Yob 7:21 - Ebaibul

²¹ Kaanukiro nyikisyonio iyoŋ ayoŋ aŋuna abilya ŋikisila, ido tolema asecit kaŋ? Alotooma apaki ŋina euruwuana, alomari ayoŋ nalup, ikiwari iyoŋ ayoŋ, nai nyarubakini arae ituŋanan.”

Yob 7:21 Iomraidhean Croise

2 Sam. 24:10

Ani kimar Daudi ŋituŋa kirikakin, abu Ekapolon kisican iŋes, tonomosi ŋakiro etau, anerae abu iŋes kimar ŋituŋa. Tema Daudi neni a Ekapolon, “Adau ayoŋ Ekapolon akisec nooi anakiro a ŋuna adau akitiya. Nai tokona, okoe Ekapolon, ekelipi ayoŋ iyoŋ, tolema akiilit ŋina ka asecit na aneni a eketiyan kon; anerae etiya ayoŋ nu anabaŋao a ŋina apolon nooi.”

Yob 10:14

Ani aseci ayoŋ, ikite iyoŋ ayoŋ etiyae ŋun, ido nyikilema ayoŋ aŋuna a adyekaret kaŋ.

Yob 10:9

Totamunite atemar ikiyeuni iyoŋ ayoŋ a ecoto, ido icamit mono iyoŋ tokona akituruwor ayoŋ ŋalup nabo a?

Yob 13:19

Ŋae eyakaun nen ŋini itepegi ŋakiro kaŋ? Ani kasecit ayoŋ, atenit ayoŋ akililiŋ ka atwanare.

Yob 14:10

Nai etwaneneete ŋituŋa, ido tobokakinae kwap; emojoŋeneneete ŋituŋa, ido ai eyakasi ŋulu a ekiŋaren?

Yob 17:14

ani katema ayoŋ neni ka akipany ebe, ‘Irae iyoŋ papa kaŋ,’ ido ani katema ayoŋ neni a ekurut ebe, ‘Irae iyoŋ toto kaŋ, kori nakaato kaŋ,’

Yob 20:8

Epuripuriyar ŋituŋa ŋulu aronok lopite ŋolo epuripuryarotor ŋakiro ŋuna irujae ituŋanan, nyetamun jik; eŋopiyarete ikes lopite ŋolo eŋipirya etorube ŋolo atakani anakiruja.

Yob 27:19

Eloseneneete ikes akiper eyakatar ebari, nai ani ekyenyunete ikes toryamut ebari daadaŋ kelemar.

Yob 3:13

Kaperi ca tokona ayoŋ analyal atakina cek, kaperi ca tokona ayoŋ pa ayeni ŋadi; ido keeŋunit,

Yob 33:9

Ilimu iyoŋ ebe, ‘Emam ŋuna eketoroniyaritere ayoŋ, emam ekisil abilit ayoŋ;

Yob 7:8

Ŋini ekete ayoŋ tokona, nyekeŋolikini ayoŋ nabo, ani eriŋa iyoŋ ikiwarit ayoŋ Akuj, ikiryamuni ayoŋ kadaun.

Yob 8:1

Ani edauni Yob erwor, togeik nai Bilidad ŋolo abunit alo Su erwor tema,

Yob 9:28

ikiyakar ayoŋ ekabule aŋuna atamya ŋuna ka aryeba kaŋ a daadaŋ, anerae ayeni ayoŋ atemar nyitemari iyoŋ Akuj eyookino ayoŋ.

Ŋikiru. 103:15

Ani eruwor ŋituŋa, ikwaan ŋirwa kec ka ŋulu a ŋinya; epoloete ikes atipei ikwa ŋatur ŋuna ka ariet;

Ŋikiru. 37:36

Ani etoruni ayoŋ neni sek aya ŋulu aronok, abu ayoŋ nyeŋolik tari epei daŋ, abu ayoŋ ewar ikes nai abu nyaryamu jik.

Ekal. 12:7

Eboŋorete ŋawat yok nalup ŋunapei sek alemunere, ido eboŋorete ŋitai yok neni ka Akuj a ŋina abu kiwuak ikes nawat yok.

Isa. 26:19

Eyarunete ŋituŋa kus ŋulu apotu totwaka, eyarununete ŋawat kec. Okoe iyes ŋulu ikinukitae nalup, tonyoutu, toeikisi aŋuna ka alelyanu. Ikwaanikin ayarun kus ka ŋakopi ŋuna ekilikilete taparacu, ipuduni akwap ŋulu elomarito nalup.

Isa. 64:9

Okoe Ekapolon nyiŋo kareca jik ka nyirubak itamunit jik ŋasecisya kosi ŋikaru ka ŋikaru, Totamak tokona atemar ikirae isua daadaŋ ŋituŋa kon.

Dan. 12:2

Eyarunete ŋituŋa ŋulu alalak ŋulu alomasi kwap, ŋice eryamunete alakara ŋina ka akiyar a ŋina nyedaun, ŋice eryamunete ŋileec ka ajamuwaro ŋina nyedaun.

Osea 14:2

Okoe Ŋisirael, toboŋutu neni ke Ekapolon, a ŋakiro kus aŋuna ka akiki tolimokisi Ekapolon ebe, “Tolema ekaile ŋolo ka asecit daadaŋ, tocamu ŋinibore ejok daadaŋ, ido ikiinakini isua iyoŋ ŋainakineta ŋuna ikiikinio iyoŋ.

Yoa. 1:29

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

1 Yoa. 1:9

Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.

1 Yoa. 3:5

Iyenete iyes atemar atakanuni Yesu alemar ŋasecisya ka emam asecit aneni keŋ.