8 “Ani kerae torae ayoŋ, kewar Akuj, ido olimok ŋakiro kaŋ.
“Ani kitiya iyoŋ alotau kon ŋuna iyookino, ipedori akikyaar ŋakan kon neni eyai Akuj.
Ŋuna iyenete iyes, ayeni ayoŋ daŋ; nyadit ayoŋ aneni kus.
Nai apedori ayoŋ akirwor neni ka Akuj a ŋina etiron, acamit ayoŋ akirwor ŋakiro kaŋ neni ka Akuj, etoodik iŋes atemar mam ŋakiro ŋuna aronok ŋuna etiyat ayoŋ.
“Yob, tocamunos ka Akuj ka kisila ka iŋes; kitiya iyoŋ ŋun, ebuni ajokis neni kon.
Ipedori iyoŋ akilip neni keŋ ka iirari iŋes akilip kon, ido isiyookini iyoŋ ŋakikoŋieta kon.
Ani tokona, kiwar iyoŋ ŋuna ka Akuj, ido todyekanar aneni a ŋina etiron,
Kiwuakisi akiyar kus neni ke Ekapolon; kikinyoma iŋes ikiŋarakini iŋes iyes.
Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”
Okoe iyoŋ Ekapolon ŋolo a ŋajoresyo iyoŋ ŋolo itubi ŋakiro ka akiyookino, ŋolo ikatanakini ŋitai ka ŋatameta a ŋituŋa, kisiŋolikinae ayoŋ akinyaŋaret kon neni a ŋituŋa a lu, anerae ewuak ayoŋ ŋakiro kaŋ daadaŋ napedor kon.
erae nai Ŋakiro ŋuna Ajokak ŋunapei ŋun ikes adaŋitor ayoŋ daŋ ŋican. Nai nyekerumito ayoŋ ŋileec, anerae ayeni ayoŋ ŋini ekinyomit ka ayeni kire atemar epedori iŋes akiyok ejok ŋuna adaun akicikakin ayoŋ akitodol Akoloŋit ŋina esidyon.
Apaki ŋina eyanyere iŋes, nyemoro iŋes idiotuŋanan, apaki ŋina esicanere iŋes, pa abu kitukuryan idiotuŋanan, nai abu inakin neni ka Akuj a ŋina etubi ŋakiro iyookino.
Aŋun, ikes ŋulu eryamunito ŋican aŋuna ka acamit a ŋina ka Akuj, itemokino torubakis itiyaete ŋuna ajokak, inakinos neni ke Ekasuban kec, a ŋolo itiyae ŋuna adau akiikin.
