Yoel 1:7 - Ebaibul

⁷ Emasak iŋes ŋikito yok ŋulu ke epiini kwap, eturuwo ŋicaryo, ido enyasu ŋiboboryo yok, abuto ŋakaabuk, emasak kwap; akwaŋiata ŋaten a ŋiboboryo kya.

Yoel 1:7 Iomraidhean Croise

Ŋikiru. 105:33

Abu Akuj tobilibiliya ŋikito kec ŋulu ke epiini ka ŋiboboryo, tobilibiliya ŋikito daadaŋ anakwap kec.

Awos. 10:14

Bu emaase nakwap a Ijipit daadaŋ, torubak eyai nen lotela ŋulu ka akwap a ŋin daadaŋ elal nooi isijisija. Nyetakanuna sek ekiŋaren emaase ŋolo etya ŋol nakwap ŋin, mam daŋ nyetakanuni nabo jik.

Awos. 10:15

Abu emaase ŋol toburusiya akwap ŋin daadaŋ, kiryoniar akwap cuc; kirika emaase ibore ŋini alomunit anakwap a Ijipit daadaŋ kaapei ka ŋaraito daadaŋ ŋuna sek kepotu ŋakako kimyekis. Mam ibore abu kidoŋ elib alokito, kori anibore a ŋini alomunit anakwap a Ijipit a daadaŋ.

Isa. 24:7

Aoko ŋaraito a epiini, ainiyasi ŋikito a epiini, asiliyosi ŋitai a daadaŋ a ŋulu sek anaito alelyanu.

Isa. 32:12

Toumokisi, ido torama ŋatorobwo kus aŋuna a ŋimanikorin kus, aŋuna a ŋikito a epiini a ŋulu araak nooi,

Isa. 5:6

Emyekini ayoŋ iŋes toruwor ŋalup ŋunacaryo, nyinyiporyo ŋikito keŋ, kori nyitao iŋes jik, erupunete ŋinya ka ŋamon a ŋikukwa aneni keŋ, alimokini ayoŋ ŋidouwon nyitodoto akiru lomanikor ŋol.

Yer. 8:13

“Apaki ŋina acamitor ayoŋ acunun ikes, apotu ikes kikwaanikin ka ekitoe a epiini ŋolo emam ŋaraito, apotu ikes kikwaanikin ka ebobore ŋolo emam ŋaboboryo, ŋolo einiyarito tari ŋakuii, ido ŋuna abu ayoŋ oinak ikes, adaunosi aneni kec.

Osea 2:12

Amunaari ayoŋ ŋikito keŋ ŋulu ke epiini ka ŋiboboryo ŋulu einakinito iŋes akirworo ebe, “Erae lu etacit kaŋ ŋolo akainakinete ayoŋ ŋikilyok kaŋ ŋulu amina ayoŋ.” Eturuwori ayoŋ ŋikito ŋul amoni ka irikarete ŋityaŋ ŋulu ka ariet ikes.

Yoel 1:12

Ainiyasi ŋikito ke epiini, ageeneun ŋiboboryo. Aoko ŋikito ŋulu ikwaan ka ŋikacikiciki ŋulu enyaritae Pomegrate ka aoko ŋidukan ka ŋaraito ŋuna enyaritae aples, aoko ŋikito ŋulu ke emanikor daadaŋ. Kire jik, apuripuryaar alelyanu a ŋituŋa,

Amos 4:9

“‘Abu ayoŋ eyakuu ekuwuam ŋolo amwanan ka ekurut ŋolo eremi ŋikinyom alomanikorin kus, abu ayoŋ etoon ŋimanikorin kus ŋulu a ŋikinyom ka ŋulu a epiini, abu emaase kirika ŋikito kus ŋulu a ŋiboboryo ka ŋulu ka Olipa, nai ipotu iyes nyikiwa.

Abak. 3:17

Tari daŋ pa keraito ŋiboboryo ka pa keraito ŋikito ŋulu ke epiini, tari daŋ pa keraito ŋikito ŋulu ka olipa ka kemam ibore erait alomanikor, tari daŋ kemunyar ŋamesekin daadaŋ, toororut ŋatamausinei a ŋaatuk,

Mal. 3:11

Euryari ayoŋ ŋiboorei ŋulu enyamete ŋikinyom nyenyam ŋikinyom kus, ido ŋimanikorin kus ŋulu ke epiini ebwaŋete epiini nooi.