Yoel 2:2 - Ebaibul

² akoloŋit ŋina ka akiryonut ka akilurur, akoloŋit ŋina elalaata ŋidouwon ka ŋina elalaa akiryonut cuc. Ikiburusiyari asuisui a emaase ŋin ŋina alalan ka adedeŋan ŋina ebunio; lopite ŋolo eburusiyarya akiryonut ŋimoru; Nyetakanuna sek ekiŋaren emaase ŋolo etya ŋol nakwap ŋin; mam daŋ nyetakanuni nabo jik nanyameta ŋuna eponito.

Yoel 2:2 Iomraidhean Croise

Ŋikiru. 10:6

Etamete ikes alotai kec ebe, “Mam ŋakiro ikiteryaŋakinete; ikirubakini ikilakara ananyameta kec a daadaŋ, mam ŋican ikiryamuni.”

Ŋikiru. 97:2

Eyakasi nawaetin keŋ ŋidouwon ka akiryonut ŋina iryono cuc ipukat iŋes alotooma akiyookino ka ŋuna a kire.

Awos. 10:14

Bu emaase nakwap a Ijipit daadaŋ, torubak eyai nen lotela ŋulu ka akwap a ŋin daadaŋ elal nooi isijisija. Nyetakanuna sek ekiŋaren emaase ŋolo etya ŋol nakwap ŋin, mam daŋ nyetakanuni nabo jik.

Awos. 10:6

Ilelebun nakais kon ka nakais a ŋulu ipukatotor iyoŋ ta ŋuna a Ŋijipitian a daadaŋ. Ŋakiro ŋun ikes ŋuna nyiŋolikina atapapa kon, kori atapapaa kon akisyakin akoloŋit ŋina keponiata ikes nakwap tari nakoloŋit na.” Torotok nai Moses aneni a Parao kimyek iŋes.

Awos. 20:21

Kidoŋo ŋituŋa ewuasi aneni alwanan, nai tolot Moses lomoru, toapiya lodou ŋolo pa acaor, ŋolo ayai neni ayai Akuj.

Isa. 5:30

Akoloŋit ŋin, ipopolakinete ŋituŋa ŋul neni a Ŋisirael, irurumakinete ŋituŋa ŋul neni a Ŋisirael ikwa irurumaa anam. Ani kiŋolik ituŋanan akwap a Ŋisirael, iŋolikinete akiryonut ka ŋican; isiryonete ŋidouwon tari akica.

Isa. 8:22

kori ijuuruyete nai iŋolikinete ikes ŋican ka akiryonut, enyorididete ŋireetin kec ka eryebakinosi ikes, ido iritaryo ikes nakiryonut ŋinakiryonon cuc.

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Yer. 13:6

Kelunyar ŋarwa ŋuna alalak abu Ekapolon okolimok ayoŋ tema, “Tolot tokona naŋolol Eupurate, tolemu elou ŋolo sek ekicikit ayoŋ iyoŋ akiware a nen.”

Aum. 1:12

Ebasi ŋituŋa a Yerusalem, “Erae mono ŋican lu ŋikoŋinae aneni kus iyes ŋituŋa daadaŋ ŋulu itoreneneete Yerusalem a? Kiŋolikisi mono iyes ŋakwapin ŋunace, eyakasi ŋican ŋulu eryamunito ikes ŋulu ikote ŋulu eryamunitae isua a? Eyakasi mono nakwapin ŋican ŋulu ikote ŋulu eyaunit Ekapolon neni kosi anapaki a ŋina ka aŋoit keŋ nooi a?

Esek. 32:7

Ani akalemari ayoŋ iyoŋ, eteriboori ayoŋ nakuj aneni kon, esiryoni ayoŋ ŋikacer; eteriboori ayoŋ a edou akoloŋ aneni kon, nyecauni elap apaki ŋin.

Esek. 34:12

Lopite ŋolopei iwararyata ŋikeyokok ŋamesekin kec ŋuna ielakina losipanin a ŋamesekin ŋuluce, ewarari ayoŋ daŋ ŋamesekin kaŋ. Aiuni ayoŋ ikes anakiboisyo a daadaŋ a ŋuna aponi kielarae ikes akoloŋit ŋina ka akiryonut ŋina alalaata ŋican.

Esek. 38:9

Ilosete iyoŋ ka ŋasigarya kon daadaŋ ta ŋituŋa a ŋakwapin a ŋuna alalak a ŋuna iriitotor iyoŋ akitijiore Isirael, ilosete iyes ilalak nooi esibit akiru ijukuna, ilosete iyes iburiyarito akwap esibit edou eburiyarit akwap.

Dan. 12:1

“Apaki ŋin, ebuni Mikael, ekarikon ŋolo apolon ŋolo erae ekedaran a ŋituŋa kon. Eyakaun apaki ŋina ka aryeba apaki ŋina nyeyakauna ŋinapei koloŋ kisyakiniata ŋapukasinei. Nai apaki ŋin, elakunio ŋituŋa kon, elakunio ŋituŋa daadaŋ ŋulu igiritae ŋirorwa kec lokitaabo.

