Yoel 2:17 - Ebaibul

¹⁷ Emaikina ŋisacaradotin ŋulu itiyaete alokiŋaren Ekapolon, kigworo alokidiŋ ebarasan ŋolo ka Akai ka Akuj ka Namuroet. Emaikina ikes temasi, “Kisyoni ŋituŋa kon, okoe Ekapolon. Nyituruwo ŋituŋa kon ke elope ŋulu ejamuwaritae, ŋulu irworore anakwapin. Kaanukiro emaikina ŋakwapin iŋitasi ebe, ‘Ai mono eyai Akuj kec?’ ”

Yoel 2:17 Iomraidhean Croise

1 Ŋirw. 6:3

Arae ŋisepyon a agule a ŋina alokiŋaren Akai ka Akuj ŋimitae ŋiomwon ka atutubet, aoyau a agule a ŋin alowae a ŋolo alokiŋaren arae ŋimitae ŋikanikaomwon, ariyan ŋimitae ŋul ka ŋulu epimito aoyau a Akai ka Akuj alokoku ka alokiŋaren.

1 Ŋirw. 9:7

ŋun nai alemarya ayoŋ Ŋisirael anakwap a ŋina adau ayoŋ ainakin ikes. Akai daŋ ŋina etaleu ayoŋ aŋuna ekiro kaŋ, alemari ayoŋ ojoŋo akitere; toruwor Isirael akwap ŋina nyeriŋa eyai toruwor ŋina edoŋ erae eemut bon, ŋina ekyenatar ŋituŋa a ŋakwapin a daadaŋ.

2 Ŋakiro a ŋirwa 7:20

ŋun nai akalemarya ayoŋ iyes anakwap a ŋina adau ainakin iyes ka Akai daŋ na ŋina etaleu ayoŋ aŋuna a ekiro kaŋ, alemari ayoŋ, ojoŋo akitere, toruwor ibore ŋini nyeriŋa eyai, ŋini edoŋ erae akitadapet bon, ibore ŋini ekyenatar ŋituŋa a ŋakwapin a daadaŋ.

2 Ŋakiro a ŋirwa 8:12

Kedau ŋun, abu Solomon inak Ekapolon ŋainakineta ŋuna epeyo a Namuroet a ŋina ke Ekapolon a ŋina abu iŋes todukok ebarasan ŋolo ayai kiŋaren Akai ka Akuj.

Neem. 9:36

Ikirae isua a ne ŋipi tari nakoloŋit na, ikirae isua ŋipi anakwap a ŋina ibu iyoŋ inak atapapaa kosi, ikotere enyamete ŋaraito ka ibore ŋini ajokan daadaŋ.

Ŋikiru. 115:2

Kaanukiro iŋitatar ŋituŋa ebe, “Ai mono eyai Akuj kec?”

Ŋikiru. 42:10

Akaniposi ayoŋ ŋiyany a ŋimoe kaŋ, lopite ŋolo eyakar etoku ŋolo aaran nakuwan, ekeŋiseneneete ikes ayoŋ apaaran jwii ebe, “Ai bo eyai Akuj kon?”

Ŋikiru. 42:11

Abu ayoŋ eŋis bon alotau kaŋ otema, “Kaanukiro ilelebar akiyaloloŋ lotau kaŋ? Kaanukiro aryebar ayoŋ alotau kaŋ? Ewuakini ayoŋ akigeno kaŋ neni ka Akuj, ido epuri nabo ayoŋ iŋes, ŋina erae akaiunan kaŋ ka Akuj kaŋ.”

Ŋikiru. 42:3

Ŋakiyo kaŋ ikes erae akimuj kaŋ naparan ka nakwaare, ekeŋiseneneete ayoŋ ŋituŋa apaaran jwii ebe, “Ai bo eyai Akuj kon?”

Ŋikiru. 42:4

Atamununui ayoŋ ŋakiro nu ŋapakio ŋuna ikalounio etau kaŋ: Epite ŋolo paaran ikirukitor ayoŋ ka ŋituŋa ŋulu alalak, epite ŋolo paaran eŋarenikinitor ayoŋ ikes ikilosi Kai ka Akuj, tocelatei eeoi ka alelyanu ŋieosyo ŋulu ka alakara neni ka Akuj; alalakae isua ikilosi nasuban ŋunakipuret Akuj.

Ŋikiru. 74:10

Okoe Akuj, apaki ŋina etya ai eayete ŋimoe kon ikijamuwarito iyoŋ? Erubakinete mono ŋimoe kon iyanyete ekiro kon ŋikaru ka ŋikaru a?

Ŋikiru. 79:10

Kaanukiro imyekinia iyoŋ ŋituŋa a ŋakwapin iŋitasi ebe, “Ai mono eyai Akuj kec?” Kitoodik ŋakwapin iteo isua atemar inyaŋa iyoŋ ŋiketiyak kon ŋulu aponi toarae.

Ŋikiru. 79:4

Ikiruwor isua ŋulu ikibolyatar ŋikidunyet kosi, ikiruwor isua ŋulu ikijamuwarito ka ŋulu ikikyenatar ŋikidunyet kosi.

Ŋikiru. 89:41

Ekokoyete ŋituŋa daadaŋ ŋulu itorete nen ŋiboro keŋ; aruwor iŋes ŋolo ejamuwarito ŋikidunyetkeŋ.

Ŋikiru. 89:51

ŋiyany ŋulu ekeyanyata ayoŋ ŋimoe kon Ekapolon, ŋiyany ŋulu iyanyata ikes eseuna kon aneni daadaŋ itori.

