Yob 9:5 - Ebaibul

⁵ Eukonori Akuj ŋimoru emam ituŋanan elimokinitae atemar eukoryo, apaki ŋina eukorya ikes aŋuna ka anyunyura keŋ;

Yob 9:5 Iomraidhean Croise

Yob 26:6

Ite Akuj akibois a ŋikatwak erae ŋina emam ibore eyai, ite iŋes Abadon.

Yob 28:9

“Ebwaŋabwaŋaete a ŋakan kec ŋikabokak ŋul ŋamoru ŋuna agogoŋok, ielielaanarete ikes ŋimoru ameun alokwap tari kidiama.

Yob 34:25

Aŋuna eyenia iŋes ŋiticisyo kec, elemari iŋes ikes nakwaare kitoŋopiya jik nyetakanut.

Yob 40:11

Kisileereu aŋoit kon, kiŋolik ŋulu eturok daadaŋ, ido inak ikes kitiditeunos make alokiŋaren kon.

Yob 41:11

Ŋae epedori akitijikin Lepiasan, ido toyar? Ŋae alotooma akwap daadaŋ ŋini epedori akitijikin iŋes?

Ŋikiru. 114:6

Kaanukiro aponiata ŋimoru tomaranikiniata? Kaanukiro aponiata ŋimukura tomaranikiniata?

Ŋikiru. 46:2

Aŋun, emam ibore ikitubuli iwon, tari daŋ kemaraniki akwap; kimasar ŋimoru nenicukul ananamyo;

Ŋikiru. 68:8

abu akwap tomaranik, tobukunos ŋakirusyo alokidiama, alokiŋaren Akuj, Akuj ŋina a Sinai, alokiŋaren Akuj, Akuj ŋina a Isirael.

Isa. 40:12

Ŋae epedori akipim ŋakipi a anam a akan keŋ, kori akipim kidiama a akan keŋ? Ŋae epedori akiwuakin ŋalup a akwap daadaŋ nakan keŋ, kori akipim apotis a ŋimoru ka ŋikamukumukui a aratil?

Naum 1:5

Emaranikinete ŋimoru alokiŋaren Ekapolon ka ecelarete ŋikamukumukui; emaranikini akwap alokiŋaren keŋ kaapei ka ŋinibore daadaŋ eyai nen.

Naum 1:6

Ŋae epedori akidaŋidaŋ aŋoit keŋ? Ŋae epedori akidaŋidaŋ anyunyura ŋina ka adedeŋu keŋ? Ededeŋ anyunyura a Ekapolon ikwaan ka akim ŋina amwanan nooi, ebwaŋabwaŋaari iŋes ŋatabab ŋuna aburok.

Abak. 3:10

Apotu ŋimoru tomaranikis ikiŋolikinete iyoŋ; apotu ŋakipi todout alo kidiama, apotu ŋakalele anauwata kisyakis arwore. Abu akoloŋ tojoŋo akica.

Abak. 3:6

Ani ewoi iŋes tomaranik akwap; ani eŋoleŋolekini iŋes tomaranikis ŋituŋa. Ielielaari iŋes ŋimoru ŋulurubae; esiporete ŋikamukumukui ŋuluŋorok, ŋulu koloŋ etorenene iŋes.

Sakar 4:7

Eŋopiyarete aneni a Serubabel ŋatyokisyo ŋuna apolok nooi ŋuna etya ŋimoru. Edukokini iŋes nabo Akai ka Akuj, ido apaki ŋina edukokinia iŋes amoru ŋina esidyon, ecelunete ŋituŋa temasi, ‘Ibus nooi! Ibus nooi!’ ”

Mat. 21:21

Toboŋok Yesu ikes tema, “Akalimokini ayoŋ iyes kire atemar, ani iyakatar iyes anupit ka nyiŋayaŋayato, itiyaete iyes ŋuna etiyak ayoŋ lobobore. Meere ŋuna bon, ilimokinete tari emoru lo atemar ‘Kiyoto a ne, kimasar nanam,’ itiyakinio.

Mat. 27:51

Tocila anaŋga ŋina eneno alo Kai ka Akuj beret ageun alokidiama tari kwap. Tomaranik akwap tobwaŋabwaŋas ŋamoru.

Luk. 21:11

Eyakaun amaran ŋina ka akwap alowaetin a ŋulu egelegelya, nabo eyakaun eron ka ŋidekesyo daadaŋ ŋulu aronok; etakanunete ŋakitoodikineta ŋuna atyonok alokidiama, kitubulo ŋituŋa.

1 Ŋikor. 13:2

Ani kayakar ayoŋ apedor ŋina dwaret ŋakiro ŋuna ka Akuj, oyeni ŋuna imunono ka aosou daadaŋ; ani kayakar anupit ŋina apolon ŋina iitana aŋuna ka akisiyotonor ŋimoru, nai tomam amina aneni kaŋ, arae ayoŋ koŋin.

Akis. 11:13

Anapaki a ŋinapei a ŋin, toyakaun amaran ŋina ka akwap ŋina aronon; abu atutubet apei alotooma ŋunatomon ŋuna ke etaun a ŋolo apolon toritakin, totwaka ŋituŋa ŋalipyo ŋakanikaarei. Tobul ŋituŋa ŋuluce, kipuro apedor ŋina ka Akuj a ŋina anakuj.

Akis. 6:14

Toŋopya adis kikok akaratas ŋina ebilakinio ka aponi kisiyotoroe ŋimoru ka ŋiculata ŋulu ka anam aneni sek eyakasi.