Yoel 2:26 - Ebaibul

²⁶ Iryamunete iyes akimuj ŋina alalan ŋina imujete kimwoko, ido ipurete iyes ekiro ŋolo ke Ekapolon ka Akuj kus, a ŋina etiya ŋuna ka aumokin aŋuna kus; mam nabo nyirumete ŋileec ŋituŋa kaŋ.

Yoel 2:26 Iomraidhean Croise

Akisy. 33:11

Ekelipit ayoŋ iyoŋ, tocamu ainakinet kaŋ na ŋina ikiinunitae iyoŋ, anerae etiya Akuj neni kaŋ ejok nooi, ido ayakar ayoŋ ibore daadaŋ ŋini acamit.” Aŋuna abunio Yakob torubak edyekit Esau, abu Esau tocamu akijaar ainakinet a Yakob.

Neem. 9:25

Apotu Ŋisirael kikamanasi ŋitaunio ŋulu adukitoe ŋaduketa ŋunajiet, kikamasi akwap ŋina ajokan a ŋalup, kituruwosi ŋakais ŋuna elelebitae ŋiboro ŋulu ajokak daadaŋ ŋuna kec, ŋakare, ŋimanikorin ŋulu a ŋikito a epiini, ŋulu a ŋikito ka Olipa ka ŋulu a ŋikito a ŋaraito ŋulu alalak; aŋun apotu ikes kimuja kimwoko ka totuma, tolelyana aŋuna ka ajokis kon a ŋina apolon.

Ŋikiru. 103:5

Akainanakini iŋes ayoŋ ŋuna ajokak ŋirwa daadaŋ ŋulu ka akiyar kaŋ ikotere ayoŋ arubakini asorokana, apori ikwa eporyo egole.

Ŋikiru. 116:7

Aŋun apedori tokona akiboi nabo emam ŋace, anerae etiya Ekapolon ŋuna alalak ŋuna ajokak neni kaŋ.

Ŋikiru. 13:6

Aeikini ayoŋ neni kon Ekapolon, anerae ibu iyoŋ kitiya ŋuna ajokak neni kaŋ.

Ŋikiru. 22:26

Imujete ŋulu a ŋican kimwoko; ipurete Ekapolon ŋulu itopoloorito iŋes, elipi inak Akuj ikes alakara anakiyar kec a daadaŋ

Ŋikiru. 37:19

Nyeryamunete ikes ŋican alorwa a ŋulu aronok, eyakaunotor ikes akimuj ŋina alalan alorwa a ŋulu ke eron.

Ŋikiru. 67:5

Okoe Akuj, elipi ikipuro iyoŋ ŋituŋa, ikipuro iyoŋ ŋituŋa daadaŋ.

Ŋikiru. 72:18

Akipuro toyai neni ke Ekapolon Akuj, Akuj ŋina a Isirael, iŋes bon itiyae ŋiticisyo ŋulu ka aumokin.

Ŋakit. 13:25

Eyakatar ŋulu iyookino akimuj ŋina itemokino ŋina ecamito ikes, nai eororete ŋakookyes a ŋulu aronok.

Eete a Ŋie. 5:1

Abu ayoŋ lomanikor kaŋ, nakaato kaŋ ka ateran kaŋ, adau ayoŋ acunakin eminae ŋolo akukunyon ka ŋikito ŋulu akukunyok, adau ayoŋ akinyam ŋapune ŋuna ka ao kaŋ ka akimyet ŋina ka ao kaŋ, adau ayoŋ akimat epiini kaŋ ka ŋakile kaŋ. Okoe ŋikonei kaŋ, kimuja ka tomata, ibus ŋolominat kaŋ alokidiŋ ŋisorok, ŋuluminan kaŋ, tomata kimwoko.

Isa. 25:1

Okoe Ekapolon, irae iyoŋ Akuj kaŋ; eketopoloori ayoŋ iyoŋ, epuri ayoŋ ekiro kon; anerae itiya iyoŋ ŋakiro ŋuna ka aumokin, ŋakiro ŋuna keyeunio koloŋ sek, ŋuna ikinyoma ka ŋuna a kire.

Isa. 29:22

Aŋun, alimu Ekapolon ŋolo abu tolaku Aburaam ŋakiro nu aŋuna a ŋiletok a Yakob atemar: Nyeriŋa nabo isirumyo ŋiletok a Yakob ŋileec, nyeriŋa nabo ikes itonyorididete ŋireetin;

Isa. 45:17

Nai eiuni Ekapolon Ŋisirael alotooma aiuno ŋina a ŋikaru ka ŋikaru; nyikisurumyo iyes ŋileec, kori nyikisiguryakinio iyes ŋikaru ka ŋikaru.”

Isa. 49:23

Eruworosi ŋirwosi aneni kus atapapa ka eruworosi ŋarwosi kec aneni kus atatoto ŋuna ikitanete iyes. Ijuuruyete ikes alokiŋaren kus ikitopoloorito iyes itiditeunosi ikes make ikitopoloorito iyes. Iyenunete nai iyes atemar arae ayoŋ Ekapolon, nyisurumyo ŋileec ŋulu ekekinyomito ayoŋ.”

