Yoel 2:12 - Ebaibul

¹² Ebala Ekapolon ebe, “Tari tokona kikote neni daŋ, toboŋutu neni kaŋ a ŋikusitai a daadaŋ, kiredanakisi akiron, kigworos ka kiyaloloŋete.

Yoel 2:12 Iomraidhean Croise

2 Sam. 24:10

Ani kimar Daudi ŋituŋa kirikakin, abu Ekapolon kisican iŋes, tonomosi ŋakiro etau, anerae abu iŋes kimar ŋituŋa. Tema Daudi neni a Ekapolon, “Adau ayoŋ Ekapolon akisec nooi anakiro a ŋuna adau akitiya. Nai tokona, okoe Ekapolon, ekelipi ayoŋ iyoŋ, tolema akiilit ŋina ka asecit na aneni a eketiyan kon; anerae etiya ayoŋ nu anabaŋao a ŋina apolon nooi.”

2 Ŋakiro a ŋirwa 30:6

Analimunet ke erwosit ka ŋikapolok, apotu ŋituŋa ŋulu eyakitae toloto Isirael daadaŋ ka Yudaya daadaŋ, yaasi ŋabaruwae ŋuna egiritae ŋakiro nu, “Okoe Ŋisirael, toboŋutu neni ke Ekapolon Akuj ka Aburaam, a Isaka ka Isirael, ikotere Akuj ebuni neni kus a ŋulu idoŋito, a ŋulu ipotu toiunos anapedor a ŋirwosi a ŋulu ka Asiriya.

2 Ŋakiro a ŋirwa 6:27

ekelipit kiira anakuj, ido kisyoni asecit a ŋiketiyak kon, a ŋituŋa kon a Ŋisirael. Kitatam ikes ŋipitesyo ŋulu ajokak ŋulu emaikina ikes kiwuapa; kiyakik akiru nakwap kec ŋina idau iyoŋ ainakin neni a ŋituŋa kon ikwapei akwap ŋina eruwor ŋina kec.

Esta 4:16

“Emaikina Moridekai tolot, tocunak Ŋiyudayan daadaŋ ŋulu eya Susa; kiredakis akiron aŋuna kaŋ. Nyemaikina ikes kimuja kori tomata ŋirwa ŋiuni, nakwaare kori naparan. Ayoŋ ka ŋaketiyak kaŋ ikiredakini akiron ikwapei iyes. Ekaku ka akiron, alosi ayoŋ neni a erwosit; tari daŋ pa kecamakinito ŋikisila, ani keruwor daŋ atwanare, otwan.”

Awos. 33:5

anerae aris Ekapolon ketema neni a Moses, “Tolimok Ŋisirael ebe, ‘Irae iyes ŋituŋa ŋulu egogoŋ ŋakyes; ani kerae orukorete ayoŋ ka iyes kidiama ama tari apaki ŋina euruwuana, kapedo ayoŋ amunyar iyes. Tolacasi tokona ŋinapito ŋulu isiritotor iyes, ido oanyu nai ayoŋ ŋuna etiyakini neni kus.’ ”

Isa. 22:12

Apaki ŋin abu Ekapolon Akuj ŋolo a ŋajoresyo ikinyarau iyes akigworo ka akiolol, akibany ŋitim kus ka akinap ŋiguniyae,

Isa. 58:4

Kiirasi, iredanakinete iyes akiron aŋuna ka akiburaa ka ajio, ta aara make iyakatar aronis. Aronenen ŋina itiyaete iyes, nyepedori ainakin ayoŋ aboŋokin akigworo kus.

Yer. 3:22

Toboŋutu iyes ŋituŋa ŋulu emam akikinyoma, eketojokuni ayoŋ iyes anakiro aŋuna iponiata ikiŋeryoto ayoŋ. “Irworosi iyes ibasi, ‘Isua lu ikiboŋu neni kon, anerae irae iyoŋ Ekapolon Akuj kosi.

Yer. 36:7

Acepaki edoli adyekitoi kec neni ke Ekapolon ka imyekinete ikes akiwuapit ŋuna aronok, anerae epol nooi aŋoit ke Ekapolon ka anyunyura keŋ ŋina alimu iŋes eremokino ŋul.”

