Yob 7:1 - Ebaibul

¹ “Nyegogoŋ mono ŋiticisyo ŋulu itiyaete ŋituŋa anakwap a? Nyetyoko mono ŋirwa ka nyikwaan ka ŋulu a eketiyan a ŋolo etacio a ŋinakoloŋit a?

Yob 7:1 Iomraidhean Croise

Yob 10:17

Iyakar iyoŋ a ŋinapaki ŋisuudae ŋulu kitet aŋuna ka aremokin ayoŋ, ido iyata aŋoit kon neni kaŋ jik; iyaununui iyoŋ ŋiketijikinok ŋulu kitet akitijiore ayoŋ.

Yob 14:1

“Erae ŋituŋa daadaŋ ŋikidouno anaberu; euruwuaka ŋirwa a akiyar kec ka elalak ŋican kec.

Yob 5:7

nai ŋinapei idounere ituŋanan elomari locan, lopite ŋolo eporyoto ŋikatyenyityeny a akim kidiama.

Yob 7:2

Nyikwaan mono ikes ka epito ŋolo iitanit akieŋun alotolim a? Nyikwaan mono ikes ka eketiyan ŋolo iitanit eropit keŋ ŋolo adaunia iŋes akitiyaa akoloŋit ŋin a?

Ŋikiru. 39:4

“Okoe Ekapolon, tolimokinae ayoŋ akoloŋit ŋina atwania ayoŋ, ka ekimar ŋolo a ŋirwa akiyar kaŋ, kimyekinae ayoŋ oyenu auruwuanut ŋina a ŋirwa a ŋulu ka akiyar kaŋ.”

Ekal. 8:8

Mam ituŋanan epedori areun atwanare, kori akitididiyore akoloŋit ŋina etwania iŋes. Erae ŋol ejie ŋolo eyakatar ŋituŋa, ŋolo emam ŋini nyitiji, nyeiuni aronis ŋulu itiyaete aronis.

Isa. 16:14

Nai tokona irworo Ekapolon ebala; “Alotooma ŋikaru ŋiuni, ŋikaru ŋulu eriyan ka ŋulu aminae akipaŋga ituŋanan akitiya etic, ejamuwaryo apolou a Moab tari kelalak nooi ŋituŋa keŋ, eruwor ŋidikudyo bon ŋulupalag idoŋete Moab.”

Isa. 21:16

Aŋun, abu Ekapolon okolimok ayoŋ tema, “Alotooma ekaru epei, ŋolo ikwaan ka ŋolo itiyaa ituŋanan ŋini ipaŋgaunitae, edaun apolou a Kedar daadaŋ,

Isa. 38:5

“Tolot tolimok Esekia atemar alimu Ekapolon Akuj a papaa kon a Daudi ebe, ‘Adau ayoŋ akiirar akigworo kon ka eŋolik ŋakiyo kon eyatakini ayoŋ nakiyar kon ŋikaru ŋice ŋitomon ka ŋikan.

Isa. 40:2

Kirworo irimaaka neni a ŋituŋa a Yerusalem, kiserata ŋakiro neni a ŋituŋa keŋ, tolimokisi ikes atemar erikakin ŋakiro ŋuna atyonok ŋuna sek etiyaete ikes, tolimokis ikes atemar ataci ŋuna sek adikino ikisicanere, tolimokis ikes atemar adaun akisican iyes anapedor a Ekapolon a ŋina apolon aŋuna a ŋasecisya kus daadaŋ.

Ŋilep. 25:50

Imarunete iŋes ka ituŋanan ŋini kebu iŋes toreikin akiboiyo ŋikaru ŋulu kiboiyo iŋes a nen, ameun alokaru a ŋolo areunor iŋes akiboi a nen akitodol ekaru ŋolo itiyaere ŋasuban ŋuna a ŋikaru a ŋatomonikan. Emaikina etyae ŋolo elakunere iŋes eriyan ka etyae ŋolo etacio ikelejilejan, ido torae ŋolo ŋikaru a ŋulu eboiyo iŋes a nen.

Ŋikis. 15:18

Nyemaikina ikinomorit iyes akimyekin epito, kori apito kus tolot, anerae abu iŋes ikitiyanak iyoŋ alotooma ŋikaru ŋikanikapei, eriyan etic ŋolo etiya iŋes, alotooma ŋikaru ŋul ka etic ŋolo itiyaete ŋiketiyak ŋiarei ŋulu ipaŋgatae, ido ikiterereŋi iyes Ekapolon aloticisyo a daadaŋ a ŋulu itiyaete iyes.