Yoel 2:20 - Ebaibul

²⁰ Alemari ayoŋ emaase ŋolo abuni alo Kuju eteeka aneni kus, eritari ayoŋ iŋes nakalukae ŋuna erae ŋacaryo anakwap, eritari ayoŋ asepic keŋ ŋina iŋareni nanam ŋina alo Kide, ido abusya keŋ nanam ŋina alo To; ebosuni iŋes a nen tul, eremi abosis keŋ kidiama.” Amunyari ayoŋ iŋes a ŋuna a daadaŋ eitiya iŋes neni kus.

Yoel 2:20 Iomraidhean Croise

2 Ŋirw. 8:13

Topodokin Asael tema, “Ekokini ayoŋ ai ŋolo arae eketiyan kon, eŋok koŋin, etiyakini ŋakiro ŋuna atyonok ŋun ai?” Toboŋok Elisa tema, “Eketoodik Ekapolon ayoŋ atemar iruwor iyoŋ erwosit ka Aram.”

Ŋikiru. 126:3

Kire adau Ekapolon akitiya ŋakiro ŋuna apolok nooi aŋuna kosi, ido ileleba alelyanu neni kosi.

Awos. 10:19

Abu nai Ekapolon kitukuta ekuwuam lowae ŋolo alo To ekusi nooi, ido abu ekuwuam kiwok emaase, tokuta Nanam ŋina Areŋan. Mam epei daŋ abu kidoŋ iwadio anakwap a Ijipit.

Awos. 8:14

Totukonokis ŋituŋa ŋakidodoka ŋuna apotu kitobosut akwap ŋin tul.

Isa. 34:3

Imasaryo kiŋa ŋituŋa kec ŋulu earyo, eremi abosis a ŋawat kec kidiama; elelearete ŋaokot kec alomoru.

Esek. 47:18

Alowae a ŋolo alo Kide, isyakini ekukoru kus alokidiŋ Auran ka Damasko, tomek aŋolol Yorodan, kitor kidiŋ Gilead ka akwap a Isirael tomyaa nanam ŋina Atwan kisalak Tamar.

Amos 4:10

Abu ayoŋ ekeyakik iyes ŋakisicaneta lopite ŋolo abunio eyakikinia nakwap a Ijipit; abu ayoŋ oar ŋisorok kus a ekileŋ, abu ayoŋ emyek tomyaarae ŋaŋolei kus, ido abu ayoŋ etobos tul ŋakiboisyo kus, nai ipotu iyes nyikiwa.

Sakar 14:8

Akoloŋit ŋin eleleunete alo Yerusalem ŋakipi ŋuna eyaunete akiyar, eleleyarete atutubet apei nanam ŋina Atwan ka atutubet apei nanam ŋina a Mediteranian, eleleete ŋakipi ŋun akamu ka akiporo.

Mal. 3:11

Euryari ayoŋ ŋiboorei ŋulu enyamete ŋikinyom nyenyam ŋikinyom kus, ido ŋimanikorin kus ŋulu ke epiini ebwaŋete epiini nooi.

Ŋikis. 11:24

Akibois daadaŋ ŋina idolete iyes eruwor ŋina kus, egeuni akwap kus analoŋisat todol tari Lebanon ka ameun anaŋolol Eupurate todol tari nanam ŋina alo To.