Yoel 2:15 - Ebaibul

¹⁵ Tokutakisi arupepe alo Sion, tolimosi akiredakin akiron kus erae ŋina asegan, tonyarautu atukot ŋina italeuno.

Yoel 2:15 Iomraidhean Croise

1 Ŋirw. 21:12

Apotu ikes kiserata ŋuna ka akiredakin akiron ka apotu kisiboikis Nabos kiŋaren ŋituŋa.

1 Ŋirw. 21:9

Egirit iŋes ŋakiro nu nabaruwae ŋun, “Kiserautu akoloŋit ŋina emaikina kiredakinae akiron, ido tocunakis ŋituŋa, kisiboikis Nabos alokiŋaren ŋituŋa.

2 Ŋirw. 10:20

Abu Yeu tolimu tema, “Tonyarautu ŋituŋa tocunun akoloŋit apei ŋina ilipere itopolooritae Baal.” Aponi tolimoroe akoloŋit ŋin.

Isa. 1:13

Mam ajokis eyai nayaunun ŋainakineta, nyeketalakarit ayoŋ ekinyate kus. Nyacamit ayoŋ ŋasuban kus ŋuna a elap a ŋolokitete, ŋuna a Sabato ka ŋasuban kus ŋace ŋuna inyaraununotor iyes iwapei, erae ŋun daadaŋ ŋuna aronok. Nyacamit ayoŋ akidaŋidaŋ ŋasuban ŋuna ka asecit ŋuna ilipyata iyes.

Yer. 36:9

Alokaru a ŋolo a ŋikan elap ŋolo a ŋikanikaomwon ipukat erwosit Yeoiakim lokoku a Yosia ŋolo a Yudaya, apotu ŋituŋa ŋulu eboiyete alo Yerusalem ka ŋituŋa daadaŋ ŋulu aponito Yerusalem alotaunio a Yudaya kiseraut akiredakin akiron alokiŋaren Ekapolon.

Yoel 1:14

Tolimutu akoloŋit ŋina asegan, ŋina iredakiniata akiron; Tonyarautu atukot ŋina italeuno. Tonyarautu ŋikasikou ka ŋituŋa daadaŋ ŋulu iboiyete anakwap kus ipotu Kai ke Ekapolon Akuj kus, kikaloikisi Ekapolon.

Yoel 2:1

Tokutakisi arupepe alo Sion; toramakisi eli alomukura kaŋ a ŋolo asegan a ŋolo ke Ekapolon. Kimyekisi ŋituŋa daadaŋ ŋulu iboiyete anakwap a Yudaya tomarana, anerae ebunit akoloŋit ŋina ke Ekapolon, aapuu nooi,

Ekim. 10:3

Ani ekutakinio ŋarupepe ŋunaarei daadaŋ kaapei, ecunun atukot a Ŋisirael daadaŋ kiŋaren kon lopuke ŋolo ke eema a ŋolokilipet.