Yob 9:24 - Ebaibul

²⁴ Einakinitae akwap napedor a ŋulu aronok, erapi Akuj ŋatameta a ŋikatubok ŋakiro nyepedosi akitub ŋakiro eriyan. Ani pa kerae Akuj itiyae ŋakiro ŋun, ŋae bo ice?

Yob 9:24 Iomraidhean Croise

2 Sam. 15:30

Nai torotok Daudi a nen, kitipek emoru a ŋikito a ŋulu enyaritae Olipa, igworo elosi pa enapit ŋamuk; kimukite akou. Emukito ŋituŋa daadaŋ ŋulu arukito ka iŋes ŋakyes, kigworosi itipeete emoru.

2 Sam. 19:4

Kimuko erwosit ereet keŋ, kiworou nooi tema, “Okoe lokoku kaŋ Abusalom! Okoe Abusalom, lokoku kaŋ, lokoku kaŋ!”

Esta 6:12

Ekaku, abu Moridekai toboŋo lopuke a erwosit, nai abu Aman kionyak atipei kai keŋ, kigwor a nen imukit akou.

Esta 7:8

Ani eboŋuni erwosit alokiŋa akai ka apukan, neni emujere ŋasuban, toramakin Aman lokitaada ŋolo aperyo Esta. Tema erwosit, “Ecamit mono ekile lo tari akirat arwosit alokai kaŋ oyai ayoŋ a?” Alimuni erwosit ŋakiro ŋun bon, kimukosi ŋikolupae ereet ka Aman.

Yob 10:3

Ejok mono aneni kon akisican ayoŋ a? Ejok mono aneni kon ajamuwar esubuna kon a? Ido kitojok ŋuna eyeete ŋulu aronok a?

Yob 12:17

Elemari aosou aneni a ŋulu iŋarakinito ekepukan akipuka ejok, ituruwonori ŋikatubok ŋakiro ŋibaŋaanotin.

Yob 16:11

Akainaki ayoŋ Akuj neni a ŋituŋa a ŋulu nyiwuapito ŋuna ka Akuj, ekewuak iŋes ayoŋ napedor a ŋituŋa a ŋulu aronok.

Yob 19:7

Tari kegwor ayoŋ eoroe abala, ‘Toiunae!’ Mam ŋini ebuni aiun; tari kanyaraanar ayoŋ acela, mam ŋini itiyae ŋuna iyookino aŋuna kaŋ.

Yob 22:8

Erae mono akwap ŋina a ŋituŋa a ŋulu agogoŋok bon a? erae mono iŋes ŋina a ŋulu emaikina kiboiyoto alotooma keŋ a?

Yob 24:12

Eumenete alotaun ŋulu iridete iworoete ŋulu ewanana ecamito akiŋarakino; nai nyemisit Akuj akiirar akilip kec.

Yob 24:25

Ani pa kikote ŋakiro neni, ŋae elimuni atemar erae ŋakiro ŋuna erworo ayoŋ alyokonu, ka alimun atemar emam apolou eyai nakiro ŋuna erworo ayoŋ?”

Yob 32:2

Abu nai Eliu lokoku a Barakel a ŋolo anateker a Bus a ŋolo alokal a Ram toŋo. Abu iŋes toŋoik Yob, anerae abu kitogogoŋ erwor itojoka iŋes bon akilo tari akitojokit Akuj.

Ŋikiru. 17:14

Okoe Ekapolon, toiunae ayoŋ a akan kon alotuŋa a ŋulu ikote lu; alotuŋa a ŋulu ka akwap a na a ŋulu erae eropit kec ibore ŋini eryamunete ikes anakiyar a na. Kisican ikes a ŋican a ŋulu itemokinit iyoŋ aŋuna kec, elipi toryamut ŋidwe kec ŋican ŋulu alalak nooi, ŋulu eryamunete tari ŋipapae kec.

Ekal. 4:1

Abu nabo ayoŋ oŋoleŋolek, eŋolik epite daadaŋ ŋolo atiŋitere ŋituŋa anakwap a na erono. Abu ayoŋ eŋolik ŋakiyo a ŋulu atiŋitae erono, amamukatar ikes ituŋanan ŋini isirworiuni ikes; ayai apedori neni a ŋulu ainakinito ŋican neni kec, mam ituŋanan arae ikesirworiunan ŋulu atiŋitae erono ŋul.

Yer. 14:4

Alalata ŋakabaae anakwap, anerae mam akiru ayakaun nakwap, akadaki ŋiketak, aruwor ŋulu imukito ŋakyes kec.

Dan. 4:17

Erae ŋin atubokinet a ŋimalaikan a ŋulu eteok akwap, erae ŋun ŋuna elimunito ŋulu asegak, ikotere eyenunete ŋituŋa daadaŋ ŋulu eyarete atemar, Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin einakini iŋes apukan neni a ituŋanan a ŋini itiditeuna bon alotuŋa a daadaŋ.’”

Mal. 2:17

“Ituupa iyes Ekapolon a ŋakiro kus. Nai iŋitasi iyes ibasi, ‘Alipite ikituupya isua Ekapolon?’ Erae aŋuna irworotor iyes ibasi, ‘Ejokak ŋituŋa daadaŋ ŋulu itiyaete aronis alokiŋaren Ekapolon, ido elakara Ekapolon aŋuna kec,’ ka erae aŋuna iŋitatar iyes ibasi, ‘Ai mono eyai Akuj ŋina ka akiyookino?’ ”