Yob 5:13 - Ebaibul

¹³ ikamununui Akuj ŋikaosok anaosou kec, itasalununui Akuj atipei ŋuna eyeete ŋulu irworosi itojokasi.

Yob 5:13 Iomraidhean Croise

2 Sam. 15:31

Apaki ŋin, keris kelimokin Daudi ebe, “Erae Aisopel epei a ŋulu ariwo ka Abusalom.” Aŋun, abu Daudi kilip tema, “Okoe Ekapolon, kituruwo Aisopel ebaŋ anakiro a ŋuna elimuni.”

2 Sam. 15:34

Nai ani kiboŋo iyoŋ lotaun, ido tolimok Abusalom ebe, ‘Okoe erwosit, kimyekinae ayoŋ oruwor eketiyan kon, arae paaran ayoŋ eketiyan a papa kon, nai tokona acamuni ayoŋ aruwor eketiyan kon.’ Ipedori nai iyoŋ aŋuna kaŋ akitepeg ka awoun ŋakiro ŋuna elimuni Aisopel.

2 Sam. 17:23

Ani eyenuni Aisopel atemar mam ituŋanan abu kiwuap ŋakiro keŋ, abu toenik esigirya keŋ toboŋo kai keŋ lotaun kec. Kitemok ŋiboro alokai keŋ, ido tomyedakin. Ani kedau iŋes atwanare, aponi yaarae akuwan keŋ tonukae neni anukitae papa keŋ.

Esta 7:10

Aŋun, apotu ŋituŋa kinenekis Aman nakito ŋuna abu iŋes todupak akinenekin Moridekai. Totikiun nai anyunyura a erwosit.

Esta 9:25

Nai ani irari erwosit ŋakiro ŋuna ka atuko ka Aman, abu tolimu anakiro a ŋuna egiri iŋes atemar kisicanae Aman aŋuna ka aronis a ŋina atuku iŋes akitiya neni a Ŋiyudayan. Tolimu iŋes atemar kinenekinoe Aman ka ŋidwe keŋ ŋulusapa nakito.

Yob 15:5

anerae aronis kon iŋes ikiinak iyoŋ akirworo lopite ŋolo irworor iyoŋ; idau iyoŋ aseun akirworo lopite ŋolo irworotor ŋimodiyanotin.

Yob 37:24

Aŋun, ŋituŋa kitopoloosi Akuj, nyemitakinit Akuj ituŋanan ŋini etami atemar aos iŋes.”

Ŋikiru. 18:26

Itoodiunun iyoŋ ijok aneni a ŋulu emam asecit; ido iryenyaanikinit iyoŋ ŋulu isyaaka.

Ŋikiru. 9:17

Elosete ŋulu aronok daadaŋ nakibois a ŋikatwak, elosete ŋituŋa daadaŋ ŋulu eŋerito Akuj nen.

Ŋakit. 3:32

anerae nyecamit Ekapolon ituŋanan ŋini itiyae asiilyo, nai eyai lotau a Ekapolon ituŋanan ŋini iyookino.

Isa. 19:3

Ekadakini Ŋijipitian, ido eruwor ŋakiro ŋuna eyeunete ikes ŋacaryo; elosete ikes akiŋita ŋakiro aneni a ŋitorubei a ŋakujo, aneni a ŋitai a ŋikatwak ka aneni a ŋimurok ta aneni a ŋililae,

Isa. 44:25

Ayoŋ ŋolo nyemyekini kiyookin ŋakiro ŋuna edwarete ŋimodiyanotin, ayoŋ ŋolo eturuwori ŋikadwarak ŋuna aronok ŋibaŋaanotin ayoŋ alemari asyomit a ŋikaosok, eturuwo aosou kec abaŋao.

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 49:7

Alimu Ekapolon ŋolo a ŋajoresyo ŋakiro nu aŋuna ke Edom, “Nyeriŋa mono aosou eyai lotuŋa ŋulu a Teman a? Adaun mono ŋakitatameta aneni a ŋikaosok a? Aŋopiya mono aosou kec a?

Yer. 8:8

“Nyo ikitilimuni iyes ebe, ‘Ikiosok isua ka eyakare isua ŋikisila ke Ekapolon,’ torae bo eturuwosi ŋikegirigirak ŋikisila ŋakiro ŋun alyokonu?.

Yer. 8:9

Isurumyo ŋikaosok ŋileec, itakadakinio ikes ka eyaaryo ikes, anerae aŋero ikes akirot ŋina ke Ekapolon, aniosou nai eyai neni kec?

Yer. 9:22

Irworo Ekapolon ebala, ‘Eperete anariet ikwa aoret ŋawat a ŋituŋa a ŋulu etwakito, eyakaun ikes nen ikwaan ka ŋatukon a ŋakasirim ŋuna imyekini ekaleman emanikor, ido mam ituŋanan epedori acunakin iwapei ŋawat a ŋituŋa a ŋul.’

Ekim. 22:25

Ani iŋolikini esigirya emalaika a Ekapolon, togaariyo arwatata, togirisiyo arwatata akeju a Balaam, tosodi toram nabo Balaam esigirya.

Luk. 1:51

Etiya iŋes ŋakiro ŋuna apolok a akeekan, eela ŋulu eturok alotai kec.

1 Ŋikor. 3:19

Anerae aosou ŋina ka akwap a na, erae abaŋao alokiŋaren Akuj. Ikwaŋina igiritere Nakigireta ebe, “Ikamununui Akuj ŋikaosok anaosou kec”