Dan. 9:12

Esiyook Ekapolon ŋakiro keŋ, ŋakiro ŋuna abu iŋes kirwor ikitoroniyarit isua ka ŋikapolok kosi, etiya Ekapolon ŋun anainakin isua ŋican ŋulu apolok nooi. Ŋuna etiyakin Yerusalem, mam akwap anakwap a daadaŋ ŋina etiyakin ŋun.

Yoel 1:6

Arem asuisui a emaase akwap yok, erae asuisui ŋin ŋina adedeŋan ka ŋina nyimarun; eitaaka ŋikyal keŋ ikote ŋulu ke eŋatuny ka ikote ŋitiroŋ keŋ ŋulu ka aŋatuny.

Yoel 2:25

“Akatacakini ayoŋ iyes ibore ŋini a ŋikaru a ŋulu abu emaase tonyam, ibore ŋini abu emaase ŋolo apori, ŋolo enyasan ka ŋolo atubutubon tonyam, ibore ŋini abu asigar kaŋ ŋina alalan nooi ŋin yonyam, arae ayoŋ eyakuunit iŋes neni kus akibel iyes.

Yoel 2:31

isiryonio akoloŋ cuc, itereŋio elap puu, kikok ŋaokot, eriŋa nyedolo Akoloŋit ŋina apolon nooi ŋina ke Ekapolon.

Yoel 2:5

Ecela iŋes ikwa ŋagaari ŋuna iritae a ŋaŋolei eporete alokidiama ŋimukura, ireta iŋes ikwa arira enomi ŋinya ŋulu aonok ibaki iŋes elal nooi ikwa ajore ŋina etenit aŋuna ke ejie.

Yoel 3:4

“Nyo ikimanitotor iyes ayoŋ okoe Tiro ka Sidon ta ŋakiboisyo ŋuna a Ŋipilistin daadaŋ, inyaŋete iyes ŋadi neni kaŋ itiyaete ŋun a? Ani kinyaŋete ŋadi, eburuburakini ayoŋ akinyakakin iyes atipei pena nakyes kus ŋuna itiyaete iyes.

Amos 4:13

“‘Kiirasi mono iyes iŋes ŋolo abu tosub ŋimoru ka ekuwuam, iŋes ŋolo isileerekini ŋituŋa ŋatameta keŋ ka iloconokini akuwar toruwor apaaran, iŋes ŋolo ipukat nakuj ka akwap, erae ekiro keŋ Ekapolon Akuj ŋina a ŋajoresyo.’”

Sepan. 1:7

Kililiŋa alokiŋaren Ekapolon Akuj, anerae aapuu akoloŋit ŋina ke Ekapolon; etemok Ekapolon amuronot; adau iŋes akitaleun ŋulu enyarit iŋes.

Sakar 14:6

Emamukaun akica akoloŋit ŋin, emamukaun alilimu, kori ekuno.

Mat. 24:21

Anerae alorwa a ŋul, eyakaunosi ŋakisicaneta ŋuna nyetakanuna ŋinapei kesubia Akuj akwap tari tokona, kori nyepote nabo jik ŋican ŋul.

Mar. 13:19

Anerae alorwa a ŋul, eyakaunosi ŋakisicaneta ŋuna nyetakanuna ŋinapei koloŋ kesubia Akuj ŋiboro daadaŋ anakwap tari tokona; kori nyepote nabo jik ŋican ŋulu ikote ŋul.

Ŋikis. 32:7

Totamutu ŋirwa ŋulukoloŋ, totamatamata ŋuna a ŋikaru a ŋulu alunyarosi, kiŋit ŋinituŋanan papa keŋ kiteyenik iŋes, kiŋita ŋikasikou kus ikilimokinete ikes iyes.

Ŋibur. 12:18

Nyiponito iyes lomoru ŋolo etakani ikwaŋina koloŋ aponiata ŋituŋa ŋulu a Isirael; apotu ikes potu lomoru ŋolo enyaritae Sinai, ŋolo anepya akim, ŋolo ayai akiryonut ka akiyaloloŋ ta ekuwuam ŋolo anyunyura.

Yud. 1:13

Ikote ikes ŋakipi ŋuna ka anam imorokokoete, kilepunito ekurudo ŋolo a ŋileec kec; ikote ikes ŋikacer ŋulu imasanar ŋulu adau Akuj akitemokin aŋuna kec akiryonut ŋina iryono cuc, ŋina ruba.

Akis. 9:2

Abu etop toŋaa auwuat ŋina aoyan ŋin, tolomu apuru ŋina ekoni ŋina ka arira a ŋina apolon nooi, kisiryon apuru akoloŋ ka kidiama cuc.