Yob 5:18 - Ebaibul

¹⁸ Ikiwani Akuj, nai iŋes pei ikimadi, ikidai Akuj, nai iŋes pei itiiyori neni ewanan.

Yob 5:18 Iomraidhean Croise

Ŋikiru. 147:3

Isimukekini ŋulu amamukaun amukeo alotai kec, imaduni ŋulu ewanan.

Isa. 19:22

Isicani Ekapolon Ejipit, isicani ka kitaŋaleu; eboŋunete ikes neni ke Ekapolon ka iirari Ekapolon adyekanot kec, ido kitaŋaleu ikes.

Isa. 30:26

Akoloŋit ŋina imadya Ekapolon neni ewanan alotuŋa keŋ ka ŋina itaŋaleunio Ekapolon ŋajemei ŋuna abu iŋes kiteryamu ŋituŋa keŋ, ecauni elap ikwa akoloŋ ekwaŋiar akica a akoloŋ akilo tari ŋarwa ŋakanikaarei, ikwaanikin akica ŋin bon ka ŋina a ŋirwa a ŋikanikaarei.

Yer. 30:17

Eketojokuni ayoŋ iyes nabo, ka etiiyori ayoŋ ŋajemei kus, anerae ikinyarata ŋimoe kus iyes ebe, ‘Erae ikes ŋulu ilamitae, ilamitae Sion, mam ituŋanan emisit iŋes.’ ”

Osea 6:1

Apotu ŋituŋa temasi, “Potu, oboŋosi neni ke Ekapolon, anerae iŋes ŋolo abu ikiwan iwon, iŋes pei epedori akitaŋaleun iwon. Ikida iŋes iwon, ido iŋes pei epedori akimad ŋajemei yok.

Ŋilep. 14:48

“Nai ani kebu esacaradoti akisyeme akai ŋin kedaun akilaboun, ido toryamu pa etakani ibore ŋini sek ekunoikinit, elimuni iŋes atemar mam ŋuna itoroniyaritere akai ŋin, anerae kedaun ibore ŋin.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

1 Sam. 2:6

Earenene Ekapolon ka iteyarununui; eayenene ŋituŋa nakibois a ŋikatwak, ido inyakununui ikes a nen.