Yoel 2:1 - Ebaibul

¹ Tokutakisi arupepe alo Sion; toramakisi eli alomukura kaŋ a ŋolo asegan a ŋolo ke Ekapolon. Kimyekisi ŋituŋa daadaŋ ŋulu iboiyete anakwap a Yudaya tomarana, anerae ebunit akoloŋit ŋina ke Ekapolon, aapuu nooi,

Yoel 2:1 Iomraidhean Croise

1 Ŋakiro a ŋirwa 15:28

Aŋun apotu Ŋisirael daadaŋ yaut Asaduku ŋina ka Acamunet ke Ekapolon, ecelasi, tokusete ŋabureryaŋa a ŋimesekin, ŋarupepe, toramete ŋitworoi ka tobolyas ŋagitae ka ŋaduŋgui.

Ŋikiru. 119:120

Emarani akuwan kaŋ aŋuna akakeritor ayoŋ iyoŋ, eketubulito ayoŋ ŋatubonokineta kon.

Ŋikiru. 87:1

Adau Ekapolon adukokin etaun keŋ lomukura ŋolo asegan;

Awos. 10:14

Bu emaase nakwap a Ijipit daadaŋ, torubak eyai nen lotela ŋulu ka akwap a ŋin daadaŋ elal nooi isijisija. Nyetakanuna sek ekiŋaren emaase ŋolo etya ŋol nakwap ŋin, mam daŋ nyetakanuni nabo jik.

Isa. 13:6

Kiwololoto, anerae aapuu akoloŋit ke Ekapolon, ebuni akoloŋit ŋin erae akoloŋit ŋina emunyarya Ekapolon akwap.

Isa. 13:9

Kiirasi, adolu akoloŋit ŋina ke Ekapolon, akoloŋit ŋina ka adedeŋu, ŋina ka anyunyura ka aŋoit ŋina amunyaran. Erae akoloŋit ŋin ŋina ituruworere akwap ŋina a silon ŋina emunyarere ŋikasecak anakwap.

Isa. 2:12

Eyakar Ekapolon ŋolo etiron akoloŋit aŋuna a ŋulu iturosi ka aŋuna a ŋulu itopolooro; ta aŋuna a ŋinibore a daadaŋ ituritoe,

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Isa. 66:5

Kiirasi ŋakiro ŋuna irworo Ekapolon, iyes ŋulu itopoloorito ŋakiro keŋ, “Adaut ŋituŋa kus pei ŋulu ikiremokino iyes ka ikiŋerito iyes aŋuna a ekiro kaŋ alimun ebe, ‘Emaikina Ekapolon kitoodiu apolou keŋ, ikotere isua ikiŋolikini iyes ilelyanete.’ Nai ikes ŋikulepek isurumyo ŋileec.

Yer. 16:10

“Kidau iyoŋ alimokin ŋituŋa lu ŋakiro ŋun, ido ikiŋita ikes iyoŋ ebe, ‘Kaanukiro alimunio Ekapolon ŋakiro ŋuna aronok nooi ŋun ikimanit isua? Nyo erae asecit kosi? Anisecit etiyae isua ikimania Ekapolon Akuj kosi?’

Yer. 16:7

Mam ituŋanan elemuni akimuj aŋuna ka akisirworiun ŋini igworo; kori mam ŋini einakini idiobore ŋinimatat aŋuna ka akisirworiun ikes aŋuna ka atwanare a papa, kori a toto kec.

Yer. 4:5

Tolimosi alo Yudaya ka kiserautu alo Yerusalem ebe, “Tokutakisi amomwara a emesek anakwap a daadaŋ, kiworoutu ke ecelet a ŋolo apolon ibasi, ‘Ocunakinos iwapei, oloto lotaunio ŋulu eya ŋaduketa ŋunajiet!’

Yer. 5:22

Nyikikerito mono iyes ayoŋ a? Nyimaranete mono iyes alokiŋaren kaŋ a? Abu ayoŋ ewuak asinyon toruwor ekukoru a anam ekukoru ŋolo agogoŋon ŋolo nyepedori anam akitor, tari kenaŋanaŋaete ŋikaguragurae a ŋakipi, nyepedorete akitor nen tolunyar, tari kerwosi nooi, nyepedorete akitor kidiama ŋikukorin ŋul.

Esek. 12:23

Tolimok tokona ikes atemar ŋakiro ŋuna irworo Ekapolon Akuj ikes nu, ‘Etasaluni ayoŋ akitadapet na, ido ejoŋoete ikes alimunun iŋes jik alo Isirael. Nai tolimok ikes atemar aapuut ŋirwa ŋulu isiyookinere ŋakiro ŋuna itoodiunetae daadaŋ.

