Yoel 2:11 - Ebaibul

¹¹ Eceluni Ekapolon alokiŋaren ŋasigarya keŋ; elalak ŋasigarya keŋ ŋuna iwuapito ŋakiciketa, nyimarun; kire jik, epol nooi akoloŋit ŋina ke Ekapolon, erae ŋina a ŋinyas jik. Ŋae epedori akidaŋidaŋ akoloŋit ŋin?

Yoel 2:11 Iomraidhean Croise

Ŋikiru. 18:14

Abu iŋes kiyaku akimilya keŋ, kiela ŋimoe, abu kirita ikes a akimilya.

Ŋikiru. 46:6

Ecelasi ŋakwapin, emaranete ŋapukasinei; iretununui Akuj, ido toli akwap.

Ŋikiru. 68:18

Ani ŋinibore idokarya iyoŋ Akuj kidiama, ibu iya ŋulu ekamitae alojiesyo; ibu toryamu ŋainakineta alotuŋa, tari aneni a ŋulu aŋerito atemar kiboi iyoŋ a nen, okoe Ekapolon Akuj.

Isa. 13:4

Kiirasi ecelet ŋolo ebunit alomoru esibit ecelet a ŋituŋa a ŋulu alalak, kiirasi ecelet a ŋituŋa a ŋapukasinei ecelet a ŋakwapin aŋuna ecunasi nakibois apei! Esubanakini Ekapolon ŋolo a ŋajoresyo ŋasigarya aŋuna ke ejie.

Isa. 42:13

Elosi Ekapolon ajiore iŋarenit ikwa ekajion, isimukekini iŋes alelakinit keŋ ejie ikwa ekajion; eceluni iŋes, eceluni iŋes nooi, itoodiun iŋes erae ŋolo etiron eremokino ŋimoe keŋ.

Isa. 7:18

“Akoloŋit ŋin, ekutakini Ekapolon ekapiriicit anyaraunia Ŋijipitian, potu anakisaleta a ŋaŋololin a Ijipit elalak nooi esibito ŋicuc ka enyarauni ŋituŋa ka Asiriya potu elalak nooi esibito ŋicuc a ao.

Yer. 25:30

“Aŋun, idwari iyoŋ neni kec ŋakiro nu daadaŋ, ido tolimok ikes ebe, ‘Egirokini Ekapolon alokidiama ka irworikini anakibois keŋ a ŋina asegan, egirokini iŋes nooi imanit ŋituŋa keŋ, eceluni lopite ŋolo ecelatar ŋituŋa ŋulu ecuyete epiini, eceluni imanit ŋituŋa ŋulu iboiyete anakwap.

Yer. 30:7

Ekaŋ iyes! Ebunit akoloŋit ŋina apolon nooi, mam akoloŋit ace ikwaanatar, erae apaki ŋina ka akiyaloloŋ a ŋiletok a Yakob; nai eiunio ikes alocan a ŋul.”

Yer. 50:34

Egogoŋ Ekalakunan kec, erae ekiro keŋ Ekapolon ŋolo a ŋajoresyo. Kire jik eji iŋes aŋuna kec, ikotere eyauni ekisil nakwap kec, nai eyauni iŋes egurigur ŋoloruba neni a ŋituŋa a Babilon.”

Esek. 22:14

Itamete mono iyes atemar irubakinete iyakatar atitinyu, kori agogoŋu anakan kus ŋina ipedoryata ajio akoloŋit ŋina akatapya ayoŋ iyes a? Ayoŋ Ekapolon alimu ŋun ka etiyakini ayoŋ ŋun.

Yoel 1:15

Okoe etya ŋican ka akoloŋit a ŋin ai! Anerae aapuu akoloŋit ŋina ke Ekapolon; ebuni akoloŋit ŋin ikwaan ka ŋina ikimunaarya ŋolo Etiron.

Yoel 1:6

Arem asuisui a emaase akwap yok, erae asuisui ŋin ŋina adedeŋan ka ŋina nyimarun; eitaaka ŋikyal keŋ ikote ŋulu ke eŋatuny ka ikote ŋitiroŋ keŋ ŋulu ka aŋatuny.

Yoel 2:1

Tokutakisi arupepe alo Sion; toramakisi eli alomukura kaŋ a ŋolo asegan a ŋolo ke Ekapolon. Kimyekisi ŋituŋa daadaŋ ŋulu iboiyete anakwap a Yudaya tomarana, anerae ebunit akoloŋit ŋina ke Ekapolon, aapuu nooi,

Yoel 2:2

akoloŋit ŋina ka akiryonut ka akilurur, akoloŋit ŋina elalaata ŋidouwon ka ŋina elalaa akiryonut cuc. Ikiburusiyari asuisui a emaase ŋin ŋina alalan ka adedeŋan ŋina ebunio; lopite ŋolo eburusiyarya akiryonut ŋimoru; Nyetakanuna sek ekiŋaren emaase ŋolo etya ŋol nakwap ŋin; mam daŋ nyetakanuni nabo jik nanyameta ŋuna eponito.

