Yoel 1:12 - Ebaibul

¹² Ainiyasi ŋikito ke epiini, ageeneun ŋiboboryo. Aoko ŋikito ŋulu ikwaan ka ŋikacikiciki ŋulu enyaritae Pomegrate ka aoko ŋidukan ka ŋaraito ŋuna enyaritae aples, aoko ŋikito ŋulu ke emanikor daadaŋ. Kire jik, apuripuryaar alelyanu a ŋituŋa,

Yoel 1:12 Iomraidhean Croise

Ŋikiru. 4:7

Iwuak iyoŋ Ekapolon alelyanu lotau kaŋ akilo alelyanu a ŋimoe kaŋ, tari apaki ŋina alemitotor ikes ŋikinyom ŋulu alalak nooi ka apaki ŋina ayakatar epiini ŋolo alalan nooi.

Ŋikiru. 92:12

Epitunete ŋulu iyookino lopite ŋolo episyata ŋikito a ŋiŋolya epoloete emam ŋace lopite ŋolo epolooto ŋikito a Cedar ŋulu eya Lebanon.

Eete a Ŋie. 2:3

Ikwaŋina ibusya ekitoe ŋolo enyaritae Apol alokidiŋ ŋikito ŋulu ka amoni, ibus ŋolominat kaŋ alokidiŋ ŋisorok, akabobokinito ayoŋ ŋaraito keŋ.

Eete a Ŋie. 4:13

Erae emanikor kon ŋolo erupyata ŋikito ejok, erupete ŋikito alomanikor a ŋol ikwaan ka ŋikito ŋulu enyaritae Pomegranate ka eraete ŋaraito ŋuna ajokak nooi. Eyakasi nen ŋikito ŋulu enyaritae Ena ka akimyet Narid,

Isa. 16:10

Alemar alakara ka alelyanu aneni a ŋimanikorin a ŋulu araak, ido adaun ituŋanan eriŋa eeo alomanikorin a ŋikito a epiini mam ituŋanan eriŋa ecela a nen, mam ituŋanan eriŋa ecui epiini anacuet, anerae alema ayoŋ ŋulu sek ecelasi a nen.

Isa. 24:11

Ecelasi ŋituŋa a ŋulu a etaun alorotin aŋuna emamukar epiini, apuripuryaar alelyanu daadaŋ, adaun alakara anakwap.

Isa. 24:7

Aoko ŋaraito a epiini, ainiyasi ŋikito a epiini, asiliyosi ŋitai a daadaŋ a ŋulu sek anaito alelyanu.

Isa. 9:3

Itipitu iyoŋ ŋituŋa a akwap, iyatak iyoŋ alelyanu kec. Elelyanete ikes alokiŋaren kon lopite ŋolo elelyanere apaki ŋina elemere, lopite ŋolo elelyaniata ŋituŋa ekorete ŋiboro ŋulu eŋatunete,

Yer. 48:3

“Okoe, kiirasi akigworo alo Oronaim, ebasi ŋituŋa igworosi, ‘Aryamun bare ca ekasile ka akinyasuno ŋina apolon!’

Yer. 48:33

Alemar alakara ka alelyanu anakwap a Moab a ŋina sek ileleba ŋaraito. Etojoŋo ayoŋ epiini alel anacuet a epiini; mam ŋituŋa ecuyete epiini eosi ka alakara, nyeriŋa ecelet erae ŋolo ka alakara.

Yoel 1:10

Enyasun ŋimanikorin, aoko ŋalup deu; Enyasun ŋikinyom, aoko ŋaraito a epiini deu, adaun akimyet.

Yoel 1:16

Nyirikara mono akimuj yok ikite iwon a? Nyelemara mono alelyan ka alakara alo Kai ka Akuj yok a?

Yona 4:7

Nai ani taparacu ipiripiriuni akoloŋ, kitemok Akuj ekurut ŋolo abu toar elogilog toono deu.

Agai 2:19

Tari kemam tokona ŋikinyom anatukito kus, tari pa keraito ŋikito lu: Ŋulu ke epiini, ŋiboboryo, ŋikito ŋulu ikwaan ka ekacikicikit ŋulu enyaritae Pomegrate ka ŋulu enyaritae Olipa, Ameun akoloŋit na tari momit, eketerereŋi ayoŋ iyes.”

Mal. 3:11

Euryari ayoŋ ŋiboorei ŋulu enyamete ŋikinyom nyenyam ŋikinyom kus, ido ŋimanikorin kus ŋulu ke epiini ebwaŋete epiini nooi.

Ekim. 13:23

Todolo ŋikilyok, ŋul tari nayonae Esikol, totubut a nen ateni apei ŋina ke ekitoe ke epiini eyai etunene ŋolo a ŋaraito ke epiini, kinenekis nakitoe, ido toryoŋa ŋikilyok ŋiarei, apotu daŋ ŋikilyok ŋul tolemut ŋaraito ŋuna enyaritae Pomegranate ta ŋaboboryo.