Yob 5:5 - Ebaibul

⁵ Irikarete ŋulu enyamit akoro akimuj ŋina itaunito ŋulu iteryamunitae ŋican, elemarete ŋulu enyamit akoro ŋul tari ŋikinyom ŋulu eyakasi kidiŋ ŋikukwa, erakaaketa ŋirorokanotin aŋuna ka abaru a ŋulu iteryamunitae ŋican.

Yob 5:5 Iomraidhean Croise

2 Ŋakiro a ŋirwa 33:11

Aŋun, abu Ekapolon yau ŋikapolok a ŋasigarya a erwosit ka Asiriya akirem ikes ka apotu torikosi Manase, kiwuakis ekodocet lokume keŋ, toena iŋes a ŋiriko a ŋulu etiyaunitae a eburonis, yaasi Babilon.

Yob 1:15

apotu Ŋisabean potu toremo ka tomeasi ŋibaren ŋul daadaŋ, ido apotu toara a ŋileŋia ŋiketiyak; ayoŋ bon abu osi ainun iyoŋ ŋakiro ŋuna apotu kitiyakin.”

Yob 1:17

Ani eriŋa ŋol irworo, todolu ece tema. “Apotu Ŋibabiloniyae kicodut eyakatar ŋakodeta ŋauni, toremo ŋikaala tomeasi, ido apotu toara a ŋileŋia ŋiketiyak, ayoŋ bon abu osi ainun iyoŋ ŋakiro ŋuna apotu kitiyakin.”

Yob 12:6

Iboiyete ŋikokolak anakais kec a ekisil ka iboiyete ŋulu itoŋoeneneete Akuj emam ŋace, ŋituŋa ŋul ikes ŋulu ituruworito agogoŋu kec akuj ŋina ikinyomito ikes.

Yob 2:3

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok. Erubakinit iŋes iyookino, tari daŋ kicamit iyoŋ ayoŋ oremokin iŋes ka omunaiya iŋes emam ŋuna aronok ŋuna itiyat iŋes neni kaŋ.”

Yob 20:15

Edemete ŋikaronok ŋiboro alotuŋa, ilikete ikes ŋiboro ŋul lopite ŋolo ilikio ituŋanan akimuj, nai itelekunio ikes ebari ŋol, itelekuni Akuj ikes ebari ŋol anakookyes kec.

Yob 20:22

Eryamunete ikes ŋican ŋulu itemokino ikes toryamut, ebuni neni kec aryenyeo daadaŋ ŋina a ŋican.

Yob 22:10

Aŋun, ayakaun ŋatyokisyo nakiyar kon, ido ikiyalaasi iyoŋ ŋican ŋulu ka atipei,

Ŋikiru. 109:11

Emaikina ŋulu ideniyorito ŋiboro aneni keŋ tolemasi ŋiboro keŋ daadaŋ, emaikina ŋituŋa ŋulugelae toŋatasi ŋiboro ŋulu kebu iŋes toryamu.

Isa. 62:8

Adau Ekapolon akikoŋ anakiloun keŋ ka anapedor keŋ a ŋina etiron ebe, “Nyainakini nabo ayoŋ ŋikinyom kus toruwor akimuj a ŋimoe kus, nyemasete ŋituŋa ŋulugelae epiini ŋolo itaunete iyes.

Yer. 51:34

“Ikimunya isua erwosit Nebukadinesar ŋolo a Babilon, ikiar iŋes isua, eturuwo iŋes etaun kosi ŋolo emam ŋituŋa. Ikiliko iŋes isua lopite ŋolo ilikorya emorotot ibore. Aŋata iŋes ŋiboro kosi ŋulu ajokak daadaŋ, emasa nariet ŋulu nyecamit.

Yer. 51:44

Esicani ayoŋ Bel akuj ŋina a Babilon, etelekuni ayoŋ ŋituŋa keŋ ŋiboro ŋulu apotu ikes todemasi ŋituŋa, nyeriŋa nabo ŋituŋa a ŋakwapin eropiyete akilip neni keŋ, aritakin arwatata a Babilon.

Aum. 2:16

Ikikyenatar iyes ŋimoe kus daadaŋ; ikijuutiyanarete iyes ka ikimwanakinete ebasi, “Adaun ro iwon amunaar iŋes! Okoe, arae ro akoloŋit edaritae iwon na, etemokin tokona, ikiŋolik iwon!”

Aum. 2:5

Ekwaanikin Ekapolon aneni yok ka ŋimoe; amunya iŋes Ŋisirael; amunya ŋakais daadaŋ ŋuna iboiyoto ŋirwosi a Isirael, aritaki kwap ka eturuwo ŋaduketa kec ŋunajiet ŋireŋoroto, etalal nooi akigworo ka aumonokin alotuŋa a Yudaya.

Osea 8:7

Eeyanakinete ŋituŋa a Isirael ekuwuam ŋolo ekusi iwadio lomanikorin kec, aŋun, elemunete ekuwuam ŋolo ekusi nooi kipiripiri, nyesuronorete ŋikinyom alomanikorin kec, emam akimuj eryamunio alomanikorin kec, ani kerae toraunito, keponito ŋituŋa ŋuluce alemar.

Ŋikis. 28:33

Enyamete ŋituŋa ŋulu nyiyenete iyes ŋaraito a akwap kus ka ibore daadaŋ ŋini itiyaunito iyes a ŋakan kus, erubakinio ikijamuwaritae ka ikisicanitae iyes,

Ŋikis. 28:51

Emunyarete ŋituŋa ŋul ŋitak ka ŋikaalei a ŋibaren kus, ŋikinyom ka ŋaraito kus tari ŋina imunyarotor iyes, nyimyekis aŋuna kus kerae ŋikinyom, epiini, akimyet, kori ŋitak a ŋaatuk kus, kori ŋikaalei a ŋakinei kus tari ŋina ikimunyaryata ikes iyes.

Ŋikat. 6:11

Apaki ŋin, abu emalaika ŋolo ke Ekapolon bu kiboikin kwap ekuyon ŋolo alo Opura, ŋolo arae ŋolo ka Yoas a ŋolo arae Ebiesarait. Apaki ŋin arami lokoku keŋ Gideon ŋikinyom ŋulu a ŋaganoi aneni acuyere epiini, kiwaite nyiŋolikis Ŋimidian.