Isa. 54:4

Nyikuryaketa, anerae nyikisirumyo iyes ŋileec nyikikadanak, anerae nyikijamuwaryo iyes. Nyitamunete nabo iyes ŋileec ŋulu iyakatar iyes eriŋa isorokaka, nyitamunete nabo iyes ŋiyany ŋulu iboiyoto iyes isibito ŋapuseru.

Isa. 55:2

Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Ŋilep. 25:19

Ebuni nai akwap akira ŋaraito keŋ, kimuja nai kimwoko, ido kiboiyoto emam ŋace.

Ŋilep. 26:26

Ani etasaluni ayoŋ akimuj aneni sek ilemyata iyes, ipoete ŋaberu ŋatomon akimuj alokeno ke epei, ido ikikorakinete ikes iyes akimuj ipimanaritae. Imujete iyes akimuj ŋin, nai erubakini akoro ikinyamit.

Ŋilep. 26:5

Irubakinete iyes iramete ŋikinyom kus akitodol ŋina ilemyata epiini, ido irubakinete iyes ilemete epiini akitodol apaki ŋina itakiniata, imujete iyes akimuj daadaŋ ŋina icamito, ido iboiyete anakwap kus emam ŋace.

Mika 6:14

Imujete ŋituŋa kon nai nyimwokete; erubakinete ŋakookyes kec eororete. Iŋadaete ikes, nai mam ibore ideun, anerae ibore ŋini iŋadakinete ikes, etelemari ayoŋ ŋimoe.

Sepan. 3:11

“Akoloŋit ŋin, nyikisurumyo iyes ŋileec aŋuna a ŋipegeta a ŋulu iponiata iyes ikiŋierioto ayoŋ; anerae alemari ayoŋ aneni kus ŋituŋa ŋulu elelyanete aŋuna ka akituro kec. Nyiboŋokinete nabo iyes akiŋer ayoŋ alomukura kaŋ a ŋolo asegan.

Sakar 9:15

Iuryari Ekapolon ŋolo Etiron ŋituŋa keŋ, ido emunyarete ŋituŋa a Ekapolon ŋimoe kec. Ecelunete ikes alo jie esibit ŋituŋa ŋulu emerasi, ido earete ŋituŋa a Ekapolon ŋimoe kec; toleleiyasi ŋaokot a ŋimoe kec ikwa ŋaokot a ŋamuronisya ŋuna ebukokinio Namuroet anabakule.

Sakar 9:17

Ejokyar nooi ka ibusyar nooi akwap kec. Epolounete anakwap a ŋin ŋisorok ka ŋasorok erae ŋulu itogogoŋit ekidikidi ka epiini.”

Ŋirom. 10:11

Ebasi Ŋakigireta ebe, “Ŋinituŋanan enupi iŋes, nyirumete ŋileec jik.”

Ŋirom. 5:5

Nyikitakadanakini iwon akigeno na, anerae elelebik Akuj amina keŋ lotai yok aneni ke Etau a ŋolo Asegan, a ŋolo erae ainakinet ŋina ka Akuj neni yok.

Ŋirom. 9:33

Amoru ŋin iŋes ŋina irworo Akuj alotooma Ŋakigireta ebe, “Kiŋolikisi, ewuakini ayoŋ neni a Sion amoru ŋina iguwanakini ŋituŋa, ataaba ŋina ibusonokini ikes. Nai ituŋanan ŋini enupi neni ka Akuj, nyirumete ŋileec jik.”

Ŋikis. 11:15

ka ikiinakini iŋes iyes ŋinya ŋulu edakasi ŋibaren kus, ido imujete iyes kimwoko.

Ŋikis. 12:12

Tosodi ilelyanete iyes alokiŋaren Ekapolon, iyes kaapei ka ŋidwe kus ŋulusapa ka ŋulupesur, ŋipi ka ŋapi kus ka ŋilepi ŋulu iboiyete alotaunio kus ŋulu emam akwap ekorakinitae ikes, kori eruwor ŋina kec.

Ŋikis. 12:18

Emaikina iyes tonyama ŋul alokiŋaren Ekapolon Akuj kus anakibois a ŋina eseuni Ekapolon Akuj kus. Imujete iyes kaapei ka ŋidwe kus ŋulusapa ka ŋulupesur, ŋipi kus ka ŋapi kus ka ŋilepi ŋulu iboiyete alotaunio kus; ilelyanete iyes alokiŋaren Ekapolon Akuj kus aŋuna a ŋakiro a daadaŋ a ŋuna ipotu iyes kitiyata.

Ŋikis. 12:7

Tosodi imujete iyes a nen aneni eyai Ekapolon Akuj kus, imujete iyes a nen kaapei ka ŋituŋa a ŋikalya kus, ilakara aŋuna a ŋakiro a daadaŋ a ŋuna itiyata iyes aŋuna ikiterereŋio Ekapolon iyes.

Ŋikis. 8:10

Imujete iyes kimwoko, ido tolakaros neni a Ekapolon Akuj kus aŋuna ka akwap a ŋina ajokan a ŋina ikiinak iŋes iyes.

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.

1 Yoa. 2:28

Ŋidwe ŋuluminan, kiboiyoto alotooma Kristo, ikotere ani etakanuni iŋes, oyakatar iwon atitinyu ŋina nyikirumiata iwon ŋileec apaki ŋina etakanunia iŋes.