Awos. 34:9

tema, “Okoe Ekapolon, akadyekit ayoŋ iyoŋ, ani kajok ayoŋ aneni kon Ekapolon, apena orukosi ka isua; tari kerae ŋituŋa lu ŋulu egogoŋ ŋakyes, kisyoni aronis kosi ka asecit kosi, yaarae isua ikwapei ŋituŋa kon ke elope.”

Isa. 22:12

Apaki ŋin abu Ekapolon Akuj ŋolo a ŋajoresyo ikinyarau iyes akigworo ka akiolol, akibany ŋitim kus ka akinap ŋiguniyae,

Isa. 37:20

Aŋun, tokona okoe Ekapolon Akuj kosi, toiunae isua anapedor a Senakerib, ikotere eyenunete ŋituŋa a ŋapukasinei a daadaŋ anakwap atemar iyoŋ bon irae Ekapolon.”

Esek. 20:9

Nai aŋuna a ekiro kaŋ, abu ayoŋ etiya ŋuna nyepedorere akiyanyia ekiro kaŋ anakwapin a ŋuna eboiyoto Ŋisirael ka alokiŋaren ŋituŋa ŋulu abu ayoŋ etoodikin anayaun Ŋisirael anakwap a Ijipit.

Esek. 8:16

Abu nai Akuj okoyau ayoŋ nalapatu ŋina alotooma Akai ka Akuj, ayakasi diyete epuke ŋolo ka Akai ka Akuj, kidiŋ ebarasan ka namuroet ŋikilyok ŋulu aapiyarit ekimar kec ŋatomoniarei ka ŋikan. Amulenito ikes Akai ka Akuj, eŋoliyarito lowae ŋolo alo Kide, ejuuruyete ikes iŋoliyarito Kide, ilipete neni ka akoloŋ.

Osea 14:2

Okoe Ŋisirael, toboŋutu neni ke Ekapolon, a ŋakiro kus aŋuna ka akiki tolimokisi Ekapolon ebe, “Tolema ekaile ŋolo ka asecit daadaŋ, tocamu ŋinibore ejok daadaŋ, ido ikiinakini isua iyoŋ ŋainakineta ŋuna ikiikinio iyoŋ.

Yoel 1:13

Tonapa ŋiguniyae, iyes ŋisacaradotin, ido kgiworo; kiwololoto, iyes ŋulu itiyaete Namuroet. Potu, tonapa ŋiguniyae akuwar kya, iyes ŋulu irae ŋiketiyak ŋulu ka Akuj; anerae alemar alo Kai ka Akuj kus ŋainakineta ŋuna a ŋikinyom ka ŋimaten.

Yoel 1:9

Alemar ŋainakineta ŋuna a ŋikinyom ka ŋuna a ŋimaten alo Kai ke Ekapolon. Igworosi ŋisacaradotin, ŋulu erae ŋiketiyak ŋulu ke Ekapolon.

Amos 7:2

Ŋina adaunia emaase ŋol akirikar ŋakwii a ŋikito ka ŋinya anakwap a ŋin, abu ayoŋ ekalou otema, “Okoe Ekapolon, ekelipit, kisyoni ŋituŋa kon. Alipite eyaryata ŋiletok a Yakob? Epalag ikes.”

Amos 7:5

Abu nai ayoŋ ekalou otema, “Okoe Ekapolon, ekelipit, tojoŋo kareca! Alipite eyaryata ŋiletok a Yakob?”

Mika 7:10

Iŋolikinete nai ŋimoe kaŋ ŋun, ido irumete ŋileec ŋituŋa ŋulu apotu temasi neni kaŋ ebe, “Ai mono eyai Ekapolon Akuj kon?” Eŋolikini ayoŋ ikes ereunio, ido kipudaarae ikwa ecoto ŋolo eyai lorotin ŋulu ke etaun.

Mal. 1:9

Iyes ŋisacaradotin, kikatakisi mono iyes akimaima Ekapolon tojokyar a ŋuna yok. Nyeboŋokini iŋes akilip kus, ido erae ŋun nakyes kus.”

Ekim. 25:6

Apaki ŋinapei ŋin, yau Esiraelit epei aberu ŋina Midianait lotuŋa keŋ, iteete Moses ka Ŋisirael ŋuluce daadaŋ, apaki ŋin egworosi Ŋisirael alopuke ke eema a ŋolokilipet.

Mat. 23:35

Aŋakiro a ŋun, ikitubokinio iyes aŋuna iaryata ŋituŋa ŋulu iyookino ameun anaokot ka Abel, a ŋolo pa asecit, tari naokot a Sakariya alokoku a Barakia a ŋolo aarakinio kidiŋ Akai ka Akuj ka Namuroet.

Mat. 27:43

Ikinyomit iŋes Akuj, toesikisi toiu Akuj iŋes tokona erae kemina iŋes, anerae ebala, ‘Arae ayoŋ Lokoku ka Akuj.’ ”

Ŋikis. 28:37

Iruworosi iyes ŋulu ikijamuwaritae, ŋulu isiilyaka ka ŋulu ikirworore alotuŋa a daadaŋ a ŋakwapin a ŋuna ikiyai iyes Ekapolon.

Ŋikis. 32:27

nai abu ayoŋ nyacamak kiturokinos ŋimoe, anerae acepaki etemarete ikes, ‘Eloun isua ikes, meere Ekapolon etiyae ŋun.’

Yos. 7:9

Ŋina tokona edolyoto ŋakiro nu neni a Ŋikanaani ka ŋituŋa ŋulu ka akwap kec daadaŋ, ikirimokinete ikes isua kidiŋ kitiyata ŋuna nyiirarere nabo jik ekiro kosi anakwap. Nyaanu tokona ŋakiro ŋuna itiyae iyoŋ torubakinia ekiro kon itopolooritae?”