Yoel 2:14 - Ebaibul

¹⁴ Ŋae eyeni? Acepaki epedori Ekapolon Akuj kus akilocokin ŋatameta keŋ, ikiterereŋ iyes nooi ikiinak ŋikinyom ka ŋimaten; topedosi nai iyes ainakin iŋes ŋikinyom ka ŋimaten.

Yoel 2:14 Iomraidhean Croise

2 Sam. 12:22

Toboŋok iŋes tema, “Ani ŋoon eriŋa ikoku eyari, abu ayoŋ eredak akiron ka egwor; anerae abala ayoŋ, ‘Ŋae eyeni? Acepaki ekesyoni ayoŋ Ekapolon, kiteyar ikoku.’

2 Sam. 16:12

Acepaki epedori Ekapolon akiŋolikin ŋican ŋulu aryamunit ayoŋ, ido kinyaŋa Ekapolon ŋakiro kaŋ a ŋakiro aŋuna ajokak, nyisiyook ŋicen lu ŋulu ekecenere ayoŋ nakoloŋit na.”

2 Ŋirw. 19:4

Acepaki iiraarit Ekapolon ŋolo erae Akuj kon ŋakiro ŋuna erwor ekapolokiniton ejie a ŋasigarya ka Asiriya, ŋolo iyakuunitae aneni ke erwosit a ŋolo ka Asiriya akiyany Akuj ŋina eyari. Elipi ayoŋ kiira Ekapolon Akuj kon ŋiyany ŋul, ido kisican ŋulu apotu tolimut ŋiyany ŋul. Aŋun, kilip neni ka Akuj kon aŋuna a ŋituŋa yok a ŋulu idoŋito ne.”

Awos. 32:30

Akoloŋit ŋina atupakini ŋin, abu Moses tema neni a ŋituŋa, “Iseca iyes nooi. Nai aboŋori ayoŋ tokona kidiama emoru neni ke Ekapolon, acepaki epedori iŋes akisyon asecit kus kadyek ayoŋ iŋes.”

Isa. 65:8

Alimu Ekapolon ŋakiro nu, “Ikwaŋina eryamunere ŋaraito a epiini eya lonene, ido temasi ŋituŋa, ‘Nyimunaasi, eriŋa ikes ejokak;’ Ikwaŋinapei aŋuna a ŋiketiyak kaŋ etiyae ayoŋ ŋun, nyamunyari ayoŋ ikes daadaŋ.

Yer. 18:8

ani kimyekis ŋituŋa a akwap a ŋin akitiya aronis, ekaku kalimok ayoŋ ikes akimyekin, emyekini ayoŋ akisican ikes nyedolokis ikes ŋican ŋulu sek atubunit ayoŋ atemar toryamut ikes.

Yer. 26:13

Aŋun tokona, kilocokisi ŋipitesyo kus ka ŋiticisyo kus, ido kiwuapa ŋakiro ŋuna irworo Ekapolon Akuj kus, tosodi ebuni Ekapolon akilocokin ŋatameta keŋ, nyeyau neni kus akisicanet ŋina adau iŋes alimun aŋuna kus.

Yer. 26:3

Acepaki iirarete ikes daadaŋ ŋakiro ŋuna ilimuni iyoŋ, ido toesikis akiwuapit ŋuna aronok, ikotere elocok ayoŋ ŋatameta kaŋ, nyayau neni kec akisicanet ŋina acamit ayoŋ akisicania ikes aŋuna a ŋiticisyo kec a ŋulu aronok.

Yoel 1:13

Tonapa ŋiguniyae, iyes ŋisacaradotin, ido kgiworo; kiwololoto, iyes ŋulu itiyaete Namuroet. Potu, tonapa ŋiguniyae akuwar kya, iyes ŋulu irae ŋiketiyak ŋulu ka Akuj; anerae alemar alo Kai ka Akuj kus ŋainakineta ŋuna a ŋikinyom ka ŋimaten.

Yoel 1:16

Nyirikara mono akimuj yok ikite iwon a? Nyelemara mono alelyan ka alakara alo Kai ka Akuj yok a?

Yoel 1:9

Alemar ŋainakineta ŋuna a ŋikinyom ka ŋuna a ŋimaten alo Kai ke Ekapolon. Igworosi ŋisacaradotin, ŋulu erae ŋiketiyak ŋulu ke Ekapolon.

Amos 5:15

Toŋero aronis, tominakisi ajokis, torubakisi itubonokinete anakiyookino ŋituŋa aloikiikoi kus. Acepaki isyoni Ekapolon ŋolo Etiron ŋituŋa ŋulu ka akwap a na ŋulu idoŋito eyarete.

Yona 1:6

Bu ekapolon ameeli neni a Yona kiŋit iŋes tema, “Nyo ijotoo iyoŋ kona? Tonyou, tonyara akuj kon! Ŋarukwa ikiŋarakini iŋes iwon, nyikitwaka.”

Yona 3:9

Ŋae eyeni! Acepaki isili Akuj, ikisyon iwon kimyek anyunyura keŋ, ikotere iwon nyikitwaka.”

Sepan. 2:3

Kiwara Ekapolon, iyes daadaŋ ŋulu itiditeuna anakwap, iyes ŋulu iwuapito ŋakiciketa keŋ; kiwara akiyookino, kitiditeunos alokiŋaren Ekapolon Akuj; acepaki iunosi iyes akoloŋit ŋina ka anyunyura ke Ekapolon,

Agai 2:19

Tari kemam tokona ŋikinyom anatukito kus, tari pa keraito ŋikito lu: Ŋulu ke epiini, ŋiboboryo, ŋikito ŋulu ikwaan ka ekacikicikit ŋulu enyaritae Pomegrate ka ŋulu enyaritae Olipa, Ameun akoloŋit na tari momit, eketerereŋi ayoŋ iyes.”

2 Tim. 2:25

Itemokino iŋes erae ŋolo epatana apaki ŋina itatamya ŋulu itepegete iŋes, anerae acepaki einakini Akuj ikes apaki ŋina kiet ŋasecisya kec, ido toyenut ŋuna a kire.

Yos. 14:12

Aŋun, inakinae ayoŋ akwap ŋina a ŋikamukumukui na, ŋina abu Ekapolon ekeik ayoŋ akoloŋit ŋina ikiboŋunio ayoŋ ka ŋirukitos kaŋ, itolimokin iyes ŋakiro a akwap a Kanaan. Iyoŋ daŋ elope ibu kiira apaki ŋin atemar edukito ŋimoe ŋulu anyaritae Ŋianakim ŋitaunio ŋulu ewuatae a ŋarwatatain a ŋuna egogoŋ. Nai ani kekeŋarak Ekapolon ayoŋ, apedori akibwaŋ ikes erita ikwaŋinapei alimunitor Ekapolon.”

1 Sam. 6:5

Aŋun, itemokino iyes kitiyaut ŋitorubei ŋikan ŋulu ikwaan ka ŋabusyo ka kitiyaut ŋitorubei a ŋidooi a ŋulu apotu kinyasut akwap, kitopoloosi Akuj a Ŋisirael. Acepaki ejoŋoe iŋes atiŋit iyes erono nooi kaapei ka ŋakujo kus ta akwap kus.