Yob 5:9 - Ebaibul

⁹ Itiyae Akuj ŋakiro ŋuna ka aumokin ŋuna nyepedoryo iwon ayenun, itiyae iŋes ŋuna ka aumokin ŋuna nyimarunun.

Yob 5:9 Iomraidhean Croise

Yob 10:16

Idedŋ iyoŋ ikwa eŋatny ikiwarit ayoŋ, iboŋonokini iyoŋ akican ayoŋ ikimanit.

Yob 13:1

“Kiirasi, eŋolik ayoŋ ŋakiro ŋun daadaŋ, eira ayoŋ ŋakiro ŋun ka ayenu ayoŋ ikes.

Yob 37:14

“Okoe Yob, kiira nu, torubak ililiŋi, ido totamatama ŋuna ka aumokin ŋuna etiya Akuj.

Yob 37:16

Iyeni iyoŋ ikwa iyooliyotor ŋidouwon alokidiama a? Iyeni iyoŋ ŋiticisyo ŋulu ka aumokin ŋulu a ŋina iyookino aosou keŋ a?

Yob 37:5

Ani elimuni Akuj ŋakiro, itiyanakin ŋakiro ŋuna ka aumokin, itiyaenene Akuj ŋakiro ŋuna nyikipedori iwon ayenun.

Yob 42:3

Iŋita iyoŋ ebe, ‘Ŋae ŋin ŋini itukuruworit atukun ŋakiro torae bo ŋini emam aosou?’ Aŋun, adau ayoŋ akirwor ŋakiro ŋuna pa ayeni apolou kec, erwor ayoŋ ŋakiro ŋuna aumokinit ayoŋ nooi, ŋuna pa ayeni ayoŋ apolou kec.

Yob 9:10

Akuj itiyae ŋiticisyo ŋulu apolok nooi ŋulu emam ituŋanan epedori ayenun, Akuj itiyae ŋiboro ŋulu ajokak nooi ŋulu emam ituŋanan epedori akimarun.

Ŋikiru. 139:18

Kerae emarenenee ayoŋ ikes, kelal ekimar kec akilo asinyon; ani akyenyuni ayoŋ, aryamuni atemar eriŋa ayoŋ ikirukit ka iyoŋ.

Ŋikiru. 145:3

Epol nooi Ekapolon, emaikina kipuroe iŋes itopolooritae nooi; emam ituŋanan epedori akisalun ayenun apolou keŋ.

Ŋikiru. 40:5

Elalak nooi, okoe Ekapolon Akuj kaŋ, ŋaumonokineta ŋuna idau iyoŋ akitiya aŋuna kosi. Emam ituŋanan epedori alimunun ŋuna idau iyoŋ ayere aŋuna kosi; kerae opedori ayoŋ alimunun ikes kelalak nooi, pa kepedor akimarun.

Ŋikiru. 40:6

Nyicamit iyoŋ ŋamuronisya ka ŋainakineta, nai ikiinak ayoŋ ŋaki ŋuna eŋaara eirarya ŋakiro kon ewuap. Nyiitana iyoŋ ŋainakineta ŋuna epeyo ka ŋainakineta ŋuna ka asecit.

Ŋikiru. 72:18

Akipuro toyai neni ke Ekapolon Akuj, Akuj ŋina a Isirael, iŋes bon itiyae ŋiticisyo ŋulu ka aumokin.

Ŋikiru. 86:10

anerae ipol iyoŋ nooi ka itiyae ŋiticisyo ŋulu ka aumokin; iyoŋ bon irae Akuj.

Ekal. 3:11

Eturuwo Akuj ibore daadaŋ ŋini ejok apaki ŋina eyakar ibore ŋin; adau daŋ Akuj akiwuakin lotai a ŋituŋa ayenut ŋuna alunyar ka ayenun ŋuna eponito alokiŋaren, kerae tomam ayenut ŋin aneni a ituŋanan, pa kepedorit ituŋanan ayenun etic ŋolo itiyae Akuj ŋinapei anakisyakinet tari momit nasalunet.

Isa. 40:28

Nyeyenuna iyes a? Nyiirara iyes a? Erae Ekapolon Akuj ŋina a ŋikaru ka ŋikaru, ekasuban akwap ka ŋinibore eyai nakwap. Nyilelenyenene iŋes, kori nyeupenene; mam ituŋanan epedori ayenun ŋuna eyeni iŋes.

Ŋirom. 11:33

Okoe, kelalaar nooi ebari ŋolo ka Akuj, epol nooi aosou ka ayenut keŋ! Ŋae epedori akitacaun ŋuna etubununui iŋes? Ŋae epedori ayenun ŋakiro ŋuna itiyae iŋes.