Yob 9:25 - Ebaibul

²⁵ “Ekerete ŋirwa a akiyar kaŋ atipei, akilo tari neni ekerya ekakeran ŋolo apiranan; elunyete atipei, mam ajokis eŋolyaanakini ayoŋ anakiyar kaŋ.

Yob 9:25 Iomraidhean Croise

2 Ŋakiro a ŋirwa 30:6

Analimunet ke erwosit ka ŋikapolok, apotu ŋituŋa ŋulu eyakitae toloto Isirael daadaŋ ka Yudaya daadaŋ, yaasi ŋabaruwae ŋuna egiritae ŋakiro nu, “Okoe Ŋisirael, toboŋutu neni ke Ekapolon Akuj ka Aburaam, a Isaka ka Isirael, ikotere Akuj ebuni neni kus a ŋulu idoŋito, a ŋulu ipotu toiunos anapedor a ŋirwosi a ŋulu ka Asiriya.

Esta 8:14

Aŋun, apotu ŋikakerak todokakis ŋaŋolei ŋuna apiranak ŋuna ka apukan, toema kiŋa atipei, anerae alimokinit erwosit ikes akionyakin. Aponi nai ekisil ŋol tolimokinae lotuŋa alokai ka apukan a ŋina alo Susa.

Yob 14:1

“Erae ŋituŋa daadaŋ ŋikidouno anaberu; euruwuaka ŋirwa a akiyar kec ka elalak ŋican kec.

Ŋikiru. 39:11

“Iŋenyakini ka isicani iyoŋ ŋituŋa aŋuna ka asecit kec; itadaununi iyoŋ ebari kec ikwa itodaunia esipiran akimuj, kire jik erae ituŋanan daadaŋ icaryoit, ekuwuam koŋin.

Ŋikiru. 39:5

Idau iyoŋ akitoodikin ayoŋ auruwuanut ŋina a ŋirwa a ŋulu ka akiyar kaŋ, ido aruwor ŋirwa ŋulu ka akiyar kaŋ ŋicaryo alokiŋaren kon. kire jik, ikoni ituŋanan daadaŋ ekuwuam koŋin.

Ŋikiru. 4:6

Elalak ŋulu ebasi, “Okoe Ekapolon, inakinae isua ŋarereŋisyo ŋuna alalak, Okoe Ekapolon, torimaaniar aneni kosi.”

Ŋikiru. 89:47

Totamunite mono iyoŋ epite ŋolo euruwuania akiyar kaŋ; totamunite mono iyoŋ atemar ibu iyoŋ itosub isua daadaŋ ikirae ŋituŋa ŋulu etwakeneneete!

Yak. 4:14

Nyiyenete iyes tari atemar ikokini akiyar kus moi taparacu ai! Ikote iyes apuru ŋina epokun atipei, ido toŋopiya.