarete ŋituŋa kon nooi.

Yer. 23:25

Eira ayoŋ ŋuna irworosi ŋikadwarak ŋulu edwarete alyokonu alokiro kaŋ ebasi, ‘Abu ayoŋ eruja, abu ayoŋ eruja!’

Yer. 23:28

Kimyekisi ekadwaran ŋolo irujat tolimu ŋuna irujat iŋes, nai kimyekisi ŋini eyakar akirot kaŋ tolimu akirot kaŋ emam akilocokin. Alipite ikwaanatar nooi ŋikinyom ŋulu ikote erau ka eot?

Esek. 36:27

Ewuakini ayoŋ etau kaŋ neni kus ka akainakini ayoŋ iyes kiwuapa ŋakiro ŋuna atubunit ayoŋ ka tocoikis nooi epite ŋolo iwuapitotor ŋikisila kaŋ.

Esek. 37:14

Ewuakini ayoŋ etau kaŋ neni kus ka iyarunete iyes. Ekesiboikini ayoŋ iyes nakwap kus ka iyenunete nai iyes atemar ayoŋ Ekapolon adau alimun ŋun, ido etiyakini ŋun.’ ”

Esek. 39:29

mam nabo jik nyaŋeri ayoŋ akisiŋolikin ikes apaki ŋina abukokinia ayoŋ etau kaŋ neni a Ŋisirael.”

Dan. 7:1

Alokaru a ŋolo esyaunan ipukat Belisasar Babilon, abu Daniel kiruja ka abu kiŋolik ŋakisileerekineta apaki ŋina aperyo iŋes alokitaada. Abu nai iŋes kigir ŋakiro ŋuna erujae iŋes tema,

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Ekim. 11:17

Abuni ayoŋ, ido erworo ka iyoŋ a nen, tosodi alemari ayoŋ etau kaŋ edyo ŋolo sek ainakinit ayoŋ iyoŋ, oinak neni a ŋikasikou a ŋul, ido idaŋidaŋete ikes ŋakiro a ŋituŋa a lu kaapei ka iyoŋ, ikotere nyidaŋidaŋ iyoŋ bon ŋakiro kec.

Ekim. 12:6

Tema Ekapolon, “Kiirasi ŋakiro kaŋ nu: Ani eyakasi ŋikadwarak kidiŋ kus, ayoŋ Ekapolon, atakanikini neni kec, erworo ayoŋ neni kec anakirujaeta.

Luk. 1:67

Kilelebun Etau ŋolo Asegan neni a Sakariya todwar iŋes tema,

Luk. 3:6

nabo eanyunete ŋituŋa daadaŋ aiuno ŋina ka Akuj!’ ”

Yoa. 7:39

Alimuni Yesu ŋakiro ŋun aŋuna ke Etau a ŋolo aryamunete ŋulu enupito iŋes. Anapaki a ŋin ariŋa Etau nyeinakina lokanupak, anerae ariŋa Yesu nyitopolooro.

Ŋitic. 2:33

Adau Akuj Papa akitopoloor iŋes, ewuak lowae keŋ ŋolo aloteten ka ainakin iŋes Etau ŋolo Asegan ikwaŋina aris kiikinere; ido ŋuna iteete iyes ka topupete tokona, erae ainakinet ŋina ke Etau a ŋolo Asegan a ŋolo ikibukok Yesu isua.

Ŋitic. 2:39

Anerae arae akiikinet ka Akuj ŋina kus ka ŋikusidwe ta neni a ŋituŋa a daadaŋ a ŋulu elwaka a ŋulu enyaraunit Ekapolon yok Akuj neni keŋ.”

Ŋitic. 21:9

Ayakar iŋes ŋidwe keŋ ŋulupesur ŋiomwon ŋulu arae ŋikadwarak.

Ŋigal. 3:28

Aŋun, emam atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋipi ka ŋulu nyerae ŋipi, kidiŋ ŋikilyok ka ŋaberu; iraakasi iyes daadaŋ ŋipei anakimorikina ka Yesu Kristo.

Ŋibur. 1:1

Koloŋ sek, abu Akuj kirwor neni atapapaa yok alotooma ŋikadwarak ŋarwa ŋakalalak, alopitesyo a ŋulu agelegelya;

1 Sam. 19:20

Kiyakiya nai Saul ŋituŋa alosit ayaun Daudi. Ani iŋolikinete ŋituŋa ŋul atukot a ŋikadwarak edwari, ewoi Samuel ikwapei ekarikon kec, toloma etau ka Akuj neni a ŋituŋa a ŋulu eyakit Saul, kisyakis ikes daŋ akirworo edwarete.

1 Sam. 19:21

Ani elimokinio Saul ŋakiro a ŋul, kiyakiya iŋes ŋituŋa ŋice, apotu ŋul daŋ tolomasi neni a ŋuluce kirworo edwarete. Kiyakiya nabo Saul ŋituŋa ŋice akiyakiyaret ŋina a ŋauni, apotu ŋul daŋ tolomasi neni a ŋuluce kirworo edwarete.

1 Sam. 28:6

Ani iŋisi Saul Ekapolon ŋuna emaikina iŋes kitiya, abu Ekapolon nyeboŋok iŋes, kerae anakirujaeta, kori anakilamilam ka adio, kori alokadwaran ke edio.