Yoel 2:22 - Ebaibul

²² Iyes ŋityaŋ ŋulu ka ariet, Nyikuryaketa, anerae alibut ŋinya ŋulu ka ariet; ara ŋikito ŋaraito; edodoto ŋiboboryo ka ŋikito ke epiini ŋaraito kec.

Yoel 2:22 Iomraidhean Croise

Akisy. 4:12

Ani ŋina itaa iyoŋ ŋalup, nyitokokete ejok ŋikinyom ŋulu itae iyoŋ. Idokini iyoŋ nariyet, toruwor ekerimiton anakwap.”

Ŋikiru. 36:6

Ikwaan akiyookino kon itiirae ka ŋimoru ŋulu itiiraete, ikwaan akiyookino kon ŋina itubio iyoŋ ŋakiro epol ka alalau a ŋakipi aloburi a ŋolo ka anam. Okoe Ekapolon iununui iyoŋ ŋituŋa ka ŋityaŋ pa ityakatyakat.

Ŋikiru. 65:12

Elelenakini ŋadakarisinei ŋuna eya naloŋisat, elibununete ŋimukura min akibuses.

Ŋikiru. 65:13

Ilelebunun ŋisipanin a ŋamesekin nadakarisinei, ido ilelebunun ŋikinyom nakadipaalae; elakar ŋinibore daadaŋ lopite ŋolo elakarotor ŋituŋa tocela ka toeoto.

Ŋikiru. 67:6

Akoko ŋikinyom ka akwap eyatakin; Akuj ŋina erae Akuj yok iŋes ikiterereŋ iwon.

Isa. 51:3

Isirworiuni Ekapolon ŋituŋa a Sion; itojokuni ŋakiboisyo kec daadaŋ ŋuna apotu toruworos ŋacaryo ka ituruwori aloŋisat kec akibois ŋina ajokan ŋina ikoni Eden, kikwaanikin aloŋisat kec ka emanikor a Ekapolon. Eyakaun alelyanu ka alakara Sion, eokinete ŋituŋa a nen ŋieosyo ŋulu ka alakara.

Esek. 36:30

Etalalauni ayoŋ ŋaraito a ŋikito ka ŋikinyom ŋulu a ŋimanikorin, ikotere iyes nyiloto nabo nakwapin aryamun eron ka ŋican.

Esek. 36:35

Etemarete ikes ebe, ‘Ekwaanikin akwap na ŋina abu toruwor ekasile ka emanikor ŋolo a Eden, ido eboikinosi tokona ŋituŋa nakiboisyo ŋuna sek apotu toruwor ŋakoŋinae ka ŋuna asilok, aduki nabo ejok nooi ŋitaunio ŋulu aponi tomunaarae.’

Esek. 36:8

“Nai alokamukumukui a ŋulu alo Isirael, elibunete nabo ŋakuii alokito ka erayete ŋikito aŋuna a ŋituŋa kaŋ a Ŋisirael, anerae eapi ikes aboŋun nakwap kec.

Yona 4:11

Nyemaikina nai ayoŋ esyoni Ninepe, etaun ŋolo apolon ŋolo eyakar ŋidwe ŋulu edeparito ŋalipyo amiat ka ŋatomoniarei ŋulu nyeyenete ŋuna iyookino ka ŋuna nyiyookino a? Nabo toya ŋityaŋ ŋulu alalak a daŋ a?”

Agai 2:16

Apaki ŋin, ani kelot ituŋanan idio natukot a ŋikinyom etami akilelebikin loguniyae ŋatomoniarei, ilelebikini iŋes lotomon bon. Kelot ituŋanan ice neni ecuyere epiini etami akilelebikin namoti ŋatomonikan anataker a epiini, ilelebikini iŋes ŋatomoniarei bon.

Sakar 8:12

Itaete ikes ŋikinyom kec anakinapakina. Eraete ŋikito ke epiini, itokoni akwap ŋikinyom, ido eyakaun akiru ŋina alalan. Ainakini ayoŋ ŋarereŋisyo ŋun daadaŋ lotuŋa ŋulu ka akwap kaŋ ŋulu apiyanun.

1 Ŋikor. 3:7

Aŋun nai, emam apolou eyai neni a ŋini adupan kori neni a ŋini abukon ŋakipi, nai eyai neni ka Akuj bon a ŋina itopoloe ŋinibore.