Esek. 21:12

Okoe lokoku a ituŋanan, kigwor ka kiololo, anerae erae ekileŋ ŋol ŋolo imanitere ŋituŋa kaŋ; erae ŋolo imanitere ŋikarikok a Isirael daadaŋ. Emunyaryo a ekileŋ ŋikarikok ŋul kaapei ka ŋituŋa kaŋ ŋuluce daadaŋ. Aŋun, toram atorobu kon ipapanunit.

Esek. 30:3

Tolimu ŋun, anerae aapuu akoloŋit ŋin, aapuu akoloŋit ŋina itiyakinia Ekapolon ŋuna ecamit, elalata ŋidouwon akoloŋit ŋin, eruwor apaki ŋin ŋina emunyarere ŋakwapin.

Esek. 33:3

ani kiŋolik ekile ŋol ŋimoe eponito akirem akwap kus, ido toramak ekile ŋol eli aŋuna ka atemar ŋituŋa totena,

Esek. 33:6

Nai ani kiŋolik eketen ŋituŋa ŋol ŋimoe eponito, ido nyeramak eli, totena ŋituŋa akitiya ŋuna ecamito, potu nai ŋimoe toara idio alotuŋa a ŋulu ainakinitae iŋes akitere, earyo ituŋanan ŋin aŋuna a asecit keŋ, nai eruwor atwanare keŋ nakou a ŋolo ainakinitae akitere ikes.

Esek. 7:10

Kiirasi aapuu akoloŋit! Abu! Eelun amunyaro kus, alalaar aryenyeo, alalaar akituro,

Esek. 7:12

Adolu esaa, aapuu akoloŋit; nyemaikina ŋini egyeli ibore tolelyan, kori ŋini egyelanari ibore kiitono ibore ŋin; anerae ebunit anyunyura kaŋ neni a ŋinituŋanan.

Dan. 6:26

Atub ayoŋ ŋakiro atemar alotooma akwap ŋina epukat ayoŋ daadaŋ, itemokino ŋituŋa tomarana ka kitopoloosi Akuj a Daniel, anerae erae iŋes Akuj ŋina eyari, ŋina iboi ŋikaru ka ŋikaru. Mam ituŋanan inyasuni apukan keŋ, ka nyesaluni apukan keŋ.

Dan. 9:16

Okoe Ekapolon, alopite a ŋolo iwuapitor iyoŋ ŋuna ka akiyookino kon a daadaŋ, ikilipi nyicamak aŋoit kon ka anyunyura kon min lotaun kon Yerusalem ka lomukura kon ŋolo asegan. Aŋuna a ŋasecisya kosi ka aŋuna a ŋaronisya atapapaa kosi, aruwor Yerusalem ka ŋituŋa ibore ŋini emam ajokis alokidunyeta a daadaŋ.

Dan. 9:20

Ani eriŋa ayoŋ erworo, elipi, alimonori ŋasecisya kaŋ ka ŋasecisya a ŋituŋa kaŋ a Ŋisirael ka adyekanar neni ke Ekapolon Akuj kaŋ aŋuna a emukura keŋ a ŋolo asegan a ŋolo ka Akuj kaŋ

Osea 5:8

Tokutakisi amomwara alo Gibea, tokutakisi arupepe alo Rama, toramakisi eli alo Bes-Apen, iyes ŋikilyok ŋulu a Benjamin, toloto lojie.

Osea 8:1

Iyes ŋulu iyokiyete ŋituŋa a Ekapolon, tokutakisi ŋabureryaŋae. Abu emoit lotuŋa ŋulu ke Ekapolon iuwuauna esibit egole, anerae nyiwuapa ikes Acamunet kaŋ ka ikes, ka abila ŋikisila kaŋ.

Yoel 1:15

Okoe etya ŋican ka akoloŋit a ŋin ai! Anerae aapuu akoloŋit ŋina ke Ekapolon; ebuni akoloŋit ŋin ikwaan ka ŋina ikimunaarya ŋolo Etiron.

Yoel 2:11

Eceluni Ekapolon alokiŋaren ŋasigarya keŋ; elalak ŋasigarya keŋ ŋuna iwuapito ŋakiciketa, nyimarun; kire jik, epol nooi akoloŋit ŋina ke Ekapolon, erae ŋina a ŋinyas jik. Ŋae epedori akidaŋidaŋ akoloŋit ŋin?

Yoel 2:15

Tokutakisi arupepe alo Sion, tolimosi akiredakin akiron kus erae ŋina asegan, tonyarautu atukot ŋina italeuno.

Yoel 2:31

isiryonio akoloŋ cuc, itereŋio elap puu, kikok ŋaokot, eriŋa nyedolo Akoloŋit ŋina apolon nooi ŋina ke Ekapolon.

Yoel 3:14

Kelalata, kelalata, ŋituŋa ŋulu eya nakadipaalat ŋina etubere ŋakiro! Aapuu adolun Akoloŋit ŋina etubio Ekapolon ŋakiro a nakadipaalat a ŋina etubere ŋakiro.

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.