Yer. 4:1

Irworo Ekapolon ebala, “Okoe ŋituŋa a Isirael, ani kiboŋut iyes neni kaŋ, ani kilemasi iyes asiilyo kus alokiŋaren kaŋ ka pa kikimyekis iyes nabo ayoŋ,

Yer. 4:2

ido kikoŋo itemasi, ‘Ikwapei eyarya Ekapolon,’ anakiro a ŋuna a kire, anakiyookino ka anajokis, iterereŋi Ekapolon ŋituŋa a ŋakwapin ka iturokinosi ikes aŋuna a Ekapolon.”

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Dan. 9:3

Abu nai ayoŋ ewar Ekapolon Akuj ewarit aboŋokinet, abu etiya ŋun, anakilip, anadyekitoi, anakiredakin akiron, ananapit ŋiguniyae ka akipurupura ekuron.

Osea 12:6

Nai ani eruwor iyes, toboŋosi neni ka Akuj kus, kitiyata jik ŋuna iyookino ka ŋuna ka amina, ka torubakisi idarito Akuj kus.

Osea 12:7

Ikwaan ŋituŋa a Isirael ka ikecurutan ŋini isitiyaete ŋakipimeta ŋuna nyiyookino, emina iŋes akiimakinit ŋuluce.

Osea 14:1

Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Osea 6:1

Apotu ŋituŋa temasi, “Potu, oboŋosi neni ke Ekapolon, anerae iŋes ŋolo abu ikiwan iwon, iŋes pei epedori akitaŋaleun iwon. Ikida iŋes iwon, ido iŋes pei epedori akimad ŋajemei yok.

Yoel 1:13

Tonapa ŋiguniyae, iyes ŋisacaradotin, ido kgiworo; kiwololoto, iyes ŋulu itiyaete Namuroet. Potu, tonapa ŋiguniyae akuwar kya, iyes ŋulu irae ŋiketiyak ŋulu ka Akuj; anerae alemar alo Kai ka Akuj kus ŋainakineta ŋuna a ŋikinyom ka ŋimaten.

Sakar 7:3

ka akiŋit ŋisacaradotin ka ŋikadwarak akiŋiset na, “Erubakinio mono isua ikigworo aŋuna ka Akai a ŋina emunaara a ŋina ka Akuj a? Ikirubakini mono isua ikiredanakini akiron elap ŋolo a ŋikan lopite ŋolo sek ikiredanakinia akiron ŋikaru ŋulu alalak ŋulu alunyar a?”

Sakar 7:5

“Kiŋit ŋituŋa ŋulu ka akwap kon ka ŋisacaradotin ebe, ‘Ani mono apaki ŋina iponiata iyes kiredakis akiron ka kigworo elap ŋolo a ŋikan ka ŋolo a ŋikanikaarei ŋikaru ŋatomonikanikaarei ŋulu alunyarosi, arae mono kire aŋuna kaŋ iredakinitotor iyes akiron a?

Mal. 1:9

Iyes ŋisacaradotin, kikatakisi mono iyes akimaima Ekapolon tojokyar a ŋuna yok. Nyeboŋokini iŋes akilip kus, ido erae ŋun nakyes kus.”

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋikat. 2:4

Ani irikakini emalaika ŋolo ke Ekapolon akirwor ŋakiro ŋun neni a Ŋisirael a daadaŋ, apotu ŋituŋa kiworout ecelasi nooi ka kigworo.

Ŋikat. 20:26

Toloto nabo Ŋisirael daadaŋ Besel kigworo neni ke Ekapolon iboiyete a nen, kiredakis akiron akoloŋit ŋin akitodol eboŋ. Inanakis nai alo kiŋaren Ekapolon ŋainakineta ŋuna epeyo ka ŋamuronisya ŋuna ke ekisil.

1 Sam. 7:3

Abu nai Samuel tolimok Ŋisirael tema, “Ani kiboŋunito iyes neni ke Ekapolon a ŋitai kus a daadaŋ, tolemasi nai alokidiŋ kus ŋakujo ŋunagelae, ikwapei Asitaros. Totama alotai kus ŋuna ke Ekapolon, kitiyanakisi iŋes bon, ido ikiuni iŋes iyes anakan a Ŋipilistin.”

1 Sam. 7:6

Aŋun, apotu ikes tocunakinos Misipa, tookut ŋakipi tobukosi alokiŋaren Ekapolon. Kiredakis ikes akiron akoloŋit ŋin temasi, “Ikidau isua akisec alokiŋaren Ekapolon.” Ido abu Samuel toruwor ekatubon ŋakiro ka ekarikon a Ŋisirael alo Misipa.