Yoel 1:14 - Ebaibul

¹⁴ Tolimutu akoloŋit ŋina asegan, ŋina iredakiniata akiron; Tonyarautu atukot ŋina italeuno. Tonyarautu ŋikasikou ka ŋituŋa daadaŋ ŋulu iboiyete anakwap kus ipotu Kai ke Ekapolon Akuj kus, kikaloikisi Ekapolon.

Yoel 1:14 Iomraidhean Croise

2 Ŋirw. 10:20

Abu Yeu tolimu tema, “Tonyarautu ŋituŋa tocunun akoloŋit apei ŋina ilipere itopolooritae Baal.” Aponi tolimoroe akoloŋit ŋin.

2 Ŋakiro a ŋirwa 20:13

Apaki ŋin, awuasi ŋikilyok ŋulu a Yudaya daadaŋ ka ŋaberu kec ta ŋidwe kec alokiŋaren Ekapolon.

Neem. 8:18

Tosodi a ŋinakoloŋit, ameun anakoloŋit a ŋina esyaunan akitodol akoloŋit ŋina esidyon asyomenene Esira ŋakiro alokitaabo a ŋolo a ŋikisila ka Akuj. Kinumunuma ikes ŋasuban ŋun ŋirwa ŋikanikaarei, ani edoli akoloŋit ŋina a ŋakanikauni tocunakinos ŋituŋa aŋuna ka akilip lopite ŋolo ecikitere.

Esta 4:16

“Emaikina Moridekai tolot, tocunak Ŋiyudayan daadaŋ ŋulu eya Susa; kiredakis akiron aŋuna kaŋ. Nyemaikina ikes kimuja kori tomata ŋirwa ŋiuni, nakwaare kori naparan. Ayoŋ ka ŋaketiyak kaŋ ikiredakini akiron ikwapei iyes. Ekaku ka akiron, alosi ayoŋ neni a erwosit; tari daŋ pa kecamakinito ŋikisila, ani keruwor daŋ atwanare, otwan.”

Yer. 14:2

Iyaloloŋete ŋituŋa a Yudaya, enyasun ŋitaunio kec, eperete ŋituŋa a Yudaya alokwap iyaloloŋete ka arem akigworo a ŋituŋa a Yerusalem kidiama.

Yer. 36:9

Alokaru a ŋolo a ŋikan elap ŋolo a ŋikanikaomwon ipukat erwosit Yeoiakim lokoku a Yosia ŋolo a Yudaya, apotu ŋituŋa ŋulu eboiyete alo Yerusalem ka ŋituŋa daadaŋ ŋulu aponito Yerusalem alotaunio a Yudaya kiseraut akiredakin akiron alokiŋaren Ekapolon.

Yoel 1:2

Ŋikasikou, kiirasi ŋakiro nu, kiirasi iyes ŋituŋa daadaŋ ŋulu iboiyete anakwap a na. Atakanunito mono ŋakiro nu neni kus ŋinapei a? Kori alorwa atapapaa kus a?

Ŋilep. 23:36

Alotooma ŋirwa ŋul ŋikanikaarei, yaasi ŋainakineta kus ŋuna icunyio neni ke Ekapolon. Ani edoli ŋirwa ŋikanikauni, tocunakinos iwapei kilipa irae ŋulu asegak, ido yaasi akoloŋit ŋin ŋainakineta ŋuna icunyio neni ke Ekapolon. Erae acunakin ŋin ŋina esidyon; nyitiyata etic edio.

Yona 3:5

Tonupa ŋituŋa a Ninepe Akuj, ido totubut atemar emaikina kiredakis daadaŋ akiron ka tonapa ŋiguniyae, anyoun aneni a ŋulu itopolooritae ka ŋulu nyitopolooritae.

Yona 3:8

Itemokino ŋituŋa tonapa ŋiguniyae ka toenikis ŋityaŋ daŋ, ido kimukekis akilip Akuj. Itemokino ŋinituŋanan toki aronis keŋ ka aryenyeo keŋ.

Sepan. 2:1

“Tocununos kaapei, tocununos iyes ŋakwapin ŋuna nyileeceko,