Yoel 1:10 - Ebaibul

¹⁰ Enyasun ŋimanikorin, aoko ŋalup deu; Enyasun ŋikinyom, aoko ŋaraito a epiini deu, adaun akimyet.

Yoel 1:10 Iomraidhean Croise

Akisy. 4:12

Ani ŋina itaa iyoŋ ŋalup, nyitokokete ejok ŋikinyom ŋulu itae iyoŋ. Idokini iyoŋ nariyet, toruwor ekerimiton anakwap.”

Isa. 15:6

Ejuwasi ŋakipi a Nimirim ka ainiyasi ŋinya alodiyete keŋ adaun ibore ŋini sek elomunit a nen, mam ibore eriŋa elib a nen.

Isa. 24:11

Ecelasi ŋituŋa a ŋulu a etaun alorotin aŋuna emamukar epiini, apuripuryaar alelyanu daadaŋ, adaun alakara anakwap.

Isa. 24:7

Aoko ŋaraito a epiini, ainiyasi ŋikito a epiini, asiliyosi ŋitai a daadaŋ a ŋulu sek anaito alelyanu.

Yer. 12:11

Eturuwosi ikes iŋes ereŋorot; aruwor iŋes ereŋorot ka igworo neni kaŋ. Aruwor akwap daadaŋ ereŋorot, nai mam ituŋanan emitakinit.

Yer. 12:4

Tari ori eonit akwap ka einito ŋinya anakwap? Aŋuna ka aronis a ŋina itiyaete ŋituŋa ŋulu iboiyete anakwap, adaun ŋityaŋ ka ŋikyeny, alimut ŋituŋa ebe, “Nyite Akuj ŋuna ikitiyae iwon.”

Yer. 48:33

Alemar alakara ka alelyanu anakwap a Moab a ŋina sek ileleba ŋaraito. Etojoŋo ayoŋ epiini alel anacuet a epiini; mam ŋituŋa ecuyete epiini eosi ka alakara, nyeriŋa ecelet erae ŋolo ka alakara.

Osea 4:3

Aŋun, idoŋi Isirael emam ibore eyai, emunyar ŋituŋa daadaŋ ŋulu eya nen, kaapei ka ŋityaŋ daadaŋ ka ŋikyeny tari ŋikolya emunyarosi.

Osea 9:2

Nyeryamunete nabo ŋituŋa ŋikinyom analosin ka epiini aneni ecuyere, nyeryamunete epiini ŋolokitete.

Yoel 1:12

Ainiyasi ŋikito ke epiini, ageeneun ŋiboboryo. Aoko ŋikito ŋulu ikwaan ka ŋikacikiciki ŋulu enyaritae Pomegrate ka aoko ŋidukan ka ŋaraito ŋuna enyaritae aples, aoko ŋikito ŋulu ke emanikor daadaŋ. Kire jik, apuripuryaar alelyanu a ŋituŋa,

Yoel 1:5

Tonyoutu iyes ŋikamerak, ido kigworo; kiwololoto iyes daadaŋ ŋikamatak epiini, anerae alemar epiini anakituka kus.

Yoel 2:19

Abu Ekapolon toboŋok ŋituŋa keŋ tema, “Ekeyakikini ayoŋ iyes ŋikinyom, epiini ka akimyet, ido imwokete iyes; nyeketuruwori nabo ayoŋ iyes ŋulu ikijamuwarito ŋakwapin.

Ŋilep. 26:20

Eruwor ŋiticisyo kus ŋicaryo, anerae nyerayete ŋikinyom kus, nyerayete tari ŋikito ŋulu ka ariet.

Abak. 3:17

Tari daŋ pa keraito ŋiboboryo ka pa keraito ŋikito ŋulu ke epiini, tari daŋ pa keraito ŋikito ŋulu ka olipa ka kemam ibore erait alomanikor, tari daŋ kemunyar ŋamesekin daadaŋ, toororut ŋatamausinei a ŋaatuk,

Agai 1:11

Adau ayoŋ anyarare aonite min lomanikorin ka lokamukumukui, ido tonom ŋikinyom, ŋikito a epiini, ŋikito ŋulu a Olipa ka ibore daadaŋ ŋini eraununui analup, tonom ŋituŋa ka ŋityaŋ ta ibore daadaŋ ŋini itiyaete ikes.”

Mal. 2:3

Esicani ayoŋ ŋiletok kus; awuatakini ayoŋ loreetin kus ŋikujit a ŋibaren a ŋulu imurotor iyes, ido itorikor iyes kiŋa eya ŋikujit loreetin.