Amos 3:6

Ani mono keruu abureryaŋ a emesek alotaun, nyetiŋi mono ekabule ŋituŋa a? Epedorete mono ŋican adolokin etaun pa kecamaki Ekapolon a?

Amos 5:18

“Ekaŋ iyes ŋulu iitanito akoloŋit ŋina ka Akuj! Anijokis iryamunete iyes akoloŋit ŋina ke Ekapolon? Eruwor akoloŋit ŋin ŋina ka akiryonut meere ŋina ka akica.

Amos 8:2

Ekeŋit ayoŋ Ekapolon tema, “Amos, nyo ite iyoŋ?” Oboŋok ayoŋ otema, “Ete ayoŋ ebukit ŋolo eya ŋaraito ŋuna akonok.” Tema nai Ekapolon neni kaŋ, “Adolu apaki ŋina esidyon aŋuna a ŋituŋa kaŋ a Ŋisirael, nyesyoni ayoŋ ikes nabo jik.

Obad. 1:15

“Eapi akoloŋit ŋina ke Ekapolon, aŋuna a ŋakwapin a daadaŋ. Epite ŋolo itiya iyoŋ Edom, itiyakinio neni kon daŋ ikwaŋinapei. Ikiboŋokinete iyoŋ ŋiticisyo kon a alope.

Sepan. 1:14

“Aapuu akoloŋit ŋina apolon ŋina ke Ekapolon, aapuu, ido iburuburuuna atipei. Epipil nooi akigworo akoloŋit ŋin ŋina ke Ekapolon, ikalounete ŋikajiok a nen neni apipilan nooi.

Sepan. 1:16

akoloŋit ŋina ituruunere arupepe ka ŋina eramakinere eli ŋolo itijikinere ŋitaunio ŋulu edukuk nooi ka ŋituŋa ŋulu eya naduketa ŋuna aoyak nooi, ŋuna ejiere.”

Sepan. 1:7

Kililiŋa alokiŋaren Ekapolon Akuj, anerae aapuu akoloŋit ŋina ke Ekapolon; etemok Ekapolon amuronot; adau iŋes akitaleun ŋulu enyarit iŋes.

Sepan. 3:11

“Akoloŋit ŋin, nyikisurumyo iyes ŋileec aŋuna a ŋipegeta a ŋulu iponiata iyes ikiŋierioto ayoŋ; anerae alemari ayoŋ aneni kus ŋituŋa ŋulu elelyanete aŋuna ka akituro kec. Nyiboŋokinete nabo iyes akiŋer ayoŋ alomukura kaŋ a ŋolo asegan.

Sakar 14:1

Kiirasi ebunit akoloŋit ŋina ke Ekapolon, akoloŋit ŋina ekorere iteete iyes ibore ŋini aponi toŋatarae aneni kus,

Sakar 8:3

Aboŋuni ayoŋ Yerusalem lotaun kaŋ ŋolo asegan eboikin nen. Eyenunio iŋes erae etaun ŋolo eyai akikinyoma ka enyarao emukura ŋolo ke Ekapolon a ŋolo Etiron, emukura ŋolo asegan.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Ekim. 10:2

“Kitiyau a esilipa ŋarupepe ŋaarei, emaikina iyoŋ kityeku ikes kisitiya anyaraunununia Ŋisirael iwapei ka akitowotonokinia Ŋisirael anakiboisyo a ŋuna elomeneneete ikes.

Ekim. 10:3

Ani ekutakinio ŋarupepe ŋunaarei daadaŋ kaapei, ecunun atukot a Ŋisirael daadaŋ kiŋaren kon lopuke ŋolo ke eema a ŋolokilipet.

1 Ŋikor. 14:8

Ani pa kekutaki ekakutan aluut ejok, ŋae eteni aŋuna ka alosit lojiye?

Ŋipil. 2:12

Aŋun, ŋikaitotoi kaŋ ŋuluminan, ikwapei jwi jwi iwuapitotor iyes ŋakiro kaŋ paaran apaki ŋina ikirukitor iwon, ejok nabo nooi iyes akiwuap ŋakiro kaŋ tari apaki ŋina alwania ayoŋ aneni kus. Torubakisi itiyaete alokabule ka anakerit Akuj aŋuna ka aiuno kus,

1 Ŋites. 5:2

Anerae iyenete iyes ŋilopeyek ejok nooi atemar ebuni Akoloŋit ŋina ke Ekapolon ikoni neni ebunio ekokolan nakwaare.

Yak. 5:8

Itemokino iyes daŋ totitinyikinito. Torubakisi ienito ŋitai, anerae aapuu Akoloŋit ŋina eboŋunio Ekapolon.

1 Pet. 4:7

Aapuu asalunet ŋina a ŋiboro a daadaŋ. Aŋun, itemokino iyes iyokiuno make ka itenito, topedorito akilip.

Akis. 6:17

Anerae adolu Akoloŋit ŋina ka anyunyura kec, ŋae epedori akidaŋidaŋ?”