Yob 8:8 - Ebaibul

⁸ “Ekemaimai ayoŋ iyoŋ, kiŋitanar mono iyoŋ ŋakiro ŋuna a ŋanyameta a ŋuna alunyar, totamak ŋakiro ŋuna koloŋ apotu atapapaa kec toryamut anakiŋitanar ŋakiro,

Yob 8:8 Iomraidhean Croise

2 Ŋakiro a ŋirwa 10:6

Tolot nai Reoboam aanyun ŋikasikou ŋulu sek etiyato neni a Solomon a papa keŋ apaki ŋina ayarya, kiŋit ikes tema, “Anukiro ikilimokinete iyes ayoŋ, ŋuna apedori ayoŋ aboŋokin ŋituŋa?”

Yob 12:12

Ŋulu mono emojoŋito eyakatar aosou make ka eyakatar ayenut aŋuna eboiyoto ŋirwa ŋulu alalak a?

Yob 13:1

“Kiirasi, eŋolik ayoŋ ŋakiro ŋun daadaŋ, eira ayoŋ ŋakiro ŋun ka ayenu ayoŋ ikes.

Yob 15:10

Ikiriit isua ka ŋulu alomut ŋakorwo anakyes kaapei ka ŋulu emojoŋito, ŋulu emojoŋito akilo tari papa kon.

Yob 15:18

Ŋakiro ŋuna adau ayoŋ akiirar aneni a ŋikaosok a ŋulu aosok ka ŋuna apotu atapapaa kec nyimunono,

Yob 20:4

Nyiyeni iyoŋ ŋakiro nu ŋinapei koloŋ ameun anakoloŋit a ŋina ewuakinia Akuj ituŋanan ŋini esyaunan nakwap,

Ŋikiru. 44:1

Okoe Akuj ikidau isua akiirar a ŋaki kosi, adaut atapapaa kosi alimokin isua ŋuna kibu iyoŋ kitiya alorwa kec, alorwa a ŋulu koloŋ.

Isa. 38:19

Ŋituŋa ŋulu eyarete ikes epedorete alakar neni kon, lopite ŋolo eketalakaritor ayoŋ iyoŋ nakoloŋit na; iteyenanakinete ŋikauruunak ŋidwe kec akikinyoma kon.

Yoel 1:2

Ŋikasikou, kiirasi ŋakiro nu, kiirasi iyes ŋituŋa daadaŋ ŋulu iboiyete anakwap a na. Atakanunito mono ŋakiro nu neni kus ŋinapei a? Kori alorwa atapapaa kus a?

Ŋirom. 15:4

Ŋakiro daadaŋ ŋuna igiritae Nakigireta, aponi kigirae aŋuna ka akitatamya iwon, ikotere ikiryamuni akigeno anatitinyu ka anakimukekin ŋuna ikiinakinete Ŋakigireta iwon.

1 Ŋikor. 10:11

Apotu ŋakiro ŋun daadaŋ kitiyakinos neni kec, erae akitaanyikinet aneni a ŋuluce ka aponi kigirae erae akiciket neni yok a ŋulu ikiboi anapakio a ŋuna eapiya Akoloŋit ŋina esidyon.

Ŋikis. 32:7

Totamutu ŋirwa ŋulukoloŋ, totamatamata ŋuna a ŋikaru a ŋulu alunyarosi, kiŋit ŋinituŋanan papa keŋ kiteyenik iŋes, kiŋita ŋikasikou kus ikilimokinete ikes iyes.

Ŋikis. 4:32

Kiŋitanaros tokona ŋakiro ŋuna a akanuwan eriŋa iyes nyidouno, kiŋitanaros ŋuna akoloŋ sek ŋinapei anakoloŋit a ŋina asubunia Akuj ituŋanan anakwap, kiŋitanaros ameun alokisal a epei a akwap tari ŋoloce, eya mono ŋakiro ŋuna apolok nooi ŋuna ikote nu ŋuna atakanut, kori eya mono ŋakiro ŋuna ikwaan ka nu ŋuna eiraritae a?