Yoel 2:25

“Akatacakini ayoŋ iyes ibore ŋini a ŋikaru a ŋulu abu emaase tonyam, ibore ŋini abu emaase ŋolo apori, ŋolo enyasan ka ŋolo atubutubon tonyam, ibore ŋini abu asigar kaŋ ŋina alalan nooi ŋin yonyam, arae ayoŋ eyakuunit iŋes neni kus akibel iyes.

Yoel 2:31

isiryonio akoloŋ cuc, itereŋio elap puu, kikok ŋaokot, eriŋa nyedolo Akoloŋit ŋina apolon nooi ŋina ke Ekapolon.

Yoel 3:14

Kelalata, kelalata, ŋituŋa ŋulu eya nakadipaalat ŋina etubere ŋakiro! Aapuu adolun Akoloŋit ŋina etubio Ekapolon ŋakiro a nakadipaalat a ŋina etubere ŋakiro.

Yoel 3:16

Ipopolakini Ekapolon alomukura a ŋolo a Sion, egirokini etoil keŋ alo Yerusalem, ido emaranikinete nakuj ka akwap. Nai neni ke Ekapolon iŋes emecete ŋituŋa keŋ, neni keŋ eyakaun Ŋisirael pa iryaŋiryaŋasi.”

Amos 1:2

Tema Amos, “Ipopolae Ekapolon alo Sion, egiro etoil keŋ alo Yerusalem; aoko ŋinya aneni edakasi ŋibaren. aoko alomoru Karimel.”

Amos 5:18

“Ekaŋ iyes ŋulu iitanito akoloŋit ŋina ka Akuj! Anijokis iryamunete iyes akoloŋit ŋina ke Ekapolon? Eruwor akoloŋit ŋin ŋina ka akiryonut meere ŋina ka akica.

Amos 5:20

Kire, erae akoloŋit ŋina ke Ekapolon ŋina ka akiryonut, meere ŋina ka akica, erae akoloŋit ŋina ka akiryonut ŋina emam akica.

Obad. 1:15

“Eapi akoloŋit ŋina ke Ekapolon, aŋuna a ŋakwapin a daadaŋ. Epite ŋolo itiya iyoŋ Edom, itiyakinio neni kon daŋ ikwaŋinapei. Ikiboŋokinete iyoŋ ŋiticisyo kon a alope.

Naum 1:6

Ŋae epedori akidaŋidaŋ aŋoit keŋ? Ŋae epedori akidaŋidaŋ anyunyura ŋina ka adedeŋu keŋ? Ededeŋ anyunyura a Ekapolon ikwaan ka akim ŋina amwanan nooi, ebwaŋabwaŋaari iŋes ŋatabab ŋuna aburok.

Mal. 3:2

Nai ŋae epedori akidaŋidaŋ ŋakiro a Akoloŋit a ŋin a ŋina ka abunore keŋ? Ŋae epedori akiyar Akoloŋit ŋin ŋina etakanunia iŋes? Anerae ebuni iŋes ikoni akim ŋina ke ekitet, kori esabuni ŋolo ilotari ibore atipei.

Ekim. 24:23

Tolimu nabo Balaam ŋakiro keŋ ŋace tema, “Okoe ŋae epedori akiyar apaki ŋina itiyakinia Akuj ŋun?

1 Ŋites. 4:16

Anerae, apaki ŋina elimunio Akuj atemar adol apaki, iirarete ŋituŋa etoil ŋolo ke emalaika a ŋolo apolon ka eruye ŋolo ka arupepe a ŋina ka Akuj. Apaki ŋin nai ebunio Ekapolon elope anakuj. Isyaunete mono ŋikatwak ŋulu sek anupito Kristo ayarun;

Akis. 18:8

Aŋun, ikamunete iŋes ŋakisicaneta nu alotooma apeikoloŋit bon--edeke, akiyaloloŋ ka eron. Icunyaryo iŋes ka akim, anerae erae Ekapolon Akuj ŋina etubokini iŋes ŋina etiron.”

Akis. 6:17

Anerae adolu Akoloŋit ŋina ka anyunyura kec, ŋae epedori akidaŋidaŋ?”